Cantares 8:9 - Li Santil hu

⁹ Cui ta aꞌan tzꞌac takayi̱b raj riqꞌuin plata junak li cab najt xteram saꞌ xbe̱n. Cui ta aꞌan oqueba̱l, takatzꞌap raj riqꞌuin li cha̱bil cheꞌ cedro.

Q'eqchi Bible

⁹ Wi ta a'an suttz'ak, tqayiib' raj rik'in plaat junaq kab'l najt xteram sa' xb'een; wi ta a'an okeb'aal, tqanat' raj rik'ineb' xtz'alamche'il li yaw.

Cantares 8:9 ပူးပေါင်းရင်းမြစ်များ

Hechos 15:16

Ut chirix aꞌin la̱in tincha̱lk ut tincuaclesi cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinqꞌueheb cuiꞌchic xcuanquil laj Israel,

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Isaías 60:17

La̱in tinqꞌue e̱re li oro chokꞌ ru̱chil li bronce ut li plata chokꞌ ru̱chil li hierro, ut li bronce chokꞌ ru̱chil li cheꞌ. Tinqꞌue e̱re li chꞌi̱chꞌ hierro chokꞌ ru̱chil li pec. Incꞌaꞌ chic texrahobtesi̱k. Saꞌ tuktu̱quil usilal ban chic teꞌtakla̱nk saꞌ e̱be̱n ut texcua̱nk saꞌ ti̱quilal.

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Cantares 2:9

Li cui̱nk li ninra, aꞌan chanchan jun li quej. Chanchan jun li yuc. Xakxo chiru li tzꞌac ut yo̱ chak chi iloc saꞌ li ventana. Yo̱ chak chi chꞌu̱qui̱nc.

1 Reyes 6:15

Queꞌxtzꞌap li tzꞌac chi saꞌ riqꞌuin li tzꞌalam cheꞌ chacalteꞌ. Quiticla saꞌ chꞌochꞌ ut quicuulac toj saꞌ li tzꞌamba. Ut chiru li chꞌochꞌ queꞌxqꞌue li tzꞌalam cheꞌ ciprés.

Deuteronomio 22:8

Nak te̱yi̱b le̱ rochoch, tento nak te̱qꞌue xramleb nak te̱yi̱b re nak incꞌaꞌ ta̱cana̱k saꞌ e̱be̱n li chꞌaꞌajquilal cui junak ta̱tꞌanekꞌ aran ut nacam.

Cantares 1:11

Takayi̱b la̱ caꞌxic riqꞌuin tzꞌakal oro ut takaqꞌue xsahob ru riqꞌuin plata.