Cantares 4:14 - Li Santil hu

¹⁴ Ut na-el ajcuiꞌ li azafrán ut li sununquil claux ut li canela. Na-el nabal pa̱y ru li cheꞌ li naxqꞌue li incienso ut li mirra ut li áloes. Chixjunil li sununquil ban na-el saꞌ li naꞌajej aꞌan.

Q'eqchi Bible

¹⁴ li naard ut li asaprán, li kaneel ut sinamoom, ut k'iila paay chi k'ajpom, miir ut álohe, ut chixjunil li sununkil b'an jwal chaab'il.

Cantares 4:14 ပူးပေါင်းရင်းမြစ်များ

Éxodo 30:23

—Ta̱sicꞌ li cha̱bil ban li na-oc re xyi̱banquil li sununquil ban. Ta̱sicꞌ cablaju libra li cha̱bil mirra, cuakib libra li canela ut cuakib libra li cálamo, li sunu̱nc,

Cantares 4:6

Nak toj na-icꞌnac li cutan, la̱in tinxic saꞌ eb li tzu̱l li cuan cuiꞌ li mirra ut li incienso.

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Cantares 3:6

¿Ani li yo̱ chak chi cha̱lc saꞌ li chaki chꞌochꞌ? Nak nachal cuiqꞌuin chanchan nak yo̱ chi takecꞌ li sib. Chanchan xsibel li mirra ut li incienso ut li qꞌuila pa̱y ru li sununquil ban.

Ezequiel 27:19

Eb laj Dan ut eb laj Javán queꞌyacoc e̱riqꞌuin. Queꞌxjal li cꞌaꞌru e̱re riqꞌuin li cꞌaꞌru yi̱banbil riqꞌuin hierro, ut riqꞌuin li sununquil ban, ut li cha̱bil mirra.

Cantares 1:12

Lin rey chunchu chire li me̱x. Ut li naꞌajej xnuja̱c riqꞌuin xbo̱c lin sununquil ban nardo.

Proverbios 7:17

Ut xinqꞌue ajcuiꞌ li sununquil ban chiru yi̱banbil riqꞌuin mirra, áloes, ut canela.

Apocalipsis 18:13

Ma̱ ani chic ta̱lokꞌok re li canela, li sununquil ban, li incienso, li mirra ut li olíbano. Ma̱ ani chic ta̱lokꞌok re li vino, li aceite, li trigo ut li cha̱bil cꞌaj. Ut ma̱ ani chic ta̱lokꞌok re li cuacax, li carner ut li cacua̱y, chi moco teꞌxlokꞌ li carruajes, chi moco teꞌxlokꞌ chic li rech cristianil chokꞌ mo̱seb.

San Juan 19:39

Laj Nicodemo li quicuulac riqꞌuin li Jesús chi kꞌek, co̱ rochben laj José. Quixcꞌam na oꞌcꞌa̱lak (100) libra li sununquil ban yi̱banbil riqꞌuin mirra ut áloes.

San Marcos 16:1

Nak quinumeꞌ li hiloba̱l cutan, lix María aj Magdala ut lix Salomé ut lix María xnaꞌ laj Jacobo queꞌxlokꞌ li sununquil ban re teꞌxic chixqꞌuebal saꞌ xbe̱n li camenak.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

2 Crónicas 9:9

Li reina re li tenamit Sabá quixsi re li rey Salomón caꞌchꞌin chic ma̱ jun ciento quintal li oro. Ut quixsi ajcuiꞌ re nabal li sununquil ban joꞌ ajcuiꞌ li terto̱quil pec. Ma̱ jun sut quisiheꞌ nabal li sununquil ban re li rey Salomón joꞌ li quixsi li reina.

1 Reyes 10:10

Li reina re li tenamit Sabá quixsi re li rey Salomón caꞌchꞌin chic ma̱ jun ciento quintal li oro. Ut quixsi ajcuiꞌ re nabal li sununquil ban joꞌ ajcuiꞌ li terto̱quil pec. Ma̱ jun sut quisiheꞌ nabal li sununquil ban re li rey Salomón joꞌ li quixsi li reina.

Números 24:6

Kꞌaxal nabal le̱ muheba̱l. Chanchaneb li rok haꞌ ut chanchaneb li xnaꞌaj li acui̱mk chire li nimaꞌ. Chanchaneb li áloe aubil xban li Ka̱cuaꞌ. Chanchaneb li cheꞌ chacalteꞌ li cuanqueb chire li nimaꞌ.

Génesis 43:11

Ut laj Israel, li yucuaꞌbej, quixye reheb: —¿Cꞌaꞌru xjalenquil? Cui tento nak ta̱xic, xicak. Nak la̱ex texxic, te̱cꞌam caꞌchꞌinak li sahil echej li kꞌaxal cha̱bil na-el saꞌ li chꞌochꞌ arin ut te̱si aꞌin re li cui̱nk li nataklan aran. Aꞌaneb aꞌin li ma̱tan li te̱si re. Te̱cꞌam caꞌchꞌinak li bálsamo, caꞌchꞌinak li xyaꞌal cab, li sununquil ban, aromas ut mirra. Ut te̱cꞌam ajcuiꞌ li nueces ut li almendras.

Salmos 45:8

La̱ cuakꞌ cꞌajoꞌ xsununquil ru, joꞌ xsununcal li cheꞌ áloe ut joꞌ li cheꞌ canela ut joꞌ ajcuiꞌ xsununcal lix kꞌol li cheꞌ mirra xcꞌabaꞌ. Ut teꞌxqꞌue a̱lokꞌal riqꞌuin li arpa saꞌ la̱ palacio li yi̱banbil riqꞌuin marfil.