Cantares 6:13 - Li Santil hu

¹³ Sukꞌin chak, sukꞌin chak, at sulamita. Sukꞌin chak. La̱o takaj rilbal a̱cuu. ¿Cꞌaꞌut nak te̱raj rilbal cuu? Nakaj rilbal nak tatxajok joꞌ nequeꞌxba̱nu saꞌ xya̱nkeb li soldados.

Q'eqchi Bible

¹³ Sutq'in, sutq'in chaq, at Sulam; sutq'in, sutq'in chaq: tqaj rilb'al aawu. K'a'ut naq teeraj rilb'al ru lix Sulam li naxajok sa' xyanqeb' li wiib' ch'uut?

Cantares 6:13 ပူးပေါင်းရင်းမြစ်များ

Génesis 32:2

Nak quirileb aꞌan, laj Jacob quixye: —Aꞌineb lix soldado li Ka̱cuaꞌ Dios.— Ut quixqꞌue chokꞌ xcꞌabaꞌ li naꞌajej aꞌan Mahanaim.

Hebreos 7:2

Ut li joꞌ qꞌuial quire̱chani chak laj Abraham saꞌ li ple̱t riqꞌuineb li rey, quixqꞌue li junju̱nk saꞌ xlaje̱tkil re laj Melquisedec. Li cꞌabaꞌej Melquisedec naraj naxye “rey re li ti̱quilal”. Ut li cꞌabaꞌej Salem naraj naxye “tuktu̱quil usilal”. Joꞌcan nak laj Melquisedec, aꞌan rey re li ti̱quilal ut rey re li tuktu̱quil usilal.

2 Ts 1:10

Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

Gálatas 5:17

Li cꞌaꞌru incꞌaꞌ us li nakarahi ru xba̱nunquil kajunes, aꞌan xicꞌ na-ileꞌ xban li Santil Musikꞌej. Ut li cꞌaꞌru us li naxrahi chokꞌ ke li Santil Musikꞌej, aꞌan incꞌaꞌ naxcꞌam rib riqꞌuin li nakaj xba̱nunquil kajunes. Xicꞌ nequeꞌril rib chi ribil rib ut xban aꞌan incꞌaꞌ nakaba̱nu li us li nakaj raj xba̱nunquil.

Romanos 7:23

Aban xban nak yal cui̱nkin, nacuecꞌa nak cuan jun li chꞌaꞌajquilal saꞌ li cua̱m naramoc re chicuu li us li nacuaj raj xba̱nunquil. Ut li chꞌaꞌajquil aꞌan, aꞌan li ma̱c li toj cuan cuiqꞌuin, ut chanchan li cuanquin chi pre̱xil xban.

Romanos 3:29

¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío.

San Juan 10:16

Cuanqueb ajcuiꞌ cualal incꞌajol jalaneb xtenamiteb. Tento nak la̱in tincꞌameb chak. Eb aꞌan teꞌrabi ajcuiꞌ xya̱b lin cux. Ut junajakeb chic ru nak teꞌcua̱nk ut junak ajcuiꞌ laj ilol reheb.

San Juan 9:7

Ut quixye re: —Ayu. Chꞌaj chak la̱ cuu saꞌ li haꞌ Siloé, chan. Siloé naraj naxye “taklanbil chak”. Li mutzꞌ co̱ ut quixchꞌaj chak li ru ut na-iloc chic nak quisukꞌi chak.

San Lucas 15:10

La̱in ninye e̱re nak joꞌcan ajcuiꞌ eb lix ángel li Dios teꞌsahokꞌ saꞌ xchꞌo̱leb nak junak aj ma̱c ta̱yotꞌekꞌ xchꞌo̱l ut tixjal xcꞌaꞌux.—

San Lucas 7:44

Ut li Jesús quiril li ixk ut quixye re laj Simón: —Il a ixk aꞌin. Nak xincꞌulun saꞌ la̱ cuochoch, la̱at incꞌaꞌ xaqꞌue inhaꞌ re xchꞌajbal li cuok joꞌ cꞌaynako xba̱nunquil. Ut li ixk aꞌin xchꞌaj li cuok riqꞌuin xyaꞌal ru ut xmes riqꞌuin rismal xjolom.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Isaías 8:6

—Eb li tenamit aꞌin queꞌxtzꞌekta̱na li nimaꞌ Siloé, li tuktu ru ut queꞌxcꞌojob xchꞌo̱leb riqꞌuin laj Rezín ut riqꞌuin laj Peka li ralal laj Remalías.

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

Cantares 1:6

Me̱qꞌue retal lin kꞌekal. Li sakꞌe quicꞌatoc cue. Joꞌcan nak kꞌek nincꞌutun. Queꞌjoskꞌoꞌ cuiqꞌuin li cuas ut quineꞌxqꞌue chi trabajic saꞌ xnaꞌaj lix uvas. Joꞌcan nak incꞌaꞌ xcuil cuib chi us.

Salmos 76:2

Li templo li nacuan cuiꞌ li Dios, aꞌan cuan saꞌ li tzu̱l Sión aran Salem. (Jerusalén nayeman ajcuiꞌ re.)

2 Samuel 17:24

Nak laj David ut eb li rochben yo̱queb chi cuulac saꞌ li tenamit Mahanaim, laj Absalón rochbeneb chixjunileb lix soldados aj Israel yo̱queb chi numecꞌ saꞌ li nimaꞌ Jordán.

Jueces 21:21

Kꞌesak e̱ru chi iloc. Nak yo̱keb chi ninkꞌei̱k, eb li xkaꞌal teꞌe̱lk chi chꞌu̱tal re teꞌxajok. Che̱junilex la̱ex tex-e̱lk saꞌ li naꞌajej li mukmu̱kex cuiꞌ. Ut chi ju̱nkal te̱chap ju̱nkak le̱ rixakil saꞌ xya̱nkeb li yo̱keb chi xajoc ut texxic chi junpa̱t saꞌ le̱ tenamit.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Cantares 6:12

Nak cuanquin chak saꞌ xya̱nkeb li utzꞌuꞌuj quin-oc chixcꞌoxlanquil lix sum cua̱m. Ut quicuaj cua̱nc rochben saꞌ lix carruaje.