Cantares 2:12 - Li Santil hu

¹² Li utzꞌuꞌuj xeꞌoc chi puqꞌuecꞌ saꞌ qꞌuicheꞌ. Ac xcuulac xkꞌehil li bicha̱nc. Yo̱queb chi bicha̱nc li mucuy xban xsahil xchꞌo̱leb.

Q'eqchi Bible

¹² “Ak wankeb' li uutz'u'uj sa'eb' li tzuultaq'a, xwulak xq'ehil li b'ichank ut li xyaab' li mukuy na'ab'imank sa' li qana'aj.

Cantares 2:12 ပူးပေါင်းရင်းမြစ်များ

Isaías 55:12

Cꞌajoꞌak xsahil saꞌ le̱ chꞌo̱l nak tex-e̱lk saꞌ li naꞌajej cuanquex cuiꞌ. Saꞌ tuktu̱quil usilal texsukꞌi̱k cuiꞌchic saꞌ le̱ tenamit. Ut teꞌoc cuiꞌchic chi u̱chi̱nc li cheꞌ chi sa saꞌ xchꞌo̱leb. Ut ta̱e̱lk cuiꞌchic chi cha̱bil li acui̱mk saꞌ eb li tzu̱l.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

Salmos 89:15

Us xak reheb li tenamit li nequeꞌxnau xqꞌuebal a̱lokꞌal. Us xak reheb li nequeꞌxba̱nu li cꞌaꞌru nacacꞌut chiruheb, at nimajcual Dios.

Cantares 6:11

La̱in co̱in chirilbal li cheꞌ nogal ut li ru li cheꞌ li cuan saꞌ li ru takꞌa. Quicuaj rilbal li ratzꞌum li acui̱mk uvas ut li granadas.

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Génesis 15:9

Ut li Dios quixye re laj Abram: —La̱in tinba̱nu jun li contrato a̱cuiqꞌuin. Ta̱cꞌameb chak li xul li tinye a̱cue. Ta̱cꞌam chak jun li chꞌina ba̱c oxib chihab cuan re, ut jun li ixki chiba̱t oxib chihab cuan re, ut jun li te̱lom carner oxib chihab cuan re. Ut ta̱cꞌam ajcuiꞌ chak junak li chꞌina mucuy joꞌ ajcuiꞌ junak chꞌina paloma, chan li Dios.

Salmos 74:19

Moa̱canab kajunes xban nak la̱o kꞌun kachꞌo̱l. Chanchano li cocꞌ mucuy. Moa̱kꞌaxtesi saꞌ rukꞌeb li xicꞌ nequeꞌiloc ke xban nak chanchaneb li joskꞌ aj xul.

Cantares 2:11

Ac xnumeꞌ li habalkꞌe. Incꞌaꞌ chic tixqꞌue li hab.