Cantares 4:3 - Li Santil hu

³ Cak cak lix tzꞌu̱mal a̱cue. Chanchan li caki nokꞌ. Ut cꞌajoꞌ xchꞌinaꞌusal nacat-a̱tinac. Lix co a̱cue nalemtzꞌun. Chanchan li granada, usta tzꞌaptzꞌo riqꞌuin la̱ tꞌicr.

Q'eqchi Bible

³ Li xtz'uumal aawe a'an kaq, kama' jun keel chi kaqi noq', ut laawe k'ajo' xch'ina'usal. Chanchaneb' granaad li xnaq' aawu, naq nak'utunk chaq chirix laat'ikr.

Cantares 4:3 ပူးပေါင်းရင်းမြစ်များ

Cantares 6:7

Lix co a̱cue nalemtzꞌun. Chanchan li granada, usta tzꞌaptzꞌo riqꞌuin la̱ tꞌicr.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

Josué 2:18

Nak to-oc chire̱chaninquil li tenamit aꞌin, la̱at ta̱tꞌuyub li caki cꞌa̱m aꞌin saꞌ li ventana, li xoa̱cubsi cuiꞌ. Ut ta̱chꞌutubeb saꞌ la̱ cuochoch la̱ naꞌ ut la̱ yucuaꞌ rochbeneb la̱ cuas ut eb la̱ cui̱tzꞌin, ut chixjunileb li cuanqueb saꞌ rochoch la̱ yucuaꞌ.

Hebreos 9:19

Nak laj Moisés quixye chixjunil li chakꞌrab reheb li tenamit, quixchap li cocꞌ rukꞌ li pim hisopo xcꞌabaꞌ ut caꞌchꞌin li caki lana. Quixtzꞌa saꞌ xquiqꞌuel li chiba̱t ut li ral cuacax yubil riqꞌuin haꞌ. Quixrachrachi li quicꞌ chiru li hu tzꞌi̱banbil cuiꞌ li chakꞌrab ut quixrachrachi ajcuiꞌ saꞌ xbe̱neb li tenamit.

Colosenses 4:6

Junelic cha̱bil chex-a̱tinak. Sicꞌomak chanru tex-a̱tinak riqꞌuineb re nak teꞌxqꞌue xchꞌo̱l chirabinquil. Ut chenauhak chanru xsumenquil li cꞌaꞌru teꞌxpatzꞌ e̱re.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

San Lucas 4:22

Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb.

San Mateo 12:35

Li cha̱bil cui̱nk naa̱tinac chi cha̱bil xban nak cha̱bil li cuan saꞌ xchꞌo̱l. Ut li cui̱nk li incꞌaꞌ us lix naꞌleb, yibru naa̱tinac xban nak incꞌaꞌ us li cuan saꞌ xchꞌo̱l.

Ezequiel 16:63

La̱in tincuy a̱ma̱c. Abanan cua̱nk saꞌ a̱chꞌo̱l li ma̱usilal xaba̱nu ut tatxuta̱na̱k xban. Incꞌaꞌ chic te̱nimobresi e̱rib xban nak texxuta̱na̱k. La̱in li nimajcual Dios quinyehoc re aꞌin.—

Cantares 7:9

Saꞌ la̱ cue chanchan li vino li kꞌaxal cha̱bil. Chanchan rucꞌbal li vino li sa rucꞌbal. Nequeꞌrecꞌa xsahil nak yo̱queb chirucꞌbal.

Cantares 5:13

Cꞌajoꞌ xchꞌinaꞌusal lix co re. Chanchan xnaꞌaj li sununquil ban ut li utzꞌuꞌuj. Lix tzꞌu̱mal re chanchaneb li utzꞌuꞌuj azucena nak tꞌaktꞌak riqꞌuin li sununquil mirra.

Cantares 4:11

At cuixakil, cꞌajoꞌ nak nacuulac chicuu nak nacacuutzꞌ cuu. Chanchan xyaꞌal cab na-el saꞌ xtzꞌu̱mal a̱cue. Ut chanchan leche cuan rubel ruꞌuj a̱cuakꞌ. Sunu̱nc ru la̱ cuakꞌ chanchan xsununquil li naꞌajej Líbano.

Proverbios 31:26

Riqꞌuin li cꞌaꞌru naxye nacꞌutun nak cuan xnaꞌleb. Ut riqꞌuin cha̱bilal naqꞌuehoc naꞌleb.

Proverbios 10:13

Li ani cuan xnaꞌleb naxnau a̱tinac saꞌ xya̱lal. Abanan li ani incꞌaꞌ naxtau xnaꞌleb, naqꞌueheꞌ xlob.

Salmos 119:13

La̱in tinchꞌolob xya̱lal chixjunil la̱ cua̱tin li xoa̱chakꞌrabi cuiꞌ.

Salmos 45:2

Aꞌan aꞌin li bich li tinbicha chokꞌ re li rey: At rey, cꞌajoꞌ xchakꞌal a̱cuu. Kꞌaxal cuiꞌchic chꞌinaꞌusat chiruheb chixjunileb li cui̱nk. Cha̱bil nacat-a̱tinac ut tzꞌakal re ru nacaye. La̱at osobtesinbilat xban li Dios junelic.

Salmos 37:30

Li ti̱queb xchꞌo̱l junelic nequeꞌqꞌuehoc cha̱bil naꞌleb ut junelic nequeꞌxye li ya̱l.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Números 19:6

Ut laj tij tixcut saꞌ xbe̱n li cuacax li yo̱ chi cꞌatc caꞌchꞌin li cheꞌ chacalteꞌ, jun li rukꞌ li pim hisopo ut caꞌchꞌin li caki tꞌicr lana.

Números 4:8

Ut teꞌxtzꞌap xbe̱n chixjunil aꞌin riqꞌuin jun li caki tꞌicr. Saꞌ xbe̱n li caki tꞌicr teꞌxqꞌue rix li tzꞌiꞌ haꞌ. Ut chirix aꞌan teꞌxqꞌue saꞌ xnaꞌaj eb li cheꞌ li nequeꞌxpako cuiꞌ li Lokꞌlaj Ca̱x.

Levítico 14:6

Chirix aꞌan laj tij tixtzꞌa li tzentzeyul li yoꞌyo saꞌ xquiqꞌuel li tzentzeyul li quicamsi̱c saꞌ xbe̱n li chꞌochꞌ ucꞌal li cuan haꞌ chi saꞌ. Ut tixtzꞌa ajcuiꞌ saꞌ li quicꞌ li cheꞌ chacalteꞌ ut li caki nokꞌ ut li hisopo.

Levítico 14:4

Cui ac xqꞌuira li saklep rix, laj tij tixtakla xcꞌambal chak cuibak li tzentzeyul xcomoneb li incꞌaꞌ muxbileb ru re ta̱cꞌanjelak re li ac xqꞌuira. Ta̱cꞌamekꞌ ajcuiꞌ chak jun tokolak li cheꞌ chacalteꞌ, jun li caki nokꞌ, ut jun li pim hisopo xcꞌabaꞌ.

Génesis 32:10

La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.

Cantares 1:5

Ex ixk aj Jerusalén, la̱in kꞌek caꞌchꞌin intibel, abanan chꞌinaꞌusin. Lin kꞌekal chanchan xkꞌekal li muheba̱l aran Cedar. Ut lin chꞌinaꞌusal chanchan xchꞌinaꞌusal li tꞌicr li cuan saꞌ rochoch laj Salomón.