Cantares 3:3 - Li Santil hu

³ Eb li nequeꞌcꞌacꞌalen re li tenamit quineꞌril ut quinye reheb: —¿Ma incꞌaꞌ xeril ru li narahoc cue? chanquin reheb.

Q'eqchi Bible

³ Xine'xtaw eb' laj k'aak'alenel li neke'xb'eeni li tenamit chiru q'oqyink: “Ma xe'ril ru li xrahom li waanm?”, chankin.

Cantares 3:3 ပူးပေါင်းရင်းမြစ်များ

Cantares 5:7

Eb li cui̱nk li yo̱queb chi cꞌacꞌale̱nc re li tenamit quineꞌxtau. Quineꞌxsacꞌ ut quineꞌxtacuasi. Eb li cui̱nk li yo̱queb chi cꞌacꞌale̱nc re li oqueba̱l re li tenamit queꞌxmakꞌ chicuu lin tꞌicr li nintzꞌap cuiꞌ li cuu.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

San Juan 20:15

Li Jesús quixye re: —At ixk, ¿cꞌaꞌut nak yo̱cat chi ya̱bac? ¿Ani nacasicꞌ? chan. Saꞌ xchꞌo̱l lix María nak aꞌan aj ilol acui̱mk ut quixye re: —Ka̱cuaꞌ, cui la̱at xatcꞌamoc re, ba̱nu usilal, ye cue bar xaqꞌue re nak tincꞌam, chan.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Isaías 62:6

La̱in xinxakaban aj cꞌacꞌalenel saꞌ xbe̱n li tzꞌac li sutsu cuiꞌ li tenamit Jerusalén. Chi kꞌek chi cutan incꞌaꞌ teꞌxcanab xtzꞌa̱manquil xtenkꞌanquileb chiru li Dios.

Isaías 56:10

Eb laj tzolol reheb laj Israel chanchaneb li mutzꞌ. Incꞌaꞌ nequeꞌxcꞌut lix ya̱lal chiruheb lin tenamit. Ma̱cꞌaꞌeb xnaꞌleb. Chanchaneb li tzꞌiꞌ li incꞌaꞌ naru nequeꞌcuo̱bac. Nequeꞌxnumsi li cutan chi matqꞌuec. Cꞌajoꞌ nak nacuulac chiruheb li cua̱rc.

Cantares 1:7

At cui̱nk, la̱in nacatinra. Ye cue bar nacacꞌam la̱ queto̱mk re teꞌcuaꞌak. ¿Bar nacaqꞌueheb chi hila̱nc cuaꞌleb? ¿Cꞌaꞌut nak tento nak tinbeni cuib cha̱sicꞌbal saꞌ lix naꞌajeb lix queto̱mkeb laj ilol xul?