Cantares 5:6 - Li Santil hu

⁶ Xinte li puerta re nak tincuocsi li cui̱nk li ninra. Abanan ma̱ ani chic. Ac xco̱. Xyotꞌeꞌ raj chic inchꞌo̱l chirix nak xinra̱tina. La̱in quin-oc chixsicꞌbal. Quinbok, abanan incꞌaꞌ quichakꞌoc.

Q'eqchi Bible

⁶ Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.

Cantares 5:6 ပူးပေါင်းရင်းမြစ်များ

Cantares 5:2

Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

San Marcos 14:72

Tojoꞌnak quiya̱bac cuiꞌchic xcaꞌ sut li tzoꞌ xul. Ut quinak saꞌ xchꞌo̱l laj Pedro li a̱tin quiyeheꞌ re xban li Jesús, “Nak toj ma̱jiꞌ naya̱bac xcaꞌ sut li tzoꞌ xul, la̱at ac xaye oxib sut nak incꞌaꞌ nacanau cuu”. Nak quijulticoꞌ re laj Pedro li a̱tin aꞌin, cꞌajoꞌ nak quirahoꞌ saꞌ xchꞌo̱l ut qui-oc chi ya̱bac.

San Mateo 26:75

Ut saꞌ junpa̱t quinak saꞌ xchꞌo̱l laj Pedro li a̱tin li quiyeheꞌ re xban li Jesús, “Nak toj ma̱jiꞌ naya̱bac laj tzoꞌ xul, la̱at ac xaye oxib sut nak incꞌaꞌ nacanau cuu.” Ut laj Pedro ma̱ cꞌajoꞌ nak quiyotꞌeꞌ xchꞌo̱l. Qui-el chirix cab ut cꞌajoꞌ nak quiya̱bac.

Zacarías 7:13

Quixye ajcuiꞌ li Ka̱cuaꞌ: —Nak la̱in quina̱tinac riqꞌuineb incꞌaꞌ queꞌraj rabinquil li cꞌaꞌru quinye. Joꞌcan nak la̱in incꞌaꞌ ajcuiꞌ xeꞌcuabi nak xeꞌxtzꞌa̱ma xtenkꞌanquil chicuu.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Oseas 5:6

Eb laj Israel nequeꞌxcꞌam li cuacax joꞌ ajcuiꞌ lix carner re nak teꞌxmayeja chicuu. Abanan ma̱cꞌaꞌ rajbal nak nequeꞌmayejac chicuu xban nak la̱in xintzꞌekta̱naheb.

Lamentaciones 3:8

Usta xinjap cue chixtzꞌa̱manquil intenkꞌanquil chiru, abanan li Ka̱cuaꞌ incꞌaꞌ xrabi lin tij.

Isaías 58:2

Cuulaj cuulaj yo̱queb chinsicꞌbal. Nequeꞌraj xnaubal cꞌaꞌru tincuaj teꞌxba̱nu. Chanchaneb jun li tenamit li nequeꞌxba̱nu li us. Chanchan nak incꞌaꞌ xeꞌxkꞌet lin chakꞌrab. Nequeꞌxtzꞌa̱ma chicuu li chakꞌrab li ti̱c. Nequeꞌxye nak nacuulac chiruheb inlokꞌoninquil, chan li Dios.

Isaías 57:16

Moco junelic ta yo̱kin chixcꞌutbal chiruheb lin tenamit lix ma̱queb, ut moco junelic ta yo̱kin chi joskꞌocꞌ riqꞌuineb. Cui junelic yo̱kin chixyebal reheb, ta̱chꞌina̱nk xchꞌo̱leb li cristian li quinyoꞌobtesiheb ut incꞌaꞌ raj teꞌxcuy rabinquil.

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Cantares 6:1

At ixk, li kꞌaxal chꞌinaꞌusat saꞌ xya̱nkeb chixjunileb li ixk, ¿bar xco̱ li cui̱nk li nacara? ¿Bar xcꞌam nak xco̱ re nak naru toxic cha̱cuix chixsicꞌbal?

Cantares 5:4

Li cui̱nk li ninra quixchꞌic chak li rukꞌ saꞌ xhopolal li puerta re nak tixte. Ut cꞌajoꞌ nak quiyotꞌeꞌ inchꞌo̱l.

Proverbios 1:28

Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Salmos 80:4

At nimajcual Dios, ¿joꞌ najtil chic yo̱k a̱joskꞌil kiqꞌuin? ¿Ma chi ti̱c incꞌaꞌ chic ta̱sume li katij?

Salmos 77:3

Nak nanak saꞌ inchꞌo̱l li usilal li quixba̱nu cue li Dios, ninya̱bac. Ut nak nincꞌoxla li raylal li cuanquin cuiꞌ, nacuecꞌa nak incꞌaꞌ chic nincuy.

Salmos 69:3

Xinlub chixtzꞌa̱manquil intenkꞌanquil ut xtzꞌap saꞌ incux xban nak japjo cue. Ut li xnakꞌ cuu incꞌaꞌ chic saken nequeꞌiloc xban li ya̱bac. Yo̱quin chiroybeninquil intenkꞌanquil a̱cuiqꞌuin la̱at, at inDios.

Salmos 30:7

Nak yo̱cat xqꞌuebal la̱ cuusilal cue, cau inchꞌo̱l. Abanan nak xacanab intenkꞌanquil, cꞌajoꞌ nak quichal inxiu.

Salmos 28:1

At Ka̱cuaꞌ, at aj Colol cue, yo̱quin xya̱banquil la̱ cꞌabaꞌ. China̱cuabi ut chasume taxak li cꞌaꞌru nintzꞌa̱ma cha̱cuu re nak incꞌaꞌ tinca̱mk joꞌ nak nequeꞌcam li incꞌaꞌ useb xnaꞌleb.

2 Samuel 16:10

Abanan li rey quixye re: —Me̱ye cue chi joꞌcan, la̱ex lix yum lix Sarvia. Cui aꞌan yo̱ chinmajecuanquil, naxba̱nu xban nak li Ka̱cuaꞌ xyehoc re nak tixba̱nu chi joꞌcan. ¿Ani ta biꞌ ta̱ru̱k ta̱yehok re cꞌaꞌut nak yo̱ chixba̱nunquil chi joꞌcan? chan.

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

Génesis 42:28

Ut aꞌan quixye reheb li ras: —Ilomak li cꞌaꞌru xintau saꞌ lin coxtal. Xeꞌxkꞌajsi chak xtzꞌak li trigo li xkatoj cuiꞌ. ¿Cꞌaꞌut nak xeꞌxba̱nu ke chi joꞌcaꞌin? chan. Ut queꞌsach xchꞌo̱leb. Nequeꞌsicsot nak queꞌxye: —¿Cꞌaꞌ xak ru nak xba̱nu ke li Dios chi joꞌcaꞌin? chanqueb.