Cantares 5:1 - Li Santil hu

¹ At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Q'eqchi Bible

¹ Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Cantares 5:1 ပူးပေါင်းရင်းမြစ်များ

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Proverbios 9:5

Cha̱lkex. Cuaꞌinkex cuiqꞌuin. Ucꞌumak li vino li xinyi̱b.

Hechos 11:29

Ut eb laj pa̱banel li cuanqueb Antioquía queꞌxcꞌu̱b ru nak teꞌxtenkꞌaheb laj pa̱banel li cuanqueb Judea. Queꞌxtenkꞌa aꞌ yal chanru quixqꞌue rib chiru li junju̱nk.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

San Lucas 12:4

Ex cuami̱g, la̱in ninye e̱re nak mexxucuac chiruheb li ani teꞌraj camsi̱nc e̱re xban nak ma̱cꞌaꞌ naru teꞌxba̱nu riqꞌuin le̱ ra̱m.

Isaías 66:14

Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Cantares 8:13

At xsum li cua̱m, la̱at li cuancat saꞌ xya̱nkeb li utzꞌuꞌuj. China̱cua̱tina. Eb li cuanqueb cuochben teꞌraj rabinquil li xya̱b la̱ cux.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Isaías 23:18

Abanan li tumin li teꞌxcꞌul ta̱kꞌaxtesi̱k re li Ka̱cuaꞌ. Incꞌaꞌ chic teꞌxxoc chokꞌ reheb laj Tiro. Ta̱cꞌanjelak ban chiruheb li nequeꞌlokꞌonin re li Ka̱cuaꞌ re nak ta̱cua̱nk xcua rucꞌaheb ut ta̱cua̱nk ajcuiꞌ li rakꞌeb.

Isaías 5:1

Tinbicha jun li bich saꞌ xcꞌabaꞌ li kꞌaxal raro inban. Tinbicha̱nk chirix li racui̱mk. Aꞌan aꞌin li bich: Li kꞌaxal raro inban cuan jun lix chꞌochꞌ kꞌaxal cha̱bil saꞌ jun li chꞌina tzu̱l.

Cantares 8:1

Us raj nak la̱at ta cuas. Us raj nak riqꞌuin ta lin naꞌ xattuꞌuc. Cui ta la̱at li cuas, naru raj tincuutzꞌ a̱cuu nak tatincꞌul saꞌ be ut ma̱ ani raj ta̱hobok cue.

Cantares 6:11

La̱in co̱in chirilbal li cheꞌ nogal ut li ru li cheꞌ li cuan saꞌ li ru takꞌa. Quicuaj rilbal li ratzꞌum li acui̱mk uvas ut li granadas.

Salmos 16:3

Ninqꞌueheb xlokꞌal li nequeꞌpa̱ban re li Dios ut nasahoꞌ saꞌ inchꞌo̱l chi cua̱nc saꞌ xya̱nkeb.

Salmos 147:11

Nasahoꞌ ban xchꞌo̱l riqꞌuin li ani naxucuan ru ut naroybeni nak ta̱uxta̱na̱k ru xban li Ka̱cuaꞌ.

Jueces 14:11

Nak eb laj filisteo queꞌxqꞌue retal li ninkꞌe, queꞌxtakla laje̱b xcaꞌcꞌa̱l (30) li sa̱j cui̱nk riqꞌuineb saꞌ li ninkꞌe.

Jueces 14:20

Ut li rixakil laj Sansón quiqꞌueheꞌ re li cui̱nk li quixcꞌoxla laj Sansón nak tzꞌakal rami̱g.

Proverbios 24:13

Ex cualal incꞌajol, chetzaca li xyaꞌal cab xban nak cha̱bil ut sa xtzacanquil.

Eclesiastés 2:5

Ut quinyi̱b ajcuiꞌ xnaꞌajeb li cuacui̱mk ut quicuau nabal pa̱y ru li cheꞌ li nau̱chin. Ut quinyi̱b ajcuiꞌ xnaꞌaj li cuutzꞌuꞌuj ut quicuau li utzꞌuꞌuj aran.

Cantares 1:13

Li cui̱nk li ninra, aꞌan chanchan li xsununquil li mirra li ninqꞌue saꞌ xya̱nk lin tuꞌ.

Cantares 4:8

Quim cuiqꞌuin, at cuixakil, ut toxic. E̱lko saꞌ li naꞌajej Líbano li cuanqueb cuiꞌ eb li tzu̱l Amana, Senir ut Hermón, lix naꞌajeb li cakcoj ut li hix.

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.