Cantares 7:5 - Li Santil hu

⁵ La̱ jolom cꞌajoꞌ xchꞌinaꞌusal. Chanchan li tzu̱l Carmelo. Ut li rismal a̱jolom chanchan li tꞌicr púrpura li cuan saꞌ rochoch li rey. Naxic inchꞌo̱l cha̱cuix xban xchꞌinaꞌusal la̱ cuismal.

Q'eqchi Bible

⁵ Chanchan wi' li tzuul Karmeel laajolom, ut eb' laawismal kama'eb' li kaqi noq': li raanm jun awab'ej eechaninb'il xb'aan li xk'oloxil.

Cantares 7:5 ပူးပေါင်းရင်းမြစ်များ

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

Cantares 4:1

At ixk, la̱at li kꞌaxal nacatinra. Cꞌajoꞌ xchakꞌal a̱cuu. Li xnakꞌ a̱cuu chꞌinaꞌus, usta mukmu riqꞌuin la̱ tꞌicr. Chanchaneb li paloma xban xchꞌinaꞌusal. Li rismal a̱jolom nalemtzꞌun. Chanchan jun chꞌu̱tal chi chiba̱t li yo̱queb chi cubec saꞌ li tzu̱l Galaad.

Apocalipsis 1:14

Li rismal xjolom sak sak joꞌ xsakal li nokꞌ lana. Chanchan xsakal li nieve. Ut lix nakꞌ ru nalemtzꞌun chanchan xam.

Colosenses 2:19

Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios.

Colosenses 1:18

Ut aꞌan ajcuiꞌ najolomin ke la̱o aj pa̱banel ut junajo chic riqꞌuin li Cristo. Aꞌan li naqꞌuehoc re li kayuꞌam. Aꞌan li xbe̱n quicuacli cuiꞌchic chi yoꞌyo saꞌ xya̱nkeb li camenak ut aꞌan li kꞌaxal nim xcuanquil saꞌ xbe̱n chixjunil.

Efesios 1:22

Li Dios quixqꞌue chixjunil rubel xcuanquil li Cristo ut quixqꞌue li Cristo chi jolomi̱nc reheb laj pa̱banel ut aꞌan chic yal re saꞌ xbe̱neb.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Cantares 5:11

Lix jolom chanchan li cha̱bil oro. Li rismal coloch ut nalemtzꞌun ut lix kꞌekal chanchan xkꞌekal rix li tzꞌok.

Cantares 1:17

Li cha̱bil cheꞌ chacalteꞌ, aꞌan chanchan lix tzꞌambahil li kochoch. Ut li ciprés, aꞌan chanchan li xbe̱n li kochoch.

Salmos 87:2

Li nimajcual Dios kꞌaxal naxra li naꞌajej aꞌan chiruheb chixjunil lix naꞌajeb li ralal xcꞌajol laj Jacob.

Salmos 68:24

At Ka̱cuaꞌ, at inDios, la̱at li tzꞌakal rey. Quicuil nak yo̱cat chi oc saꞌ la̱ santil templo a̱cuochbeneb la̱ tenamit.

Génesis 32:26

Ut li cui̱nk quixye re laj Jacob: —China̱cuachꞌab xban nak yo̱ chi sake̱uc, chan re. Ut laj Jacob quixye re: —Cui incꞌaꞌ tina̱cuosobtesi, incꞌaꞌ tatcuachꞌab, chan.

Proverbios 5:19

La̱ cuixakil, aꞌan cha̱bil ut chꞌinaꞌus. Chanchan xchꞌinaꞌusal li quej. Chisahokꞌ taxak a̱chꞌo̱l riqꞌuin xban nak junelic tatxra ut tixcꞌojob a̱chꞌo̱l.

Números 21:26

Hesbón, aꞌan lix tenamit laj Sehón lix reyeb laj amorreo. Aꞌaneb li queꞌpletic riqꞌuineb laj Moab junxil ut queꞌre̱chani lix naꞌaj nacuulac cuan cuiꞌ li nimaꞌ Arnón.

Cantares 4:4

Cꞌajoꞌ xchꞌinaꞌusal la̱ cux. Chanchan li cab li najt xteram li quixyi̱b laj David re tixcol cuiꞌ rib. La̱ kꞌol nalemtzꞌun. Chanchan jun mil chi chꞌi̱chꞌ li nequeꞌxram cuiꞌ re xchꞌo̱leb li soldado li cauheb rib.