Cantares 7:1 - Li Santil hu

¹ At cuixakil, cꞌajoꞌ xchꞌinaꞌusal la̱ cuok saꞌ la̱ xa̱b. Ut la̱ cuaꞌ chꞌinaꞌuseb. Chanchaneb li terto̱quil pec yi̱banbil chi cha̱bil xbaneb li tzolbileb chixcꞌanjelanquil li cha̱bil pec.

Q'eqchi Bible

¹ K'ajo' xch'ina'usal eb' laawoq sa'eb' laaxaab', at xrab'in xnimal ru winq! Eb' li xq'oot laayiitoq chanchaneb' li q'ol yiib'anb'ileb' xb'aan xseeb'al jun li winq tzolb'il chi us.

Cantares 7:1 ပူးပေါင်းရင်းမြစ်များ

Salmos 45:13

Cꞌajoꞌ xchꞌinaꞌusal li reina li ta̱sumla̱k riqꞌuin li rey. Xrabin jun chic li rey. Junes oro lix sahob ru li rakꞌ.

Colosenses 2:19

Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

Efesios 6:15

Cauresinbilakex re xyebal resil li colba-ib ut aꞌan ta̱cꞌanjelak e̱re joꞌ e̱xa̱b che̱rok.

2 Corintios 6:18

Ut la̱inak chic le̱ Yucuaꞌ ut la̱exak chic li cualal incꞌajol, chan li Ka̱cuaꞌ li kꞌaxal nim xcuanquil. (Isa. 52:11)

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

Daniel 2:32

Lix jolom li jalam u̱ch yi̱banbil riqꞌuin oro, li re xchꞌo̱l ut lix tel yi̱banbil riqꞌuin plata, li ru xsaꞌ ut li raꞌ yi̱banbil riqꞌuin bronce.

Éxodo 35:35

Quixqꞌue xnaꞌlebeb chixba̱nunquil chixjunil li cꞌanjel chi cha̱bil ut chi chꞌinaꞌus ut quixqꞌue ajcuiꞌ xnaꞌlebeb re xcꞌoxlanquil chanru teꞌxba̱nu. Nequeꞌxnau xyi̱banquil lix sahob ru li tꞌicr riqꞌuin li nokꞌ azul, li nokꞌ púrpura ut li nokꞌ cak joꞌ ajcuiꞌ li cha̱bil nokꞌ lino. Nequeꞌxnau ajcuiꞌ quemoc ut xcꞌoxlanquil chanru xqꞌuebal lix sahob ru.

Éxodo 28:15

Ut te̱yi̱b ajcuiꞌ li pectoral li nequeꞌxqꞌue chire xchꞌo̱l retalil li ti̱quilal. Te̱yi̱b chi cha̱bil xyi̱banquil joꞌ nak te̱yi̱b li efod. Yi̱banbilak riqꞌuin oro, ut riqꞌuin li nokꞌ azul, li nokꞌ púrpura ut li nokꞌ cak ut li bakbil nokꞌ lino.

Éxodo 28:42

Te̱yi̱b ajcuiꞌ riqꞌuin li nokꞌ lino lix cue̱xeb li teꞌrocsi chokꞌ xta rakꞌeb. Ta̱cuulak saꞌ xcꞌa̱mal xsaꞌeb ut ta̱cuulak toj saꞌ xbe̱n rakeb.

Cantares 7:2

La̱ chꞌup sursu chanchan jun li secꞌ junelic cuan vino chi saꞌ. Ut li ru la̱ saꞌ chanchan jun tu̱b li trigo sutsu xban utzꞌuꞌuj.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.