Cantares 1:15 - Li Santil hu

¹⁵ At ixk, nacatinra. Cꞌajoꞌ xchakꞌal a̱cuu. Kꞌaxal chꞌinaꞌus li xnakꞌ a̱cuu. Chanchan xchꞌinaꞌusal cuib li mucuy.

Q'eqchi Bible

¹⁵ K'ajo' aach'ina'usal, at xsumwaanm, k'ajo' xchaq'al aawu! Chanchaneb' mukuy xsa'eb' laawu.

Cantares 1:15 ပူးပေါင်းရင်းမြစ်များ

Cantares 4:1

At ixk, la̱at li kꞌaxal nacatinra. Cꞌajoꞌ xchakꞌal a̱cuu. Li xnakꞌ a̱cuu chꞌinaꞌus, usta mukmu riqꞌuin la̱ tꞌicr. Chanchaneb li paloma xban xchꞌinaꞌusal. Li rismal a̱jolom nalemtzꞌun. Chanchan jun chꞌu̱tal chi chiba̱t li yo̱queb chi cubec saꞌ li tzu̱l Galaad.

Cantares 5:12

Cꞌajoꞌ xchꞌinaꞌusal saꞌ li xnakꞌ ru. Saꞌ xnaꞌaj tzꞌakal cuanqueb. Chanchan li paloma chire li nimaꞌ ut chanchan chꞌajbil saꞌ leche.

Cantares 4:7

At ixk, kꞌaxal nacatinra. Cꞌajoꞌ la̱ chꞌinaꞌusal ut kꞌaxal cha̱bilat. Ma̱cꞌaꞌ a̱paltil.

Malaquías 2:14

Ut la̱ex nequeye, “¿Cꞌaꞌut nak incꞌaꞌ chic naxcꞌul li kamayej li Ka̱cuaꞌ?” chanquex. Aꞌan incꞌaꞌ naxcꞌul xban nak aꞌan naxnau nak la̱ex xekꞌet li a̱tin li quesume chak xba̱nunquil nak quexsumla saꞌ e̱sa̱jilal. Ut le̱ rixakil, aꞌan raj li tzꞌakal e̱rochben ut le̱ sum a̱tin. Abanan anakcuan xekꞌet le̱ ra̱tin li queye saꞌ li contrato li queba̱nu riqꞌuineb le̱ rixakil.

Cantares 7:6

Cꞌajoꞌ xchakꞌal a̱cuu. Ut cꞌajoꞌ la̱ kꞌunil, at xsum li cua̱m. Nacꞌojla inchꞌo̱l a̱ban.

Cantares 6:4

At ixk, nacatinra. Cꞌajoꞌ la̱ chꞌinaꞌusal joꞌ xchꞌinaꞌusal li tenamit Tirsa ut li tenamit Jerusalén. Xacue̱chani li cua̱m. Chanchan nak eb li soldado nequeꞌre̱chani junak li tenamit.

Cantares 5:2

Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Cantares 4:10

At cuixakil, cꞌajoꞌ nak nasahoꞌ saꞌ inchꞌo̱l nak niquina̱kꞌalu. At xsum li cua̱m, la̱ rahom kꞌaxal lokꞌ chicuu chiru li cha̱bil vino. Li sununquil ban li nacacuocsi kꞌaxal sunu̱nc chiruheb li cha̱bil sununquil ban.

Cantares 2:13

Ac xeꞌoc chi u̱chi̱nc li cheꞌ higo. Ut cꞌajoꞌ xsununquil li ratzꞌum li uvas. Cuaclin, at ixk. Kꞌaxal nacatinra ut cꞌajoꞌ la̱ chꞌinaꞌusal. Quim cuiqꞌuin.

Cantares 2:10

Li cui̱nk li ninra quia̱tinac cuiqꞌuin ut quixye cue: —Cuaclin. Quim cuiqꞌuin. Kꞌaxal nacatinra. Cꞌajoꞌ a̱chꞌinaꞌusal.

Cantares 1:8

La̱at li kꞌaxal chꞌinaꞌusat saꞌ xya̱nkeb chixjunileb li ixk. Cui incꞌaꞌ nacanau li naꞌajej li nincꞌameb cuiꞌ lin queto̱mk, ta̱qꞌue retal bar xeꞌnumeꞌ cuiꞌ li queto̱mk ut ta̱qꞌueheb la̱ chiba̱t nachꞌ riqꞌuineb lix muheba̱leb laj ilol queto̱mk.

Cantares 1:9

At ixk, cꞌajoꞌ nak nacatinra. Nacatinjuntakꞌe̱ta riqꞌuineb li cha̱bil ixki cacua̱y li nequeꞌquelon re lix carruajeb laj faraón.

Cantares 1:16

At cui̱nk, kꞌaxal nacatinra. Cꞌajoꞌ xchakꞌal a̱cuu. Nasahoꞌ inchꞌo̱l a̱cuiqꞌuin. Li kanaꞌaj bar tohila̱nk cuiꞌ utzꞌuꞌujinbil ru.

Cantares 6:10

¿Ani li ixk aꞌan li kꞌaxal chꞌinaꞌus? Aꞌan chanchan xchꞌinaꞌusal li sakꞌe nak nasake̱u. Ut chanchan xchꞌinaꞌusal li po. Aꞌan xre̱chani li ra̱m li rey. Chanchan nak eb li soldados nequeꞌre̱chani junak li tenamit.

Cantares 7:7

Nacatxakli chi ti̱c. Chanchanat li cheꞌ palmera. Ut la̱ tuꞌ chanchan li ru.