Apocalipsis 9:4 - Li Santil hu

⁴ Queꞌyeheꞌ reheb nak incꞌaꞌ teꞌxchꞌeꞌ li pim chi moco li acui̱mk saꞌ ruchichꞌochꞌ, chi moco junak cheꞌ. Caꞌaj cuiꞌ eb li cristian li ma̱cꞌaꞌ retalileb saꞌ xpe̱quemeb xban li Dios, caꞌaj cuiꞌ eb aꞌan li teꞌtiꞌekꞌ.

Q'eqchi Bible

⁴ Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'.

Apocalipsis 9:4 ပူးပေါင်းရင်းမြစ်များ

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Apocalipsis 14:1

Ut quin-iloc cuiꞌchic ut quicuil nak aran saꞌ xbe̱n li tzu̱l Sión xakxo li Jun li chanchan carner. Ut rochben aꞌan cuanqueb ca̱hib xcuakxakcꞌa̱l mil (144,000) chi cristian. Saꞌ xpe̱quemeb tzꞌi̱banbil lix cꞌabaꞌ li Jun li chanchan carner ut tzꞌi̱banbil ajcuiꞌ xcꞌabaꞌ lix Yucuaꞌ.

Apocalipsis 8:7

Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Apocalipsis 6:6

Ut quicuabi jun xya̱b cux quia̱tinac saꞌ xya̱nkeb li ca̱hib li chanchaneb ángel ut quixye: —Naru xlokꞌbal cuib libra li trigo chiru li tojleb li re jun cutan ut naru xlokꞌbal cuakib libra li cebada chiru li tojleb li re jun cutan. Abanan me̱terkꞌusi xtzꞌak li aceite ut li vino, chan.

Ezequiel 9:6

Jun xiquic nak te̱camsiheb li ti̱xil cui̱nk joꞌ eb li chꞌajom, li xkaꞌal, li naꞌbej joꞌ eb ajcuiꞌ li cocꞌal. Abanan incꞌaꞌ te̱chꞌeꞌeb li cuan retalileb saꞌ xpe̱quemeb, chan. Ut eb aꞌan queꞌxtiquib xcamsinquileb li nequeꞌcꞌamoc be, li cuanqueb chiru li templo.

Éxodo 12:23

Li Dios ta̱numekꞌ saꞌ li junju̱nk chi cab chi rakoc a̱tin saꞌ xbe̱neb laj Egipto. Nak ta̱ril li quicꞌ saꞌ xbe̱n li puerta ut chiru li cuib chi cheꞌ li cuan saꞌ xcaꞌ pacꞌalil li puerta, li Ka̱cuaꞌ Dios ta̱numekꞌ saꞌ li puerta aꞌan ut tixram lix be laj camsinel re nak incꞌaꞌ ta̱oc saꞌ le̱ rochoch chi camsi̱nc.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Li xHu LAJ JOB 1:12

Li Ka̱cuaꞌ quixye re laj tza: —Us. Ba̱nu chixjunil li cꞌaꞌru ta̱cuaj riqꞌuin li cꞌaꞌru cuan re. Abanan laj Job ma̱cꞌaꞌ ta̱ba̱nu re, chan. Ut chirix aꞌan qui-el laj tza riqꞌuin li Ka̱cuaꞌ.

Li xHu LAJ JOB 1:10

¿Ma ma̱cuaꞌ ta biꞌ la̱at yo̱cat chi coloc rix lix jun cablal ut chixjunil li cꞌaꞌru cuan re? Ut la̱at ajcuiꞌ yo̱cat chi osobtesi̱nc re riqꞌuin chixjunil li cꞌaꞌru naxba̱nu. Joꞌcan nak yo̱ chi qꞌuia̱nc li cꞌaꞌru re saꞌ ruchichꞌochꞌ.

Li xHu LAJ JOB 2:6

Joꞌcan nak li Ka̱cuaꞌ Dios quixye re laj tza: —Us. Ma̱cꞌaꞌ naxye. Ba̱nu li cꞌaꞌru ta̱cuaj re, abanan incꞌaꞌ ta̱camsi, chan li Ka̱cuaꞌ.

Apocalipsis 7:1

Ut chirix chixjunil aꞌin quicuil ca̱hib li ángel xakxo̱queb saꞌ xca̱ pacꞌalil li ruchichꞌochꞌ li nachal cuiꞌ li ikꞌ. Yo̱queb chixkꞌusbal li ikꞌ re nak incꞌaꞌ ta̱numekꞌ chi cau saꞌ xbe̱n li ruchichꞌochꞌ joꞌ ajcuiꞌ saꞌ xbe̱n li palau ut saꞌ xbe̱neb li cheꞌ.