Cantares 2:4 - Li Santil hu

⁴ Li cui̱nk quinixcꞌam saꞌ lix ninkꞌe. Ut quixqꞌue lix bandera saꞌ inbe̱n re xcꞌutbal nak niquinixra.

Q'eqchi Bible

⁴ Xinroksi sa' rochochil li ninq'e, ut li reetalil li naheelank sa' inb'een, a'an li rahok!

Cantares 2:4 ပူးပေါင်းရင်းမြစ်များ

Cantares 1:4

China̱cꞌam cha̱cuix chi junpa̱t. La̱atak lin rey. China̱cꞌam saꞌ la̱ cuochoch. Chisahokꞌ taxak kachꞌo̱l saꞌ cuibal. Nacuaj nak tina̱ra. Aꞌan li kꞌaxal lokꞌ chiru li vino. Xban nak kꞌaxal nim la̱ rahom, joꞌcan nak cateꞌxra li tukꞌ ixk.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Cantares 6:4

At ixk, nacatinra. Cꞌajoꞌ la̱ chꞌinaꞌusal joꞌ xchꞌinaꞌusal li tenamit Tirsa ut li tenamit Jerusalén. Xacue̱chani li cua̱m. Chanchan nak eb li soldado nequeꞌre̱chani junak li tenamit.

Salmos 20:5

Cꞌajoꞌ nak ta̱sahokꞌ saꞌ kachꞌo̱l la̱o nak ta̱cue̱chani li cꞌaꞌru xatzꞌa̱ma chiru li Dios. Tobicha̱nk chi anchal kachꞌo̱l re xlokꞌoninquil li Dios riqꞌuin li usilal xba̱nu cue. ¡Chixsume taxak li Dios chixjunil li nacatzꞌa̱ma chiru!

Cantares 1:1

Aꞌan aꞌin li lokꞌlaj bich li quixtzꞌi̱ba li rey Salomón.

Salmos 60:4

Xaqꞌue jun ketalil la̱o li nocorahoc a̱cue. Chanchan nak xaqꞌue jun li bandera re nak takacol rix li ya̱l.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Ester 7:7

Cꞌajoꞌ nak quijoskꞌoꞌ li rey. Quicuacli saꞌ junpa̱t ut co̱ chirix cab bar aubil cuiꞌ li utzꞌuꞌuj. Laj Amán quicana aran chixtzꞌa̱manquil chiru lix Ester nak incꞌaꞌ ta̱camsi̱k xban nak ac naxnau nak ta̱takla̱k xcamsinquil xban li rey.

Li xHu LAJ JOB 1:10

¿Ma ma̱cuaꞌ ta biꞌ la̱at yo̱cat chi coloc rix lix jun cablal ut chixjunil li cꞌaꞌru cuan re? Ut la̱at ajcuiꞌ yo̱cat chi osobtesi̱nc re riqꞌuin chixjunil li cꞌaꞌru naxba̱nu. Joꞌcan nak yo̱ chi qꞌuia̱nc li cꞌaꞌru re saꞌ ruchichꞌochꞌ.