Colosenses 3:3 - Li Santil hu

³ Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios.

Q'eqchi Bible

³ Xb'aan naq ak kamenaqex ut muqmu leeyu'am rochb'een li Kriist rik'in li Yos.

Colosenses 3:3 ပူးပေါင်းရင်းမြစ်များ

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Romanos 6:2

¡Ma̱ jokꞌe! Ma̱min ta̱ru̱k. Chanchan nak ac camenako la̱o xban nak moco cuan ta chic xcuanquil li ma̱c saꞌ kabe̱n. Cui ma̱cꞌaꞌ chic xcuanquil li ma̱c saꞌ kabe̱n, ¿cꞌaꞌut nak toj yo̱ko chi ma̱cobc?

Colosenses 2:20

Chanchan nak quexcam e̱rochben li Cristo nak xexpa̱ban. Acꞌ chic le̱ yuꞌam ut li cꞌaꞌru tzolbilex cuiꞌ chak junxil saꞌ ruchichꞌochꞌ ma̱cꞌaꞌ chic xcuanquil saꞌ e̱be̱n. ¿Cꞌaꞌut nak toj nequeqꞌue e̱rib chi balakꞌi̱c ut chixba̱nunquil le̱ najter naꞌleb?

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Romanos 8:2

Lix cuanquil li Santil Musikꞌej li naqꞌuehoc yuꞌam saꞌ xcꞌabaꞌ li Jesucristo, aꞌan nacoloc cue chiru lix cuanquil li ma̱c ut li ca̱mc.

Romanos 5:10

Nak toj aj ma̱co chak xicꞌ nakil li Dios. Aban li Dios xoxcꞌam saꞌ usilal riqꞌuin saꞌ xcꞌabaꞌ lix camic li Ralal. Ut anakcuan nakanau chic nak cuanco saꞌ usilal riqꞌuin li Dios ut colbilo xban nak li Cristo quicuacli cuiꞌchic chi yoꞌyo.

2 Corintios 5:14

Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

San Juan 5:21

Li Yucuaꞌbej naxcuaclesiheb cuiꞌchic chi yoꞌyo li camenak. Ut joꞌcan ajcuiꞌ la̱in li Cꞌajolbej. La̱in ninqꞌue li junelic yuꞌam reheb li ani nacuaj.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

1 Pedro 3:4

Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Colosenses 3:4

Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Colosenses 2:3

Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil.

San Juan 5:40

La̱ex incꞌaꞌ nequeraj xpa̱banquil nak la̱in ninqꞌuehoc e̱re le̱ yuꞌam chi junelic.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

Filipenses 4:7

Ut li Dios ta̱qꞌuehok e̱re li tuktu̱quil usilal. Aꞌan kꞌaxal lokꞌ chiru chixjunil li cꞌaꞌru nakacꞌoxla la̱o. Ut li tuktu̱quil usilal li naxqꞌue li Dios tixcꞌojob le̱ chꞌo̱l ut tixtukub le̱ cꞌaꞌux xban nak junajex chic riqꞌuin li Cristo.

1 Corintios 15:45

Tzꞌi̱banbil saꞌ li Santil Hu chi joꞌcaꞌin: Laj Adán li xbe̱n cui̱nk quiqꞌueheꞌ xmusikꞌ nak quiyoꞌobtesi̱c xban li Dios. (Gén. 2:7) Abanan li xcab Adán, aꞌ li Ka̱cuaꞌ Jesucristo, aꞌan musikꞌej ut aꞌan li naqꞌuehoc kayuꞌam chi junelic.

1 Corintios 2:14

Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

Romanos 5:21

Xban nak cuan li ma̱c, cuan ajcuiꞌ li ca̱mc. Abanan xban xnimal rusilal, li Dios naxqꞌue xti̱quilal li kachꞌo̱l ut li kayuꞌam chi junelic saꞌ xcꞌabaꞌ li Ka̱cuaꞌ Jesucristo.

Colosenses 1:5

Nak xerabi resil li colba-ib, xerabi ajcuiꞌ resil li sahil chꞌo̱lejil cꞌu̱lanbil saꞌ choxa chokꞌ e̱re. Xban nak yo̱quex chixyoꞌoninquil aꞌan, nequexpa̱ban ut nequera le̱ rech aj pa̱banelil.

2 Corintios 5:7

Nak yoꞌyo̱co arin saꞌ ruchichꞌochꞌ, toj ma̱jiꞌ nakil ru li Ka̱cuaꞌ. Abanan cau kachꞌo̱l nak li Ka̱cuaꞌ cuan kiqꞌuin.

Romanos 6:11

Joꞌcan ajcuiꞌ la̱ex. Cheqꞌuehak retal nak chanchan ajcuiꞌ nak camenakex ut ma̱cꞌaꞌ chic xcuanquil li ma̱c saꞌ e̱be̱n. Acꞌ chic le̱ yuꞌam qꞌuebil e̱re xban li Ka̱cuaꞌ Jesucristo ut junajex chic riqꞌuin. Yoꞌyo̱quex re nak texcꞌanjelak chiru li Dios.

Efesios 3:9

Joꞌcan nak tento tinchꞌolob yalak bar lix ya̱lal li naꞌleb li mukmu nak quicuan chak junxil. Chalen chak saꞌ xticlajic chixjunil li naꞌleb aꞌin mukmu chak xban li Dios li quiyi̱ban re chixjunil.

1 Pedro 4:2

Ut jarub cutan chic toj yoꞌyo̱kex cheba̱nuhak li cꞌaꞌru naraj li Dios, ut incꞌaꞌ chic yo̱kex chixba̱nunquil li cꞌaꞌru querahi chak ru junxil.