Cantares 6:10 - Li Santil hu

¹⁰ ¿Ani li ixk aꞌan li kꞌaxal chꞌinaꞌus? Aꞌan chanchan xchꞌinaꞌusal li sakꞌe nak nasake̱u. Ut chanchan xchꞌinaꞌusal li po. Aꞌan xre̱chani li ra̱m li rey. Chanchan nak eb li soldados nequeꞌre̱chani junak li tenamit.

Q'eqchi Bible

¹⁰ “Ani a'an li nachalk chaq jo' li hik'e'k, ch'ina'us jo' li po, nalemtz'unk jo' li saq'e, ut jwal kaw rib' jo'eb' li jun teep chi aj puub'?”.

Cantares 6:10 ပူးပေါင်းရင်းမြစ်များ

Cantares 6:4

At ixk, nacatinra. Cꞌajoꞌ la̱ chꞌinaꞌusal joꞌ xchꞌinaꞌusal li tenamit Tirsa ut li tenamit Jerusalén. Xacue̱chani li cua̱m. Chanchan nak eb li soldado nequeꞌre̱chani junak li tenamit.

Apocalipsis 12:1

Ut quicuil jun li sachba chꞌo̱lej saꞌ choxa. Quicuil jun li ixk. Nalemtzꞌun li rakꞌ joꞌ nalemtzꞌun li sakꞌe. Li po cuan rubel rok ut cuan jun corona saꞌ xjolom ut chiru li corona cuan cablaju li chahim.

Li xHu LAJ JOB 31:26

La̱in quinqꞌue retal nak li sakꞌe nalemtzꞌun. Ut quinqꞌue ajcuiꞌ retal xchꞌinaꞌusal li po chiru choxa.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

Efesios 5:27

Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Isaías 58:8

Cui te̱ba̱nu chixjunil aꞌin, la̱in tin-osobtesi̱nk e̱re ut ta̱qꞌuehekꞌ e̱lokꞌal joꞌ nak nasake̱u li cutan. La̱in texinqꞌuirtesi saꞌ junpa̱t. Saꞌ ti̱quilal tincꞌamok be che̱ru ut lin lokꞌal junelic cua̱nk e̱riqꞌuin.

Cantares 3:6

¿Ani li yo̱ chak chi cha̱lc saꞌ li chaki chꞌochꞌ? Nak nachal cuiqꞌuin chanchan nak yo̱ chi takecꞌ li sib. Chanchan xsibel li mirra ut li incienso ut li qꞌuila pa̱y ru li sununquil ban.

2 Samuel 23:4

Li rey aꞌan chanchanak li sakꞌe na-el chak ekꞌela nak ma̱cꞌaꞌ li chok saꞌ li choxa. Chanchanak li hab li naxqꞌue chi mokc li pim saꞌ li chꞌochꞌ.’

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

San Mateo 13:43

Ut li ti̱queb xchꞌo̱l teꞌqꞌuehekꞌ xlokꞌal. Chanchanakeb li sakꞌe saꞌ lix nimajcual cuanquilal li Dios lix Yucuaꞌeb. Li ani na-abin re li yo̱quin chixyebal chixqꞌuehak retal chi us li ninye.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Isaías 63:1

—¿Ani li cak rakꞌ li yo̱ chak chi cha̱lc Bosra li cuan aran Edom? ¿Ani li cꞌajoꞌ xchꞌinaꞌusal li rakꞌ li yo̱ chak chi cha̱lc riqꞌuin xcuanquil ut xlokꞌal? La̱in li Ka̱cuaꞌ li nina̱tinac saꞌ ti̱quilal ut nim incuanquil chi coloc.

Cantares 8:5

¿Ani li yo̱ chak chi cha̱lc saꞌ li chaki chꞌochꞌ kꞌalkꞌo xban li cui̱nk li narahoc re? Rubel xmu li cheꞌ mansana xincuajsi a̱cuu. Saꞌ li naꞌajej aꞌan quiticla xraylal la̱ naꞌ. Saꞌ li naꞌajej aꞌan catyoꞌla.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 14:5

Eb aꞌan sicsotkeb xbaneb xxiu teꞌcana̱k nak teꞌxqꞌue retal nak li Dios cuan riqꞌuineb li ti̱queb xchꞌo̱l.

Li xHu LAJ JOB 11:17

Sahak chic saꞌ la̱ chꞌo̱l nak cua̱nkat. Chanchanak xsahil xchꞌo̱l li sakꞌe cuaꞌleb. Usta kꞌaxal ra li raylal li yo̱kat chixcꞌulbal, abanan ta̱numekꞌ. Chanchan ta̱sake̱uk nak ta̱numekꞌ li raylal saꞌ a̱be̱n.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

Cantares 1:15

At ixk, nacatinra. Cꞌajoꞌ xchakꞌal a̱cuu. Kꞌaxal chꞌinaꞌus li xnakꞌ a̱cuu. Chanchan xchꞌinaꞌusal cuib li mucuy.