Cantares 5:10 - Li Santil hu

¹⁰ Li cui̱nk li ninra, aꞌan sak xtibel ut cꞌajoꞌ xchakꞌal ru. Caꞌaj cuiꞌ aꞌan li mas cha̱bil saꞌ xya̱nkeb laje̱b mil chi cui̱nk.

Q'eqchi Bible

¹⁰ Linrahom nalemtz'unk xtib'el ut kaqmoyink, nawno ru chi tz'aqal sa' xyanqeb' k'iila o'q'ob' chi winq.

Cantares 5:10 ပူးပေါင်းရင်းမြစ်များ

Salmos 45:2

Aꞌan aꞌin li bich li tinbicha chokꞌ re li rey: At rey, cꞌajoꞌ xchakꞌal a̱cuu. Kꞌaxal cuiꞌchic chꞌinaꞌusat chiruheb chixjunileb li cui̱nk. Cha̱bil nacat-a̱tinac ut tzꞌakal re ru nacaye. La̱at osobtesinbilat xban li Dios junelic.

Salmos 45:17

Riqꞌuin li bich aꞌin li yo̱quin xbichanquil, ta̱qꞌuehekꞌ xlokꞌal la̱ cꞌabaꞌ chi junelic xbaneb li talajeꞌyoꞌla̱k mokon. Joꞌcan nak chixjunileb teꞌxqꞌue la̱ lokꞌal ut tatjulticokꞌ reheb chi junelic kꞌe cutan.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Hebreos 2:10

Riqꞌuin xcꞌulbal li raylal, li Jesucristo quitzꞌakobresi̱c ru chiru li Dios. Li Ka̱cuaꞌ Dios quiyi̱ban re chixjunil li cꞌaꞌak re ru. Xban aꞌan nak aꞌ li Dios yal re saꞌ xbe̱n. Joꞌcan nak quixtakla chak li Jesucristo chi xcꞌulbal li raylal ut quicam re xtojbal rix li kama̱c. Ut aꞌan ajcuiꞌ laj cꞌamol be chiruheb li ralal xcꞌajol li teꞌtzꞌako̱nk saꞌ lix lokꞌal.

Colosenses 1:18

Ut aꞌan ajcuiꞌ najolomin ke la̱o aj pa̱banel ut junajo chic riqꞌuin li Cristo. Aꞌan li naqꞌuehoc re li kayuꞌam. Aꞌan li xbe̱n quicuacli cuiꞌchic chi yoꞌyo saꞌ xya̱nkeb li camenak ut aꞌan li kꞌaxal nim xcuanquil saꞌ xbe̱n chixjunil.

Romanos 9:5

Aꞌaneb li ralal xcꞌajol li kaxeꞌto̱nil yucuaꞌ laj Abraham, laj Isaac ut laj Jacob. Ut saꞌ xya̱nkeb aꞌan quiyoꞌla li Cristo nak quitzꞌejcualoꞌ ut quicꞌulun saꞌ ruchichꞌochꞌ. Lokꞌoninbil taxak chi junelic li Cristo li kꞌaxal nim xcuanquil saꞌ xbe̱neb chixjunileb. Joꞌcan taxak.

Cantares 2:1

La̱in chanchanin li rosa re Sarón. Ut chanchanin li azucena li cuan saꞌ li ru takꞌa.

1 Samuel 16:12

Ut laj Isaí quixtakla xbokbal li i̱tzꞌinbej. Li al aꞌan cꞌajoꞌ xchakꞌal ru ut cau rib. Chꞌinaꞌus na-iloc. Ut li Ka̱cuaꞌ quixye re laj Samuel: —Qꞌue li aceite saꞌ xjolom xban nak aꞌan aꞌin li sicꞌbil ru inban, chan.

Deuteronomio 32:31

Eb li xicꞌ nequeꞌiloc reheb nequeꞌxqꞌue retal nak lix jalanil dios moco juntakꞌe̱t ta riqꞌuin lix Dioseb laj Israel.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

Isaías 10:18

Tixsach ruheb li cha̱bil chꞌochꞌ ut li qꞌuicheꞌ. Li naꞌajej ta̱cana̱k chi ma̱cꞌaꞌ cuan chi saꞌ. Chanchan junak li yaj li ma̱cꞌaꞌ chic xmetzꞌe̱u.

Lamentaciones 4:7

Eb li queꞌcꞌamoc be chiku kꞌaxal ti̱queb xchꞌo̱l junxil. Chanchaneb xsakal li nieve ut li leche xban nak kꞌaxal ti̱queb xchꞌo̱l. Kꞌaxal cauheb rib ut cꞌajoꞌ xchakꞌal ruheb. Chanchaneb li terto̱quil pec coral ut zafiro.