Cantares 2:9 - Li Santil hu

⁹ Li cui̱nk li ninra, aꞌan chanchan jun li quej. Chanchan jun li yuc. Xakxo chiru li tzꞌac ut yo̱ chak chi iloc saꞌ li ventana. Yo̱ chak chi chꞌu̱qui̱nc.

Q'eqchi Bible

⁹ Linrahom chanchan junaq kej malaj jun ch'ina yuk. Ilomaq, xaqxo anaqwan chirix li tz'ak, yo chaq chi ilok sa' li b'entaan, nach'uukink chaq sa' li reex.

Cantares 2:9 ပူးပေါင်းရင်းမြစ်များ

Cantares 8:14

Se̱ba a̱cuib, at cui̱nk li nacatinra. Quim cuiqꞌuin. A̱linan joꞌ nak nequeꞌa̱linac li quej li nequeꞌchal chak saꞌ eb li tzu̱l saꞌ li naꞌajej cꞌajoꞌ xsununcal.

Cantares 2:17

Nak yo̱ chi numecꞌ li kꞌojyi̱n ut nak yo̱ chi sake̱uc, tatcha̱lk cuiqꞌuin, la̱at li raro̱cat inban. Chanchanakat li quej ut li yuc li nequeꞌcuan saꞌ li tzu̱l Beter.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Hebreos 10:1

Li chakꞌrab li quiqꞌueheꞌ re laj Moisés yal retalil li usilal talajeꞌcha̱lk mokon. Saꞌ li chakꞌrab aꞌan naxye nak teꞌmayejak rajlal chihab aban moco riqꞌuin ta li mayejac quiti̱cobresi̱c lix yuꞌameb.

Colosenses 2:17

Chixjunil li cꞌaꞌru queꞌxba̱nu, aꞌan yal retalil li cꞌaꞌru ta̱cꞌulma̱nk. Abanan, nak quicꞌulun li Cristo, quitzꞌakloc ru li cꞌaꞌru queꞌxba̱nu eb aꞌan.

1 Corintios 13:12

Anakcuan caꞌchꞌin ajcuiꞌ nakanau. Chanchan nak noco-iloc saꞌ junak lem moymoy ru. Abanan saꞌ jun cutan takil ru li Dios ut takanau chic chixjunil chi tzꞌakal joꞌ nak li Dios naxnau ku la̱o.

San Juan 12:41

Quixye aꞌin laj Isaías nak quicꞌutbesi̱c chiru lix lokꞌal li Jesús. Joꞌcan nak quixchꞌolob lix ya̱lal.

San Juan 5:46

Cui ta nequepa̱b li cꞌaꞌru quixye laj Moisés, tine̱pa̱b aj raj cuiꞌ la̱in xban nak laj Moisés quixchꞌolob ajcuiꞌ chak xya̱lal chicuix la̱in.

San Juan 5:39

La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in.

San Lucas 24:35

Tojoꞌnak li cuib chi cui̱nk queꞌxserakꞌi reheb li cꞌaꞌru quicꞌulman saꞌ be nak yo̱queb chi xic Emaús. Queꞌxye reheb chanru nak queꞌxnau ru li Jesús nak quixjachi li caxlan cua.

2 Samuel 2:18

Cuanqueb saꞌ li ple̱t aꞌan laj Joab, laj Abisai ut laj Asael, li oxib chi xyum lix Sarvia. Laj Asael cau naa̱linac. Chanchan li quej li cuan saꞌ qꞌuicheꞌ.

Jueces 5:28

Yo̱ chi iloc saꞌ ventana lix naꞌ laj Sísara. Aran saꞌ lix ventana yo̱ chi iloc ut yo̱ chixyebal, “¿Cꞌaꞌut nak xbay chak laj Sísara? ¿Cꞌaꞌut nak incꞌaꞌ nequeꞌxse̱ba chak ribeb li cacua̱y li yo̱queb chi quelo̱nc re lix carruaje?” chan.

Proverbios 5:19

La̱ cuixakil, aꞌan cha̱bil ut chꞌinaꞌus. Chanchan xchꞌinaꞌusal li quej. Chisahokꞌ taxak a̱chꞌo̱l riqꞌuin xban nak junelic tatxra ut tixcꞌojob a̱chꞌo̱l.

Proverbios 6:5

Chenauhak xcolbal e̱rib chiruheb li cristian aꞌin joꞌ nak naxcol rib li quej chiruheb laj yo̱. Chenauhak xcolbal e̱rib joꞌ nak li xul li naxicꞌan naxcol rib chiru li raꞌal.

Proverbios 7:6

Saꞌ jun li cutan yo̱quin chi iloc saꞌ li ventana re li cuochoch.

Cantares 1:16

At cui̱nk, kꞌaxal nacatinra. Cꞌajoꞌ xchakꞌal a̱cuu. Nasahoꞌ inchꞌo̱l a̱cuiqꞌuin. Li kanaꞌaj bar tohila̱nk cuiꞌ utzꞌuꞌujinbil ru.

Cantares 2:7

Ex tukꞌ ixk aj Jerusalén, saꞌ xcꞌabaꞌeb li quej ut li yuc li nequeꞌcuan saꞌ qꞌuicheꞌ, nintzꞌa̱ma che̱ru nak incꞌaꞌ te̱rajsi ru li ixk li ninra. Checanab ban chi cua̱rc joꞌ najtil ta̱raj.

Cantares 3:5

Ex tukꞌ ixk aj Jerusalén, saꞌ xcꞌabaꞌeb li quej ut li yuc li nequeꞌcuan saꞌ li qꞌuicheꞌ, nintzꞌa̱ma che̱ru nak incꞌaꞌ te̱rajsi ru li ixk li ninra. Checanab ban chi cua̱rc joꞌ najtil ta̱raj.