Cantares 2:3 - Li Santil hu

³ Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Q'eqchi Bible

³ Jo' xche'el li mansaan sa' xyanqeb' li che' sa' k'iche'b'aal, jo'kan linrahom sa' xyanqeb' li saaj winq. Ninrahi hilank sa' xmu, ut q'axal sa cho'q we naq ninlow li ru.

Cantares 2:3 ပူးပေါင်းရင်းမြစ်များ

Cantares 8:5

¿Ani li yo̱ chak chi cha̱lc saꞌ li chaki chꞌochꞌ kꞌalkꞌo xban li cui̱nk li narahoc re? Rubel xmu li cheꞌ mansana xincuajsi a̱cuu. Saꞌ li naꞌajej aꞌan quiticla xraylal la̱ naꞌ. Saꞌ li naꞌajej aꞌan catyoꞌla.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Ezequiel 47:12

Ut chire li nimaꞌ saꞌ xcaꞌ pacꞌalil teꞌcua̱nk qꞌuila pa̱y ru li cheꞌ teꞌu̱chi̱nk. Li cheꞌ aꞌan incꞌaꞌ teꞌtꞌanekꞌ lix xak ut incꞌaꞌ teꞌxcanab u̱chi̱nc. Rajlal teꞌu̱chi̱nk saꞌ xkꞌehil xban nak cuanqueb chire li nimaꞌ li na-el saꞌ li templo. Li cheꞌ aꞌan teꞌu̱chi̱nk ut li ru ta̱loꞌekꞌ ut lix xak ta̱cꞌanjelak chokꞌ ban.—

Isaías 4:6

Aꞌin ta̱cꞌanjelak reheb chokꞌ xmuheb re teꞌxcol ribeb chiru xtikcual li sakꞌe ut re ajcuiꞌ xcolbaleb rib chiru li hab ut li ca̱k-sut-ikꞌ.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Cantares 2:5

Qꞌuehomak chak inchaki uvas. Qꞌuehomak chak inmansana re nak ta̱cꞌulu̱nk inchꞌo̱l. Nacuecꞌa nak ca̱mc cue xban nak kꞌaxal nacuaj ru li cui̱nk aꞌin.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

Salmos 89:6

Ma̱cꞌaꞌ chic junak dios cha̱cuu la̱at. ¿Ma cuan ta biꞌ junak saꞌ choxa naru xjuntakꞌe̱tanquil a̱cuiqꞌuin la̱at?

Salmos 57:1

Chatokꞌoba taxak cuu, at inDios. Chacuuxta̱na taxak cuu xban nak caꞌaj cuiꞌ a̱cuiqꞌuin cau inchꞌo̱l. Tincuaj xcolbal cuib rubel la̱ cuanquil toj retal ta̱numekꞌ li raylal aꞌin saꞌ inbe̱n.

Salmos 45:2

Aꞌan aꞌin li bich li tinbicha chokꞌ re li rey: At rey, cꞌajoꞌ xchakꞌal a̱cuu. Kꞌaxal cuiꞌchic chꞌinaꞌusat chiruheb chixjunileb li cui̱nk. Cha̱bil nacat-a̱tinac ut tzꞌakal re ru nacaye. La̱at osobtesinbilat xban li Dios junelic.

Jueces 9:15

Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Cantares 1:16

At cui̱nk, kꞌaxal nacatinra. Cꞌajoꞌ xchakꞌal a̱cuu. Nasahoꞌ inchꞌo̱l a̱cuiqꞌuin. Li kanaꞌaj bar tohila̱nk cuiꞌ utzꞌuꞌujinbil ru.

Cantares 4:13

Saꞌ li naꞌajej aꞌan, cuan lix cheꞌel li granada ut cha̱bil nau̱chin. Ut cuan ajcuiꞌ li utzꞌuꞌuj alheña ut nardo.

Cantares 7:13

Ta̱cuutzꞌ xsununquil li acui̱mk mandrágoras. Saꞌ li kochoch cuan nabal pa̱y ru li quiꞌil kꞌe̱n. At xsum li cua̱m, la̱in xinxoc chokꞌ a̱cue chixjunil li ta̱sahokꞌ cuiꞌ a̱chꞌo̱l. Cuan li ac xchakic ut cuan ajcuiꞌ li toj xinsicꞌ.

Cantares 8:11

Laj Salomón cuan jun si̱r li racui̱mk uvas saꞌ li naꞌajej Baal-hamón. Quixsiqꞌueb aj ilol re ut nak nequeꞌxcꞌayi li ru li acui̱mk, nequeꞌxkꞌaxtesi re laj Salomón jun mil chi tumin plata chi xju̱nkaleb.

Cantares 8:12

Us nak laj Salomón tixcꞌul li jun mil chi tumin plata. Ut us ajcuiꞌ chokꞌ reheb li nequeꞌiloc re li racui̱mk nak teꞌxcꞌul li cuib ciento chi tumin. Abanan la̱in cuan ajcuiꞌ li cuacui̱mk uvas. Ut aꞌan, la̱in nin-iloc re.

Joel 1:12

Xchakic lix cheꞌel li uvas. Ma̱cꞌaꞌ chic lix cheꞌel li higo. Xchakic lix cheꞌel li granado ut li calaꞌ joꞌqueb ajcuiꞌ lix cheꞌel li manzana. Chixjunileb li cheꞌ xelajeꞌchakic saꞌ li cꞌaleba̱l. Xban aꞌan nak li tenamit junelic ra saꞌ xchꞌo̱l.

Salmos 45:3

Qꞌue la̱ chꞌi̱chꞌ saꞌ xcꞌa̱mal a̱saꞌ, la̱at li kꞌaxal nim a̱cuanquil. Kꞌaxal nim a̱lokꞌal ut la̱ cuanquilal.