Cantares 4:13 - Li Santil hu

¹³ Saꞌ li naꞌajej aꞌan, cuan lix cheꞌel li granada ut cha̱bil nau̱chin. Ut cuan ajcuiꞌ li utzꞌuꞌuj alheña ut nardo.

Q'eqchi Bible

¹³ Laajunxaqalil chanchan jun sahil na'ajej wankeb' wi' ki'il q'een li jwal sa li ru, li xche'el li asaprán ut li naard.

Cantares 4:13 ပူးပေါင်းရင်းမြစ်များ

Cantares 1:14

Li cui̱nk li ninra, aꞌan chanchan xchꞌinaꞌusal li utzꞌuꞌuj alheña, li cuan saꞌ lix naꞌaj li uvas aran En-gadi.

Cantares 6:11

La̱in co̱in chirilbal li cheꞌ nogal ut li ru li cheꞌ li cuan saꞌ li ru takꞌa. Quicuaj rilbal li ratzꞌum li acui̱mk uvas ut li granadas.

Eclesiastés 2:5

Ut quinyi̱b ajcuiꞌ xnaꞌajeb li cuacui̱mk ut quicuau nabal pa̱y ru li cheꞌ li nau̱chin. Ut quinyi̱b ajcuiꞌ xnaꞌaj li cuutzꞌuꞌuj ut quicuau li utzꞌuꞌuj aran.

Cantares 1:12

Lin rey chunchu chire li me̱x. Ut li naꞌajej xnuja̱c riqꞌuin xbo̱c lin sununquil ban nardo.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

San Juan 12:3

Lix María quixcꞌam chak mero botella li sununquil ban terto xtzꞌak yi̱banbil riqꞌuin nardo. Quixqꞌue chiru rok li Jesús ut quixmes riqꞌuin li rismal xjolom. Ut cꞌajoꞌ xsununquil saꞌ li cab quicana xban xbo̱c li sununquil ban.

San Marcos 14:3

Li Jesús cuan aran Betania saꞌ rochoch laj Simón li saklep rix. Chunchu saꞌ me̱x nak quichal jun li ixk. Cuan chak jun chꞌina botella sununquil ban riqꞌuin. Lix naꞌaj li ban aꞌan yi̱banbil riqꞌuin cha̱bil pec alabastro xcꞌabaꞌ ut li sununquil ban aꞌan nardo xcꞌabaꞌ ut kꞌaxal terto xtzꞌak. Li ixk quixtok xcux li chꞌina botella ut quixqꞌue li ban saꞌ xjolom li Jesús.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Cantares 8:2

Tatincꞌam raj saꞌ rochoch lin naꞌ ut la̱atak chic aj tzolol cue. Ut tinqꞌue raj chacuucꞌ li cha̱bil vino yi̱banbil riqꞌuin li xyaꞌal li granadas.

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Cantares 4:14

Ut na-el ajcuiꞌ li azafrán ut li sununquil claux ut li canela. Na-el nabal pa̱y ru li cheꞌ li naxqꞌue li incienso ut li mirra ut li áloes. Chixjunil li sununquil ban na-el saꞌ li naꞌajej aꞌan.

Salmos 92:14

Usta ac ti̱xeb chic, junelic yo̱keb chi qꞌui̱c ut cauhakeb rib.

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Joel 2:8

Incꞌaꞌ teꞌxtiquisi ribeb. Ac xbe xbe li junju̱nk tixchap. Ut ma̱ ani ta̱ru̱k ta̱xakaba̱nk reheb.