Cantares 4:16 - Li Santil hu

¹⁶ Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Q'eqchi Bible

¹⁶ Ajsi aawu, at iq' li nakatchalk chaq sa' releb'l iq', kim, at iq' li nakatchalk sa' xsak'leb' iq'! Apunqex sa' li xna'aj li wawimq, re naq taa'elq chaq li xsununkil. Chichalq linrahom sa' li xsahil na'aj ut chixtzekaaq ta li jwal sa xlowb'al!

Cantares 4:16 ပူးပေါင်းရင်းမြစ်များ

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Ezequiel 37:9

Ut li Ka̱cuaꞌ quixye cue: —At ralal cui̱nk, ye li cꞌaꞌru xinye a̱cue. A̱tina li musikꞌej. Ta̱ye re: At musikꞌej, cha̱lkat bar nachal cuiꞌ li ikꞌ saꞌ xca̱ pacꞌalil li ruchichꞌochꞌ. Tola̱cuapuheb li camenak aꞌin li queꞌcamsi̱c re nak teꞌcuacli̱k cuiꞌchic chi yoꞌyo, chan.

Romanos 15:28

Ut caꞌaj cuiꞌ toxinkꞌaxtesi li tumin aꞌin, toxinnumekꞌ e̱riqꞌuin ut tinxic España.

Romanos 15:16

La̱in nincꞌanjelac chiru li Jesucristo saꞌ xya̱nkeb li ma̱cuaꞌeb aj judío. Lin cꞌanjel aꞌan xchꞌolobanquil xya̱lal li colba-ib re nak eb li ma̱cuaꞌeb aj judío teꞌxkꞌaxtesi rib chiru li Dios. Ut li Dios ta̱sahokꞌ saꞌ xchꞌo̱l riqꞌuineb, ut teꞌsantobresi̱k xban li Santil Musikꞌej.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

San Juan 5:8

Quixye li Jesús re: —Cuaclin, xoc la̱ cuarib ut be̱n, chan re.

San Juan 3:8

Li ikꞌ nanumeꞌ bar naraj chi incꞌaꞌ nacanau bar nachal chak chi moco nacanau bar yo̱ chi xic. Incꞌaꞌ nacacuil ru. Caꞌaj cuiꞌ lix ya̱b nacacuabi nak nanumeꞌ. Joꞌcan ajcuiꞌ lix yuꞌameb li yoꞌlajenakeb riqꞌuin li Santil Musikꞌej. Cuan xyuꞌameb chi junelic chi incꞌaꞌ nacanau chi tzꞌakal chanru, chan li Jesús.

San Mateo 26:12

Li ixk aꞌin us li xba̱nu cue nak xqꞌue li sununquil ban saꞌ inbe̱n. Ma̱jiꞌ nincam abanan ac xinixban re lin mukbal.

San Mateo 26:10

Li Jesús quixnau li cꞌaꞌru yo̱queb chixyebal ut quixye reheb: —¿Cꞌaꞌut nak yo̱quex chixchꞌiꞌchꞌiꞌinquil li ixk aꞌin? Canabomak xcuechꞌinquil xban nak us li xba̱nu cue.

Isaías 64:1

Us raj cui ta̱te li choxa ut tatcubek chak cuanco cuiꞌ. Us raj cui eb li tzu̱l teꞌecꞌa̱nk saꞌ xnaꞌajeb cha̱cuu.

Cantares 8:12

Us nak laj Salomón tixcꞌul li jun mil chi tumin plata. Ut us ajcuiꞌ chokꞌ reheb li nequeꞌiloc re li racui̱mk nak teꞌxcꞌul li cuib ciento chi tumin. Abanan la̱in cuan ajcuiꞌ li cuacui̱mk uvas. Ut aꞌan, la̱in nin-iloc re.

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Cantares 1:4

China̱cꞌam cha̱cuix chi junpa̱t. La̱atak lin rey. China̱cꞌam saꞌ la̱ cuochoch. Chisahokꞌ taxak kachꞌo̱l saꞌ cuibal. Nacuaj nak tina̱ra. Aꞌan li kꞌaxal lokꞌ chiru li vino. Xban nak kꞌaxal nim la̱ rahom, joꞌcan nak cateꞌxra li tukꞌ ixk.

Eclesiastés 1:6

Joꞌcan ajcuiꞌ li ikꞌ. Nanumeꞌ saꞌ li sur ut nanumeꞌ ajcuiꞌ saꞌ li norte. Li bar ac xnumeꞌ cuiꞌ, nanumeꞌ cuiꞌchic. Ut joꞌcan rajlal naxba̱nu.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Eclesiastés 2:5

Ut quinyi̱b ajcuiꞌ xnaꞌajeb li cuacui̱mk ut quicuau nabal pa̱y ru li cheꞌ li nau̱chin. Ut quinyi̱b ajcuiꞌ xnaꞌaj li cuutzꞌuꞌuj ut quicuau li utzꞌuꞌuj aran.

Cantares 1:13

Li cui̱nk li ninra, aꞌan chanchan li xsununquil li mirra li ninqꞌue saꞌ xya̱nk lin tuꞌ.

Cantares 2:8

Nacuabi xya̱b xcux li cui̱nk li ninra. Yo̱ chak chi cha̱lc. Yo̱ chak chi a̱linac saꞌ eb li tzu̱l ut saꞌ xbe̱n bol re nak ta̱cha̱lk cuiqꞌuin saꞌ junpa̱t.