Cantares 1:8 - Li Santil hu

⁸ La̱at li kꞌaxal chꞌinaꞌusat saꞌ xya̱nkeb chixjunileb li ixk. Cui incꞌaꞌ nacanau li naꞌajej li nincꞌameb cuiꞌ lin queto̱mk, ta̱qꞌue retal bar xeꞌnumeꞌ cuiꞌ li queto̱mk ut ta̱qꞌueheb la̱ chiba̱t nachꞌ riqꞌuineb lix muheba̱leb laj ilol queto̱mk.

Q'eqchi Bible

⁸ Wi ink'a' nakanaw, at xchaq'alilat ru sa' xyanqeb' li ixq, taaqe li xnums eb' li ketomq ut chab'eresiheb' laachib'aat chi xk'atq li xmuheb'aaleb' laj k'aak'alehom ketomq.

Cantares 1:8 ပူးပေါင်းရင်းမြစ်များ

Cantares 6:1

At ixk, li kꞌaxal chꞌinaꞌusat saꞌ xya̱nkeb chixjunileb li ixk, ¿bar xco̱ li cui̱nk li nacara? ¿Bar xcꞌam nak xco̱ re nak naru toxic cha̱cuix chixsicꞌbal?

Cantares 5:9

La̱at li chꞌinaꞌusat saꞌ xya̱nkeb chixjunileb li ixk. ¿Ma kꞌaxal cha̱bil li cui̱nk li nacara chiruheb li jun chꞌol chic? ¿Ma kꞌaxal cha̱bil ta biꞌ li cui̱nk li nacara la̱at nak nacaye ke nak takaba̱nu aꞌin?

1 Pedro 3:6

Ut joꞌcan ajcuiꞌ quixba̱nu lix Sara. Qui-abin chiru laj Abraham lix be̱lom. Ut quixye “Ka̱cuaꞌ Abraham” re xban nak quix-oxlokꞌi. Joꞌcan ajcuiꞌ la̱ex. Cui te̱ba̱nu li usilal ut incꞌaꞌ texxucuak, la̱ex ajcuiꞌ joꞌ li ralal xcꞌajol lix Sara.

Santiago 5:10

Ex herma̱n, chetzolak e̱rib riqꞌuineb li profeta li queꞌcuyuc chak xcꞌulbal li raylal xban xyebal resil li Ka̱cuaꞌ.

Santiago 2:21

Cꞌoxlan caꞌchꞌinak chirix laj Abraham li kaxeꞌto̱nil yucuaꞌ nak quixqꞌue laj Isaac li ralal chokꞌ xmayej saꞌ xbe̱n li artal. Ut riqꞌuin aꞌan li Dios quixye nak ti̱c xchꞌo̱l laj Abraham.

Hebreos 13:7

Chijulticokꞌ e̱re eb li queꞌcꞌamoc be che̱ru. Aꞌan queꞌxchꞌolob xya̱lal li ra̱tin li Dios. Cheqꞌuehak retal lix pa̱ba̱l ut lix yuꞌameb nak queꞌcuan saꞌ ruchichꞌochꞌ. Joꞌcan ajcuiꞌ cheba̱nuhak la̱ex.

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.

Efesios 5:27

Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

1 Corintios 11:1

Joꞌcan ut nak la̱ex chetzolak e̱rib cuiqꞌuin xban nak la̱in xintzol cuib riqꞌuin li Cristo.

San Juan 21:15

Nak ac xeꞌcuaꞌac, li Jesús quixye re laj Simón Pedro: —At Simón, ralalat laj Jonás, ¿ma kꞌaxal niquina̱ra chiruheb aꞌin?— Laj Pedro quixye re: —Ka̱cuaꞌ, la̱at nacanau nak nacatinra, chan. Ut li Jesús quixye re: —Chacuilakeb li cualal incꞌajol li toj kꞌuneb xchꞌo̱l saꞌ lix pa̱ba̱leb joꞌ jun li pastor narileb lix cocꞌ carner.—

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Cantares 4:10

At cuixakil, cꞌajoꞌ nak nasahoꞌ saꞌ inchꞌo̱l nak niquina̱kꞌalu. At xsum li cua̱m, la̱ rahom kꞌaxal lokꞌ chicuu chiru li cha̱bil vino. Li sununquil ban li nacacuocsi kꞌaxal sunu̱nc chiruheb li cha̱bil sununquil ban.

Cantares 4:7

At ixk, kꞌaxal nacatinra. Cꞌajoꞌ la̱ chꞌinaꞌusal ut kꞌaxal cha̱bilat. Ma̱cꞌaꞌ a̱paltil.

Cantares 4:1

At ixk, la̱at li kꞌaxal nacatinra. Cꞌajoꞌ xchakꞌal a̱cuu. Li xnakꞌ a̱cuu chꞌinaꞌus, usta mukmu riqꞌuin la̱ tꞌicr. Chanchaneb li paloma xban xchꞌinaꞌusal. Li rismal a̱jolom nalemtzꞌun. Chanchan jun chꞌu̱tal chi chiba̱t li yo̱queb chi cubec saꞌ li tzu̱l Galaad.

Cantares 2:10

Li cui̱nk li ninra quia̱tinac cuiqꞌuin ut quixye cue: —Cuaclin. Quim cuiqꞌuin. Kꞌaxal nacatinra. Cꞌajoꞌ a̱chꞌinaꞌusal.

Cantares 1:15

At ixk, nacatinra. Cꞌajoꞌ xchakꞌal a̱cuu. Kꞌaxal chꞌinaꞌus li xnakꞌ a̱cuu. Chanchan xchꞌinaꞌusal cuib li mucuy.

Proverbios 8:34

Us xak reheb li nequeꞌabin re li cha̱bil naꞌleb. Us xak reheb li nequeꞌoybenin riqꞌuin ut eb li nequeꞌsicꞌoc re rajlal.

Salmos 45:13

Cꞌajoꞌ xchꞌinaꞌusal li reina li ta̱sumla̱k riqꞌuin li rey. Xrabin jun chic li rey. Junes oro lix sahob ru li rakꞌ.

Salmos 45:11

Li rey tatxra xban la̱ chꞌinaꞌusal. Aꞌanak chic li ta̱takla̱nk saꞌ a̱be̱n ut la̱at tat-abi̱nk chiru.

Salmos 16:3

Ninqꞌueheb xlokꞌal li nequeꞌpa̱ban re li Dios ut nasahoꞌ saꞌ inchꞌo̱l chi cua̱nc saꞌ xya̱nkeb.

Santiago 2:25

Lix Rahab, aꞌan xcomoneb li ixk li nequeꞌxcꞌayi rib nak quicuan. Abanan quixtenkꞌaheb laj qꞌuehol etal chixsicꞌbal jalan chic be re nak teꞌxcol ribeb. Riqꞌuin li usilal quixba̱nu lix Rahab, li Dios quixye nak ti̱c xchꞌo̱l.