Cantares 5:16 - Li Santil hu

¹⁶ Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

Q'eqchi Bible

¹⁶ Sa' li re wank li q'unil ut li ki'il, ut a'an q'axal ch'ina'us rilb'al. Jo' a'an linrahom, jo' a'an li xsumwaanm, ex rixqilal Jerusalén!

Cantares 5:16 ပူးပေါင်းရင်းမြစ်များ

Salmos 45:2

Aꞌan aꞌin li bich li tinbicha chokꞌ re li rey: At rey, cꞌajoꞌ xchakꞌal a̱cuu. Kꞌaxal cuiꞌchic chꞌinaꞌusat chiruheb chixjunileb li cui̱nk. Cha̱bil nacat-a̱tinac ut tzꞌakal re ru nacaye. La̱at osobtesinbilat xban li Dios junelic.

Cantares 7:9

Saꞌ la̱ cue chanchan li vino li kꞌaxal cha̱bil. Chanchan rucꞌbal li vino li sa rucꞌbal. Nequeꞌrecꞌa xsahil nak yo̱queb chirucꞌbal.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

Santiago 2:23

Ut quicꞌulman joꞌ naxye saꞌ li Santil Hu: Laj Abraham quixpa̱b li Dios ut riqꞌuin aꞌan li Dios quixye nak ti̱c xchꞌo̱l. Ut xban aꞌan nayeman nak laj Abraham raro xban li Dios.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Oseas 3:1

Ut li Ka̱cuaꞌ quia̱tinac cuiꞌchic cuiqꞌuin ut quixye cue: —Chara cuiꞌchic li ixk aꞌan, usta yo̱ chixmuxbal ru lix sumlajic. Ra aꞌan joꞌ nak ninraheb lin tenamit Israel la̱in, usta yo̱queb chixlokꞌoninquil li yi̱banbil dios ut nacuulac chiruheb xcuaꞌbal li caxlan cua yi̱banbil riqꞌuin chaki uvas, li mayejanbil chiruheb lix dioseb, chan li Ka̱cuaꞌ.

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Jeremías 3:20

Abanan la̱ex xine̱tzꞌekta̱na. Chanchanex li ixk li xtzꞌekta̱na xbe̱lom. La̱in li Ka̱cuaꞌ yo̱quin chi yehoc re aꞌin.

Cantares 6:3

Li cui̱nk li ninra, aꞌan cue la̱in ut la̱in rehin aꞌan. Yo̱ chixqꞌuebal xcuaheb lix queto̱mk saꞌ xnaꞌajeb li utzꞌuꞌuj.

Cantares 2:16

Li cui̱nk li ninra, aꞌan cue la̱in ut la̱in rehin aꞌan. Aꞌan naxberesiheb lix queto̱mk saꞌ xya̱nkeb li utzꞌuꞌuj.

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Cantares 2:1

La̱in chanchanin li rosa re Sarón. Ut chanchanin li azucena li cuan saꞌ li ru takꞌa.

Cantares 1:16

At cui̱nk, kꞌaxal nacatinra. Cꞌajoꞌ xchakꞌal a̱cuu. Nasahoꞌ inchꞌo̱l a̱cuiqꞌuin. Li kanaꞌaj bar tohila̱nk cuiꞌ utzꞌuꞌujinbil ru.

Cantares 1:2

Ta̱cuutzꞌ taxak cuu xban nak la̱ rahom, aꞌan kꞌaxal lokꞌ chicuu chiru li vino.

Salmos 148:13

Cheꞌxqꞌuehak taxak xlokꞌal lix santil cꞌabaꞌ li nimajcual Dios xban nak caꞌaj cuiꞌ aꞌan li kꞌaxal nim xcuanquil. Ut aꞌan li kꞌaxal lokꞌ chiru chixjunil li cuan saꞌ choxa joꞌ ajcuiꞌ saꞌ ruchichꞌochꞌ.

Salmos 119:103

Cꞌajoꞌ xsahil naxye la̱ cua̱tin. Chanchan xsahil li xyaꞌal cab.

Salmos 89:6

Ma̱cꞌaꞌ chic junak dios cha̱cuu la̱at. ¿Ma cuan ta biꞌ junak saꞌ choxa naru xjuntakꞌe̱tanquil a̱cuiqꞌuin la̱at?

Salmos 19:10

Lix chakꞌrab li Ka̱cuaꞌ Dios, aꞌan kꞌaxal terto cuiꞌchic xtzꞌak chiru li tzꞌakal oro. Kꞌaxal cuiꞌchic cha̱bil chiru li xyaꞌal cab li toj ma̱jiꞌ isinbil chak saꞌ xnaꞌaj.

2 Samuel 1:23

Laj Saúl ut laj Jonatán kꞌaxal cha̱bileb ut raro̱queb. Laj Saúl ut laj Jonatán incꞌaꞌ queꞌxcanab ribeb nak toj yoꞌyo̱queb. Chi moco nak queꞌcam queꞌxcanab ribeb. Kꞌaxal se̱beb joꞌ li xul tꞌiu xcꞌabaꞌ. Ut kꞌaxal cauheb rib joꞌ li cakcoj.

Cantares 1:5

Ex ixk aj Jerusalén, la̱in kꞌek caꞌchꞌin intibel, abanan chꞌinaꞌusin. Lin kꞌekal chanchan xkꞌekal li muheba̱l aran Cedar. Ut lin chꞌinaꞌusal chanchan xchꞌinaꞌusal li tꞌicr li cuan saꞌ rochoch laj Salomón.

Cantares 4:3

Cak cak lix tzꞌu̱mal a̱cue. Chanchan li caki nokꞌ. Ut cꞌajoꞌ xchꞌinaꞌusal nacat-a̱tinac. Lix co a̱cue nalemtzꞌun. Chanchan li granada, usta tzꞌaptzꞌo riqꞌuin la̱ tꞌicr.