Cantares 1:7 - Li Santil hu

⁷ At cui̱nk, la̱in nacatinra. Ye cue bar nacacꞌam la̱ queto̱mk re teꞌcuaꞌak. ¿Bar nacaqꞌueheb chi hila̱nc cuaꞌleb? ¿Cꞌaꞌut nak tento nak tinbeni cuib cha̱sicꞌbal saꞌ lix naꞌajeb lix queto̱mkeb laj ilol xul?

Q'eqchi Bible

⁷ At inrahom, ye we b'ar yookat chi xb'eresinkil laaketomq, b'ar nakak'eheb' chi hilank wa'leb', re naq ink'a' jo'aqin jun li ixq tz'aptz'o xnaq' ru, li naxik chirixeb' li xketomq eb' laawamiiw.

Cantares 1:7 ပူးပေါင်းရင်းမြစ်များ

Isaías 13:20

Ma̱ ani chic teꞌcua̱nk aran. Chalen anakcuan incꞌaꞌ chic ta̱cua̱nk tenamit saꞌ li naꞌajej aꞌan. Eb laj árabe incꞌaꞌ chic teꞌxyi̱b lix muheba̱leb aran, chi moco eb laj ilol xul teꞌxqꞌue lix queto̱mkeb aran.

Salmos 28:1

At Ka̱cuaꞌ, at aj Colol cue, yo̱quin xya̱banquil la̱ cꞌabaꞌ. China̱cuabi ut chasume taxak li cꞌaꞌru nintzꞌa̱ma cha̱cuu re nak incꞌaꞌ tinca̱mk joꞌ nak nequeꞌcam li incꞌaꞌ useb xnaꞌleb.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

1 Pedro 2:7

Kꞌaxal lokꞌ li Cristo chokꞌ e̱re la̱ex li ac xexpa̱ban. Abanan chokꞌ reheb li ma̱jiꞌ nequeꞌpa̱ban, ma̱cꞌaꞌ na-oc cuiꞌ. Tzꞌi̱banbil retalil saꞌ li Santil Hu chi joꞌcaꞌin: Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab. (Sal. 118:22)

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Juan 10:11

La̱in chanchanin jun li cha̱bil pastor. Junak cha̱bil pastor naxkꞌaxtesi lix yuꞌam saꞌ xcꞌabaꞌeb lix carner.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

Miqueas 5:4

Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Jeremías 33:12

Li nimajcual Dios quixye: Saꞌ chixjunil li naꞌajej aꞌin li ma̱cꞌaꞌ nayoꞌla chi saꞌ anakcuan, chi moco cristian chi moco xul, ta̱cua̱nk cuiꞌchic li pachꞌayaꞌ li teꞌxqꞌue cuiꞌ chi cuaꞌac lix queto̱mkeb laj ilol xul.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Isaías 26:9

Chiru li kꞌojyi̱n cꞌajoꞌ nak nacuaj rilbal a̱cuu. Chi anchal inchꞌo̱l tatinsicꞌ toj ekꞌela joꞌ najtil ta̱cua̱nk inyuꞌam. Nak tatrakok a̱tin, li cuanqueb saꞌ ruchichꞌochꞌ teꞌxqꞌue retal cꞌaꞌru li ti̱quilal.

Isaías 5:1

Tinbicha jun li bich saꞌ xcꞌabaꞌ li kꞌaxal raro inban. Tinbicha̱nk chirix li racui̱mk. Aꞌan aꞌin li bich: Li kꞌaxal raro inban cuan jun lix chꞌochꞌ kꞌaxal cha̱bil saꞌ jun li chꞌina tzu̱l.

Cantares 8:13

At xsum li cua̱m, la̱at li cuancat saꞌ xya̱nkeb li utzꞌuꞌuj. China̱cua̱tina. Eb li cuanqueb cuochben teꞌraj rabinquil li xya̱b la̱ cux.

Cantares 6:3

Li cui̱nk li ninra, aꞌan cue la̱in ut la̱in rehin aꞌan. Yo̱ chixqꞌuebal xcuaheb lix queto̱mk saꞌ xnaꞌajeb li utzꞌuꞌuj.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

Cantares 5:10

Li cui̱nk li ninra, aꞌan sak xtibel ut cꞌajoꞌ xchakꞌal ru. Caꞌaj cuiꞌ aꞌan li mas cha̱bil saꞌ xya̱nkeb laje̱b mil chi cui̱nk.

Cantares 5:8

Ex tukꞌ ixk aj Jerusalén, nintzꞌa̱ma jun usilal che̱ru. Cui te̱ril ru li cui̱nk li ninra, yehomak re nak tincuaj ru ra̱tinanquil.

Cantares 2:16

Li cui̱nk li ninra, aꞌan cue la̱in ut la̱in rehin aꞌan. Aꞌan naxberesiheb lix queto̱mk saꞌ xya̱nkeb li utzꞌuꞌuj.

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Salmos 116:1

La̱in ninra li nimajcual Dios xban nak aꞌan narabi nak nintzꞌa̱ma intenkꞌanquil chiru.

Salmos 80:1

At Ka̱cuaꞌ, la̱at laj ilol reheb laj Israel. La̱at nacatcꞌamoc be chiruheb li ralal xcꞌajol laj José joꞌ jun cha̱bil pastor naxberesiheb lix carner. La̱at li nacathilan saꞌ xyiheb li querubines ut nacacꞌut la̱ lokꞌal.

Salmos 18:1

At Ka̱cuaꞌ, kꞌaxal nacatinra. La̱at nacatqꞌuehoc incacuilal.

Génesis 37:16

Laj José quixye re: —La̱in yo̱quin chixsicꞌbaleb li cuas li yo̱queb chixberesinquil lix queto̱mk lin yucuaꞌ. Chacuy inma̱c tinpatzꞌ a̱cue, ¿ma incꞌaꞌ xacuileb ru li cuas arin? Ba̱nu usilal, ye cue bar cuanqueb, chan re.

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Li xHu LIX RUT 2:21

Ut quixye ajcuiꞌ lix Rut re lix Noemí: —Li cui̱nk aꞌan xye cue nak toj ta̱ru̱k tinxoc incebada aran saꞌ xya̱nkeb lix mo̱s ixk toj ta̱osokꞌ xsicꞌbal ru li cebada, chan.