Cantares 2:17 - Li Santil hu

¹⁷ Nak yo̱ chi numecꞌ li kꞌojyi̱n ut nak yo̱ chi sake̱uc, tatcha̱lk cuiqꞌuin, la̱at li raro̱cat inban. Chanchanakat li quej ut li yuc li nequeꞌcuan saꞌ li tzu̱l Beter.

Q'eqchi Bible

¹⁷ Naq toj maji' nachalk xmaayus li kutan ut taanajto'q li aak'ab', sutq'in chaq, at inrahom, jo'qat junaq kej malaj jun ch'ina yuk sa' li tzuul Béter.

Cantares 2:17 ပူးပေါင်းရင်းမြစ်များ

Cantares 4:6

Nak toj na-icꞌnac li cutan, la̱in tinxic saꞌ eb li tzu̱l li cuan cuiꞌ li mirra ut li incienso.

2 Pedro 1:19

Riqꞌuin aꞌin nakanau nak relic chi ya̱l na-uxman li cꞌaꞌru tzꞌi̱banbil chak najter xbaneb li profeta. Us cui te̱qꞌue retal li quilajeꞌxtzꞌi̱ba chak li profeta. Aꞌan naxcutanobresi chiku joꞌ junak xam nacutanobresin saꞌ junak naꞌajej kꞌojyi̱n ru. Li Ka̱cuaꞌ Jesucristo naxcutanobresi saꞌ li ka̱m joꞌ nak naxcutanobresi ru li kꞌojyi̱n li cak chahim nak sake̱uc re.

Hebreos 10:1

Li chakꞌrab li quiqꞌueheꞌ re laj Moisés yal retalil li usilal talajeꞌcha̱lk mokon. Saꞌ li chakꞌrab aꞌan naxye nak teꞌmayejak rajlal chihab aban moco riqꞌuin ta li mayejac quiti̱cobresi̱c lix yuꞌameb.

Hebreos 8:5

Li cꞌaꞌru nequeꞌxba̱nu eb laj tij yal jun retalil li na-uxman saꞌ li choxa. Nakanau nak yal retalil xban li cꞌaꞌru quiyeheꞌ re laj Moisés nak oc re chixyi̱banquil li tabernáculo. Li Dios quixye re: Chaqꞌue retal ut chaba̱nu chixjunil joꞌ li retalil quincꞌut cha̱cuu saꞌ xbe̱n li tzu̱l Sinaí. (Ex. 25:40)

Romanos 13:12

Chanchan nak yo̱ chi numecꞌ li kꞌojyi̱n ut yo̱ chi sake̱uc. Chikacanabak xba̱nunquil li incꞌaꞌ us li nequeꞌxba̱nu li toj cuanqueb saꞌ xkꞌojyi̱nal ru li ma̱c. Chikacolak kib chiru li incꞌaꞌ us riqꞌuin xcuanquil li Jesucristo.

San Lucas 1:78

Xban nak kꞌaxal nim ruxta̱n li Ka̱cuaꞌ Dios, xtakla chak li Jun li ta̱cutanobresi̱nk re li kacꞌaꞌux.

Cantares 8:14

Se̱ba a̱cuib, at cui̱nk li nacatinra. Quim cuiqꞌuin. A̱linan joꞌ nak nequeꞌa̱linac li quej li nequeꞌchal chak saꞌ eb li tzu̱l saꞌ li naꞌajej cꞌajoꞌ xsununcal.

Proverbios 5:19

La̱ cuixakil, aꞌan cha̱bil ut chꞌinaꞌus. Chanchan xchꞌinaꞌusal li quej. Chisahokꞌ taxak a̱chꞌo̱l riqꞌuin xban nak junelic tatxra ut tixcꞌojob a̱chꞌo̱l.

Cantares 2:7

Ex tukꞌ ixk aj Jerusalén, saꞌ xcꞌabaꞌeb li quej ut li yuc li nequeꞌcuan saꞌ qꞌuicheꞌ, nintzꞌa̱ma che̱ru nak incꞌaꞌ te̱rajsi ru li ixk li ninra. Checanab ban chi cua̱rc joꞌ najtil ta̱raj.