Colosenses 2:2 - Li Santil hu

² Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Q'eqchi Bible

² re naq taak'ojlaaq xch'ooleb', junajaq xk'a'uxeb' sa' li rahok, toxe'xtaw li xnimal b'ihomal wank sa' li nawok yaal chi tz'aqal jo'wi' sa' xtawb'al ru li xmuqmuukil na'leb' li Yos, a'an li Kriist.

Colosenses 2:2 ပူးပေါင်းရင်းမြစ်များ

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Colosenses 4:8

Aꞌan aj e nak tintakla e̱riqꞌuin. Tixye e̱re chanru nak cuanco arin ut tixqꞌue ajcuiꞌ xcacuil e̱chꞌo̱l saꞌ le̱ pa̱ba̱l.

Efesios 6:22

Yo̱quin chixtaklanquil laj Tíquico e̱riqꞌuin re xserakꞌinquil e̱re chanru cuanco arin. Ut nak te̱nau chanru cuanco, chicꞌojla̱k taxak e̱chꞌo̱l riqꞌuin aꞌan.

Colosenses 3:14

Li kꞌaxal lokꞌ xba̱nunquil chiru chixjunil li cꞌaꞌak re ru aꞌin, aꞌan li rahoc ib xban nak riqꞌuin aꞌan junajak li kacꞌaꞌux ut tzꞌakalak re ru li takaba̱nu.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

Filipenses 2:1

Anakcuan nacuaj xpatzꞌbal e̱re: ¿Ma cuan xya̱lal chokꞌ e̱re la̱ex nak xepa̱b li Cristo? ¿Ma cꞌojcꞌo e̱chꞌo̱l xban nak raro̱quex xban li Cristo? ¿Ma junaj ru le̱ chꞌo̱l che̱junilex xban li Santil Musikꞌej li cuan e̱riqꞌuin? ¿Ma nequera e̱rib chi ribil e̱rib? ¿Ma nequeruxta̱na e̱ru chi ribil e̱rib?

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

2 Pedro 1:3

Chixjunil li cꞌaꞌru nacꞌanjelac ke saꞌ li kayuꞌam ut saꞌ li kapa̱ba̱l qꞌuebil ke xban xnimal xcuanquil li Cristo. Saꞌ xcꞌabaꞌ lix cuanquil xkanau ru li Dios li quibokoc ke chi tzꞌako̱nc riqꞌuin lix nimal xlokꞌal ut xcuanquilal.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

San Juan 10:30

La̱in ut li Yucuaꞌbej junajo chi kibil kib, chan li Jesús.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Hebreos 6:11

Takaj nak che̱junju̱nkalex te̱qꞌue e̱chꞌo̱l chixba̱nunquil li usilal chalen toj saꞌ rosoꞌjic le̱ yuꞌam. Chi joꞌcan te̱cꞌul chi tzꞌakal le̱ kꞌajca̱munquil li yechiꞌinbil e̱re xban li Dios.

Colosenses 1:9

Ut chalen nak quikabi resil nak xexpa̱ban, joꞌcan nak junelic nocotijoc che̱rix. Nakatzꞌa̱ma chiru li Dios nak tixcꞌut che̱ru cꞌaꞌru naraj te̱ba̱nu. Ut nakatzꞌa̱ma ajcuiꞌ chiru li Dios nak li Santil Musikꞌej tixqꞌue e̱naꞌleb chixtaubal ru lix ya̱lal.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

1 Corintios 2:12

Li Dios quixqꞌue ke jun li Musikꞌej. Ma̱cuaꞌ yal xmusikꞌ cui̱nk li cuan kiqꞌuin. Aꞌ lix Santil Musikꞌ li Dios, aꞌan li cuan kiqꞌuin. Li Dios quixqꞌue ke li Santil Musikꞌej re nak takatau ru li cꞌaꞌru naxqꞌue ke riqꞌuin xnimal rusilal.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 16:15

Chixjunil li cꞌaꞌru cuan re lin Yucuaꞌ, cue ajcuiꞌ la̱in. Joꞌcan nak xinye e̱re nak li cꞌaꞌru tinye e̱re, aꞌan ajcuiꞌ li tixcꞌutbesi che̱ru li Santil Musikꞌej.

San Juan 10:38

Abanan cui yo̱quin chixba̱nunquil li cꞌaꞌru naraj li Dios, usta incꞌaꞌ niquine̱pa̱b la̱in, cheqꞌue retal li milagro li yo̱quin chixba̱nunquil re nak te̱nau chi tzꞌakal nak li Dios cuan cuiqꞌuin ut la̱in cuanquin riqꞌuin aꞌan, chan li Jesús.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

San Juan 5:17

Li Jesús quixye reheb: —Lin Yucuaꞌ toj yo̱ chixtenkꞌanquileb li cristian ut tento ajcuiꞌ nak tintenkꞌaheb la̱in, chan.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

Isaías 40:1

Li Ka̱cuaꞌ le̱ Dios quixye: —Checꞌojobakeb xchꞌo̱l lin tenamit. Ut cheqꞌuehak xcacuileb xchꞌo̱l.

Isaías 32:17

Chixjunileb teꞌxba̱nu li us ut teꞌcua̱nk saꞌ tuktu̱quil usilal. Cꞌojcꞌo̱keb chic xchꞌo̱leb chi junelic.

Salmos 133:1

Qꞌuehomak retal nak kꞌaxal lokꞌ nak junaj xchꞌo̱leb li ralal xcꞌajol li Dios. Cꞌajoꞌ xlokꞌal nak cuanqueb saꞌ usilal.

1 Juan 5:7

Saꞌ choxa cuanqueb li oxibeb li nequeꞌchꞌoloban lix ya̱lal. Aꞌaneb aꞌin: li Dios Acuabej, li Dios Cꞌajolbej ut li Dios Santil Musikꞌej. Li oxib aꞌin junajeb chi ribil.

1 Juan 3:19

Cui nakara li kaherma̱n, nakanau nak la̱o tzꞌakal ralal xcꞌajol li Dios, ut cau kachꞌo̱l chixpa̱banquil li Dios.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

2 Pedro 1:10

Riqꞌuin ut aꞌin ex herma̱n, cheqꞌue taxak e̱chꞌo̱l chixtaubal ru nak bokbilex ut sicꞌbil e̱ru xban li Dios. Cui nequeqꞌue retal aꞌin incꞌaꞌ chic texma̱cobk.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

1 Ts 3:2

Ut xkatakla li hermano Timoteo e̱riqꞌuin. Aꞌan laj cꞌanjel chiru li Dios chixyebal resil li colba-ib saꞌ xcꞌabaꞌ li Cristo. Laj Timoteo tixqꞌue xcacuilal e̱chꞌo̱l saꞌ le̱ pa̱ba̱l ut tixqꞌue ajcuiꞌ e̱naꞌleb.

1 Ts 1:5

Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil.

Hechos 4:32

Ut chixjunileb li queꞌpa̱ban junajeb chic xchꞌo̱leb ut junajeb chic xcꞌaꞌuxeb. Ut ma̱ ani quixye nak junes re aꞌan li cꞌaꞌru cuan re. Reheb ban saꞌ comonil chixjunil li cꞌaꞌru cuan reheb.

1 Reyes 3:28

Nak eb laj Israel queꞌrabi resil li cꞌaꞌru quixba̱nu li rey, chixjunileb queꞌxqꞌue saꞌ xnakꞌ ruheb. Queꞌxqꞌue retal nak li Ka̱cuaꞌ quiqꞌuehoc xnaꞌleb re nak ta̱rakok a̱tin saꞌ ti̱quilal.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

San Lucas 1:1

Nabaleb li queꞌyaloc re xtzꞌi̱banquil chi tzꞌakal re ru chanru lix naꞌleb li Jesucristo nak quicuan saꞌ kaya̱nk.

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

1 Corintios 14:31

Che̱junju̱nkalex ta̱ru̱k te̱ye li cꞌaꞌru xcꞌuteꞌ che̱ru xban li Dios re nak chixjunileb laj pa̱banel teꞌxtzol rib ut ta̱cacuu̱k xchꞌo̱leb saꞌ lix pa̱ba̱leb.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Efesios 3:3

Li Dios, aꞌan quicꞌutuc re chicuu li naꞌleb aꞌan, li mukmu nak quicuan chak junxil. Ac xintzꞌi̱ba caꞌchꞌin resil e̱re chirix li naꞌleb aꞌin.

Efesios 3:16

Kꞌaxal nim li rusilal li Dios. Joꞌcan nak nintzꞌa̱ma chiru nak li Santil Musikꞌej chiqꞌuehok e̱cuanquilal ut xcacuilal e̱chꞌo̱l saꞌ le̱ pa̱ba̱l.

Colosenses 1:26

Li xya̱lal aꞌan mukmu chiruheb chixjunileb nak quicuan chak junxil. Abanan anakcuan moco mukmu ta chic. Li Dios yo̱ chixcꞌutbesinquil chiruheb li nequeꞌpa̱ban re.

Colosenses 2:19

Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios.

Colosenses 4:3

Ut nak yo̱kex chi tijoc, chextijok ajcuiꞌ chak chikix la̱o re nak tixqꞌue ke li Dios xyebal resil li colba-ib saꞌ xcꞌabaꞌ li Cristo. Li xya̱lal li colba-ib, aꞌin mukmu nak quicuan chak. La̱ex nequenau nak cuanquin chi pre̱xil xban xyebal resil li colba-ib.