Cantares 5:7 - Li Santil hu

⁷ Eb li cui̱nk li yo̱queb chi cꞌacꞌale̱nc re li tenamit quineꞌxtau. Quineꞌxsacꞌ ut quineꞌxtacuasi. Eb li cui̱nk li yo̱queb chi cꞌacꞌale̱nc re li oqueba̱l re li tenamit queꞌxmakꞌ chicuu lin tꞌicr li nintzꞌap cuiꞌ li cuu.

Q'eqchi Bible

⁷ Xine'xtaw eb' laj k'aak'alenel li neke'xb'eeni li tenamit chiru q'oqyink. Xine'xteni, xine'xtiq'; eb' laj k'aak'alenel li wankeb' sa' xb'een li suttz'ak xe'risi lint'ikr li tz'aptz'o wi' li xnaq' wu.

Cantares 5:7 ပူးပေါင်းရင်းမြစ်များ

Cantares 3:3

Eb li nequeꞌcꞌacꞌalen re li tenamit quineꞌril ut quinye reheb: —¿Ma incꞌaꞌ xeril ru li narahoc cue? chanquin reheb.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Filipenses 3:6

Xinqꞌue inchꞌo̱l chixba̱nunquil chixjunil li chakꞌrab li nequeꞌxba̱nu laj fariseo toj retal nak quinrahobtesiheb laj pa̱banel. Chiruheb laj fariseo ma̱cꞌaꞌ inma̱c xban nak xinba̱nu chixjunil li tzꞌi̱banbil saꞌ li chakꞌrab.

2 Corintios 11:13

Eb li cui̱nk aꞌin nequeꞌxqꞌue rib chokꞌ apóstol. Abanan ma̱cuaꞌ li Cristo quiqꞌuehoc reheb chokꞌ apóstol. Eb aꞌan aj balakꞌ ut junes balakꞌi̱nc nequeꞌxba̱nu.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

San Lucas 6:22

Us xak e̱re la̱ex nak xicꞌ tex-ilekꞌ saꞌ incꞌabaꞌ la̱in li Cꞌajolbej. Us xak e̱re la̱ex nak tex-isi̱k saꞌ xya̱nkeb ut texhobekꞌ saꞌ incꞌabaꞌ la̱in ut ta̱yehekꞌ e̱re nak incꞌaꞌ us e̱naꞌleb.

San Mateo 23:2

—Eb laj tzꞌi̱b ut eb laj fariseo, qꞌuebileb xcuanquil chixchꞌolobanquil xya̱lal li chakꞌrab li quiqꞌueheꞌ re laj Moisés.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Isaías 62:6

La̱in xinxakaban aj cꞌacꞌalenel saꞌ xbe̱n li tzꞌac li sutsu cuiꞌ li tenamit Jerusalén. Chi kꞌek chi cutan incꞌaꞌ teꞌxcanab xtzꞌa̱manquil xtenkꞌanquileb chiru li Dios.

Cantares 8:11

Laj Salomón cuan jun si̱r li racui̱mk uvas saꞌ li naꞌajej Baal-hamón. Quixsiqꞌueb aj ilol re ut nak nequeꞌxcꞌayi li ru li acui̱mk, nequeꞌxkꞌaxtesi re laj Salomón jun mil chi tumin plata chi xju̱nkaleb.

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

Cantares 5:6

Xinte li puerta re nak tincuocsi li cui̱nk li ninra. Abanan ma̱ ani chic. Ac xco̱. Xyotꞌeꞌ raj chic inchꞌo̱l chirix nak xinra̱tina. La̱in quin-oc chixsicꞌbal. Quinbok, abanan incꞌaꞌ quichakꞌoc.

Cantares 5:8

Ex tukꞌ ixk aj Jerusalén, nintzꞌa̱ma jun usilal che̱ru. Cui te̱ril ru li cui̱nk li ninra, yehomak re nak tincuaj ru ra̱tinanquil.

Isaías 3:23

Ta̱risiheb ajcuiꞌ li lem, li cha̱bil tꞌicr lino, li jayil tꞌicr joꞌ eb ajcuiꞌ lix sahob ru li nequeꞌxqꞌue saꞌ xjolomeb.