Apocalipsis 9:8 - Li Santil hu

⁸ Li rismal xjolomeb chanchan rismal xjolomeb ixk ut li ruch reheb, chanchan ruch reheb cakcoj.

Q'eqchi Bible

⁸ Li rismaleb' kama' rismal ixq ut eb' li ruuch reheb' kama' ruuch re kaqkoj.

Apocalipsis 9:8 ပူးပေါင်းရင်းမြစ်များ

Joel 1:6

Joꞌ nak queꞌchal laj sa̱cꞌ chixsachbal li kacui̱mk, joꞌcan nak queꞌchal chi pletic kiqꞌuin lix soldados li xni̱nkal ru tenamit. Xban nak cꞌajoꞌ xjoskꞌileb chanchaneb li cakcoj li kꞌaxal kꞌes ruch reheb. Ut chanchaneb li ixki cakcoj li ni̱nk xtzꞌiꞌ e.

1 Pedro 3:3

Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro.

1 Timoteo 2:9

Ut nacuaj ajcuiꞌ nak eb li ixk cheꞌxtikibak rib chi cha̱bil joꞌ xcꞌulub junak aj pa̱banel ut incꞌaꞌ teꞌxnimobresi rib riqꞌuin lix tikibanquil chi moco teꞌxtikib rib yal re nak teꞌrahekꞌ ru. Joꞌ ajcuiꞌ riqꞌuin xyi̱banquil li rismal xjolom. Joꞌ li cꞌaꞌ re ru teꞌxqꞌue cuiꞌ xsahob ru joꞌ li oro ut li terto̱quil pec. Incꞌaꞌ teꞌxqꞌue xcuanquil li nequeꞌxqꞌue chokꞌ xsahob ruheb.

Isaías 3:24

Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

2 Reyes 9:30

Chirix chic aꞌan laj Jehú quisukꞌi Jezreel ut lix Jezabel quirabi resil. Quixbon li ru ut quixyi̱b chi us li rismal ut quixxakab rib chi iloc saꞌ ventana.

Romanos 9:29

Quixye ajcuiꞌ laj Isaías chi joꞌcaꞌin: Cui ta incꞌaꞌ quixcanab kalal kacꞌajol nak quixsach ru li katenamit li Ka̱cuaꞌ Dios, li kꞌaxal nim xcuanquil, joꞌ raj li Sodoma ut li Gomorra nak co-osoꞌ. (Isa. 1:9)