Cantares 7:2 - Li Santil hu

² La̱ chꞌup sursu chanchan jun li secꞌ junelic cuan vino chi saꞌ. Ut li ru la̱ saꞌ chanchan jun tu̱b li trigo sutsu xban utzꞌuꞌuj.

Q'eqchi Bible

² Chanchan li kuk laach'up, b'arwi' ink'a' nalajk li sununkil b'iin. Laasa' kama' wi' jun tuub' chi triiw li sutsu chi uutz'u'uj.

Cantares 7:2 ပူးပေါင်းရင်းမြစ်များ

Romanos 7:4

Joꞌcan ajcuiꞌ la̱o, ex inherma̱n. Xban nak xkapa̱b li Jesucristo chanchan kochben nak quicam li Cristo. Ut ma̱cꞌaꞌ chic xcuanquil lix chakꞌrab laj Moisés saꞌ kabe̱n. Ut ma̱cꞌaꞌo chic rubel xcuanquil li chakꞌrab. La̱o reho chic li Cristo li quicuacli cuiꞌchic chi yoꞌyo saꞌ xya̱nkeb li camenak re nak tocꞌanjelak chiru li Dios.

Jeremías 1:5

Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

Isaías 46:3

Li Dios quixye: —La̱ex li ralal xcꞌajol laj Jacob, chine̱rabihak. Che̱junilex la̱ex laj Israel, li incꞌaꞌ xsacheꞌ e̱ru, cherabi li cꞌaꞌru tinye e̱re. Nak toj ma̱jiꞌ nequeꞌxyoꞌla chak, la̱in quin-iloc e̱re. La̱in quinberesin chak e̱re.

Cantares 5:14

Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.

Proverbios 3:8

Cui te̱canab xba̱nunquil li ma̱usilal, kꞌaxal us chokꞌ e̱re. Chanchan nak yo̱kex chixcꞌulbal le̱ ban xban nak cua̱nk chic e̱metzꞌe̱u ut e̱cacuilal.

Salmos 45:16

At rey, eb la̱ cualal a̱cꞌajol, aꞌaneb chic li teꞌtakla̱nk saꞌ xbe̱n li tenamit joꞌ queꞌxba̱nu la̱ xeꞌto̱nil yucuaꞌ. La̱at tatqꞌuehok xcuanquileb re nak aꞌan chic teꞌtakla̱nk saꞌ chixjunil li ruchichꞌochꞌ.

Cantares 7:1

At cuixakil, cꞌajoꞌ xchꞌinaꞌusal la̱ cuok saꞌ la̱ xa̱b. Ut la̱ cuaꞌ chꞌinaꞌuseb. Chanchaneb li terto̱quil pec yi̱banbil chi cha̱bil xbaneb li tzolbileb chixcꞌanjelanquil li cha̱bil pec.

Cantares 7:3

Ut eb la̱ tuꞌ chanchaneb li cuib chi quej lakꞌlo̱queb.