Cantares 5:2 - Li Santil hu

² Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Q'eqchi Bible

² Ak yookin chi wark, ab'an linch'ool aj'ook. Xwab'i xyaab' xkux linrahom yo chi xtoch'b'al li okeb'aal: “Te li okeb'aal chiwu, at inrahom, at xsumwaanm, at inmukuy li maak'a' aamuxul. Xt'aqaak linjolom xb'aan li sujew, yo chi t'uluk li xchu'ke sa' li wismal”.

Cantares 5:2 ပူးပေါင်းရင်းမြစ်များ

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

Zacarías 4:1

Ut li ángel li quia̱tinac cuiqꞌuin quisukꞌi cuiꞌchic chak ut quinrajsi. Chanchan nak na-ajsi̱c junak yo̱ chi cua̱rc.

Cantares 6:9

Abanan jun ajcuiꞌ li kꞌaxal ninra. Aꞌan xsum li cua̱m. Aꞌan ma̱cꞌaꞌ xpaltil. Chanchan jun li mucuy. Aꞌan jun ajcuiꞌ chiru lix naꞌ ut kꞌaxal naraheꞌ xban. Ut eb li ixk li cuanqueb saꞌ li cuochoch nequeꞌxye “us xak re” chanqueb, ut nequeꞌxqꞌue xlokꞌal.

Salmos 119:1

Us xak reheb li nequeꞌcuan saꞌ ti̱quilal ut nequeꞌxba̱nu li cꞌaꞌru naxye lix chakꞌrab li Ka̱cuaꞌ.

San Mateo 8:17

Aꞌin quicꞌulman joꞌ quixye li profeta Isaías, nak quixye chi joꞌcaꞌin: Aꞌan quicꞌamoc re li kayajel, ut aꞌan quicꞌuluc re li karaylal. (Isa. 53:4)

Isaías 52:14

Nabaleb li cristian queꞌxucuac nak queꞌril. Incꞌaꞌ queꞌxnau ru xban nak ma̱cuaꞌ chic ru cristian li ru xban nak numtajenak li raylal li qui-ux re.

Isaías 50:6

Quinkꞌaxtesi ban lix yi cuix chi saqꞌuecꞌ. Ut quincanab cuib re teꞌxmichꞌ lin mach. Ut incꞌaꞌ quinmuk li xnakꞌ cuu chiruheb nak quineꞌxhob ut nak quineꞌxchu̱ba.

Cantares 8:7

Chixjunil li haꞌ cuan saꞌ li palau incꞌaꞌ naru tixchup li rahoc. Chi moco naru tixchup cui ta̱hoy saꞌ xbe̱n chixjunil li haꞌ cuan saꞌ nimaꞌ. Cui junak tixyal xlokꞌbal li rahoc riqꞌuin chixjunil lix biomal, xicꞌ chic ta̱ilekꞌ xban nak incꞌaꞌ naru xlokꞌbal.

Cantares 7:9

Saꞌ la̱ cue chanchan li vino li kꞌaxal cha̱bil. Chanchan rucꞌbal li vino li sa rucꞌbal. Nequeꞌrecꞌa xsahil nak yo̱queb chirucꞌbal.

Cantares 5:11

Lix jolom chanchan li cha̱bil oro. Li rismal coloch ut nalemtzꞌun ut lix kꞌekal chanchan xkꞌekal rix li tzꞌok.

Cantares 4:9

Xco̱ inchꞌo̱l cha̱cuix, at cuixakil, at xsum li cua̱m. Jun sut ajcuiꞌ xina̱cuil ut xco̱ inchꞌo̱l cha̱cuix. Cꞌajoꞌ xchꞌinaꞌusal la̱ kꞌol cuan cha̱cux.

Cantares 4:7

At ixk, kꞌaxal nacatinra. Cꞌajoꞌ la̱ chꞌinaꞌusal ut kꞌaxal cha̱bilat. Ma̱cꞌaꞌ a̱paltil.

Cantares 3:1

Nak cuanquin saꞌ lin cuarib chi kꞌek, quinsicꞌ li narahoc cue. Quinsicꞌ ut incꞌaꞌ quintau.

Cantares 2:10

Li cui̱nk li ninra quia̱tinac cuiqꞌuin ut quixye cue: —Cuaclin. Quim cuiqꞌuin. Kꞌaxal nacatinra. Cꞌajoꞌ a̱chꞌinaꞌusal.

Cantares 2:8

Nacuabi xya̱b xcux li cui̱nk li ninra. Yo̱ chak chi cha̱lc. Yo̱ chak chi a̱linac saꞌ eb li tzu̱l ut saꞌ xbe̱n bol re nak ta̱cha̱lk cuiqꞌuin saꞌ junpa̱t.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Salmos 81:10

xban nak la̱in li Ka̱cuaꞌ le̱ Dios. La̱in xin-isin e̱re saꞌ li naꞌajej Egipto. Chextzꞌa̱ma̱nk cuiqꞌuin ut la̱in tinqꞌue li cꞌaꞌru e̱re chi nabal, chanquin reheb.

Génesis 29:20

Cuukub chihab tzꞌakal quitrabajic laj Jacob re nak tixcꞌam lix Raquel chokꞌ rixakil. Laj Jacob incꞌaꞌ quirecꞌa nak quinumeꞌ li cuukub chihab xban nak cꞌajoꞌ nak naxra lix Raquel.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Apocalipsis 3:4

La̱in ninnau nak aran Sardis toj cuanqueb cuib oxib saꞌ e̱ya̱nk li ti̱c xchꞌo̱leb. Incꞌaꞌ xeꞌxtzꞌajni ribeb riqꞌuin xba̱nunquil li ma̱usilal. La̱in tinye reheb nak xcꞌulubeb cua̱nc cuiqꞌuin chi tikto̱queb riqꞌuin saki akꞌej xban nak ti̱c xchꞌo̱leb.

Efesios 5:14

Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

San Juan 10:4

Nak ac xrisiheb, naxberesiheb ut eb li carner nequeꞌxta̱ke xban nak nequeꞌxnau ru xya̱b lix cux.

San Lucas 22:44

Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

San Lucas 9:32

Usta yo̱queb xcuara laj Pedro ut li cuanqueb rochben, abanan incꞌaꞌ queꞌcuar. Yo̱queb ban chirilbal lix lokꞌal li Jesús joꞌ ajcuiꞌ li cuib chi cui̱nk li cuanqueb rochben.

San Lucas 6:12

Saꞌ jun li cutan co̱ li Jesús chi tijoc saꞌ xbe̱n jun li tzu̱l. Quixnumsi li kꞌojyi̱n chi tijoc chiru li Dios.

San Marcos 1:35

Cuulajak chic nak toj ma̱jiꞌ na-iqꞌueꞌ li cutan, li Jesús quicuacli ut qui-el saꞌ li tenamit. Ut co̱ xjunes chi tijoc saꞌ jun li naꞌajej bar ma̱cꞌaꞌ cuiꞌ cristian.

Daniel 8:18

Nak yo̱ chi a̱tinac cuiqꞌuin, quisach innaꞌleb ut quintꞌaneꞌ chi huphu saꞌ chꞌochꞌ. Li ángel quinixchap ut quinixcuaclesi cuiꞌchic.

San Mateo 7:8

Cheba̱nu aꞌan xban nak li ani natzꞌa̱man chiru li Dios naqꞌueheꞌ re. Li ani naxsicꞌ, naxtau. Ut li ani nabokoc, li puerta nateheꞌ chiru.

Cantares 1:16

At cui̱nk, kꞌaxal nacatinra. Cꞌajoꞌ xchakꞌal a̱cuu. Nasahoꞌ inchꞌo̱l a̱cuiqꞌuin. Li kanaꞌaj bar tohila̱nk cuiꞌ utzꞌuꞌujinbil ru.

Cantares 5:6

Xinte li puerta re nak tincuocsi li cui̱nk li ninra. Abanan ma̱ ani chic. Ac xco̱. Xyotꞌeꞌ raj chic inchꞌo̱l chirix nak xinra̱tina. La̱in quin-oc chixsicꞌbal. Quinbok, abanan incꞌaꞌ quichakꞌoc.