Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.
Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.
Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.
Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.
Chexpa̱ba̱nk chi anchal e̱chꞌo̱l ut chetzolak e̱rib riqꞌuin li Cristo. Cauhak e̱chꞌo̱l chixpa̱banquil li cꞌaꞌru tzolbilex cuiꞌ ut junelic chexbantioxi̱nk chiru li Dios.
Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.
Chixjunileb aꞌan yo̱queb chi tijoc chi junajeb xchꞌo̱l rochbeneb li ri̱tzꞌin li Jesús ut lix María lix naꞌ. Ut cuanqueb ajcuiꞌ ixk yo̱queb chi tijoc rochbeneb.