Cantares 5:15 - Li Santil hu

¹⁵ Li raꞌ chanchan li okech yi̱banbil riqꞌuin mármol xakabanbil saꞌ cha̱bil oro. Li cui̱nk li ninra, chꞌinaꞌus rilbal. Chanchan xchꞌinaꞌusal li naꞌajej Líbano. Sicꞌbil ru joꞌ li cheꞌ chacalteꞌ.

Q'eqchi Bible

¹⁵ Eb' li ra' chanchaneb' li oqech yiib'anb'ileb' rik'in saqalpek, xaqab'anb'ileb' sa' xb'een li chaab'il oor. Linrahom na'ilok kama' li tzuul Líbano, k'ajo' xch'ina'usal kama'eb' li yaw.

Cantares 5:15 ပူးပေါင်းရင်းမြစ်များ

1 Reyes 4:33

Quia̱tinac chirixeb chixjunil li pim ut li cheꞌ li cuan saꞌ ruchichꞌochꞌ, joꞌ li cocꞌ, joꞌ li ni̱nk. Quia̱tinac chirix li hisopo li nayoꞌla chiru li tzꞌac ut quia̱tinac chirixeb li ni̱nki cheꞌ chacalteꞌ li cuan Líbano. Ut quia̱tinac ajcuiꞌ chirixeb chixjunileb li xul. Quia̱tinac ajcuiꞌ chirixeb li xul li nequeꞌrupupic, ut chirixeb li nequeꞌxjucuqui rib saꞌ chꞌochꞌ, ut chirixeb ajcuiꞌ li car.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Hechos 2:28

La̱in ninnau nak la̱at nacatcꞌutuc chicuu chanru nak tintau li junelic yuꞌam. Xban nak la̱at cuancat cuiqꞌuin, junelic sa saꞌ inchꞌo̱l. Ut caꞌaj cuiꞌ a̱cuiqꞌuin cuan li sahil chꞌo̱lejil. (Sal. 16:8-11)

San Mateo 28:3

Li riloba̱l nalemtzꞌun chanchan rakꞌ ca̱k ut li rakꞌ sak sak joꞌ li ratzꞌam que.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Oseas 14:7

Teꞌcua̱nk cuiꞌchic saꞌ lix naꞌajeb ut la̱in tin-ilok reheb. Tebinqꞌue cuiꞌchic chi ta̱mc. Chanchanakeb lix qꞌuial li ru li trigo ut chanchanakeb li ru li uvas. Ut yalak bar ta̱cuulak resileb joꞌ li cha̱bil vino li na-el aran Líbano.

Cantares 7:4

La̱ cux chanchan jun li cab najt xteram yi̱banbil riqꞌuin marfil. Ut lix nakꞌ a̱cuu chanchaneb li xnaꞌaj li haꞌ li cuan aran saꞌ li tenamit Hesbón chire li oqueba̱l Bat-rabim xcꞌabaꞌ. Ut la̱ cuuꞌuj chanchan li cab najt xteram li cuan aran Líbano saꞌ xjayal li tenamit Damasco.

Cantares 4:11

At cuixakil, cꞌajoꞌ nak nacuulac chicuu nak nacacuutzꞌ cuu. Chanchan xyaꞌal cab na-el saꞌ xtzꞌu̱mal a̱cue. Ut chanchan leche cuan rubel ruꞌuj a̱cuakꞌ. Sunu̱nc ru la̱ cuakꞌ chanchan xsununquil li naꞌajej Líbano.

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

Salmos 92:12

Abanan li ti̱queb xchꞌo̱leb us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ palma. Teꞌqꞌui̱k joꞌ nak naqꞌui li cheꞌ chacalteꞌ li cuan aran Líbano.

Jueces 13:6

Ut li ixk quixserakꞌi re lix be̱lom li cꞌaꞌru quiyeheꞌ re xban li ángel. Quixye re: —Jun li cui̱nk taklanbil xban li Dios xcuulac cuiqꞌuin. Cꞌajoꞌ nak x-oc incꞌaꞌux xban. Joꞌ li aꞌan x-ángel li Ka̱cuaꞌ nak xcuil, ut la̱in incꞌaꞌ xinpatzꞌ re bar xchal chak ut ani, chi moco aꞌan xye cue ani xcꞌabaꞌ.

Éxodo 26:19

Ut te̱yi̱b ajcuiꞌ caꞌcꞌa̱l xnaꞌajeb li rok li tzꞌalam cheꞌ bar teꞌqꞌuehekꞌ cuiꞌ. Aꞌan te̱yi̱b riqꞌuin plata. Caꞌcab xnaꞌaj li junju̱nk chi tzꞌalam cheꞌ.

Salmos 80:10

Chanchan nak naxhel rib li jun to̱n chi uvas ut naxqꞌue rib saꞌ xbe̱neb li tzu̱l ut li ni̱nki cheꞌ chacalteꞌ.

Ezequiel 17:23

Tincuau aran Israel saꞌ li tzu̱l li kꞌaxal najt xteram. Cha̱bilak li chacalteꞌ aꞌan ut nabalak li rukꞌ ut ta̱u̱chi̱nk ajcuiꞌ. Qꞌuila pa̱y ru li xul li nequeꞌrupupic teꞌxyi̱b lix soqueb saꞌ li rukꞌ li cheꞌ ut teꞌxcol ribeb saꞌ lix mu.

Ezequiel 31:8

Ma̱ jun li cheꞌ li cuan saꞌ xnaꞌaj li cuacui̱mk naru xjuntakꞌe̱tanquil riqꞌuin xban xchꞌinaꞌusal, chi moco li chacalteꞌ, chi moco li ciprés, chi moco li jun chꞌol chic li cheꞌ li cuan aran. Ma̱ jun li cheꞌ cuan rukꞌ joꞌ li rukꞌ li cheꞌ aꞌan.

Salmos 92:13

Chanchanakeb li cheꞌ li aubil cuan cuiꞌ lix templo li Dios, li yo̱queb chi atzꞌumac.

Lamentaciones 4:7

Eb li queꞌcꞌamoc be chiku kꞌaxal ti̱queb xchꞌo̱l junxil. Chanchaneb xsakal li nieve ut li leche xban nak kꞌaxal ti̱queb xchꞌo̱l. Kꞌaxal cauheb rib ut cꞌajoꞌ xchakꞌal ruheb. Chanchaneb li terto̱quil pec coral ut zafiro.