Apocalipsis 9:3 - Li Santil hu

³ Saꞌ li sib aꞌan queꞌel chak nabaleb li xul chanchaneb laj sa̱cꞌ ut queꞌxjeqꞌui ribeb saꞌ ruchichꞌochꞌ. Queꞌqꞌueheꞌ xcuanquil re nak teꞌtiꞌok. Lix may li teꞌxtiu, aꞌan chanchan xmay li nequeꞌxtiu laj xo̱cꞌ.

Q'eqchi Bible

³ Sa' li sib' ke'elk chaq aj saak' sa' xb'een li ruuchich'och', ut ke'k'ehe'k xwankil jo' xwankileb' laj xook' sa' ruuchich'och'.

Apocalipsis 9:3 ပူးပေါင်းရင်းမြစ်များ

Apocalipsis 9:5

Ut queꞌyeheꞌ ajcuiꞌ reheb nak incꞌaꞌ teꞌxcamsi li cristian. Caꞌaj cuiꞌ teꞌxrahobtesiheb chiru o̱b po. Ut lix rahil li teꞌxtiu li xul aꞌan, chanchan xmay naxtiu laj xo̱cꞌ.

Joel 1:4

Te̱ye reheb chanru nak quicuaꞌeꞌ le̱ racui̱mk xbaneb li cocꞌ xul. Queꞌchal li torob ut queꞌxcuaꞌ le̱ racui̱mk. Li incꞌaꞌ queꞌxchoy li torob, queꞌxcuaꞌ li chiliꞌ. Ut li incꞌaꞌ queꞌxchoy li chiliꞌ, queꞌxcuaꞌ li motzoꞌ. Ut li incꞌaꞌ queꞌxchoy li motzoꞌ, queꞌxchoy laj sa̱cꞌ.

Joel 2:25

Li Ka̱cuaꞌ tixye: —La̱in tinqꞌue re̱kaj e̱re li quisach che̱ru saꞌ eb li chihab nak queꞌxcuaꞌ le̱ racui̱mk laj sa̱cꞌ, li torob, li motzoꞌ ut li chiliꞌ, li chanchaneb jun tu̱b chi soldado nak quebintakla e̱riqꞌuin re xsachbal le̱ racui̱mk.

Deuteronomio 8:15

Aꞌan quicꞌamoc be che̱ru nak quexnumeꞌ chak saꞌ li nimla chaki chꞌochꞌ li xiu xiu cuiꞌ cua̱nc. Aran cuanqueb li cꞌantiꞌ li nequeꞌcamsin. Cuanqueb ajcuiꞌ eb laj xo̱cꞌ. Ut xecuy ajcuiꞌ li chaki el. Ut nak ma̱cꞌaꞌ li haꞌ, li Ka̱cuaꞌ quirisi li haꞌ saꞌ li cacuil sako̱nac re te̱rucꞌ.

1 Reyes 12:11

Cui lin yucuaꞌ xqꞌue li cacuil trabaj saꞌ e̱be̱n, la̱in kꞌaxal cuiꞌchic cau li trabaj tinqꞌue. Lin yucuaꞌ xexsacꞌ chi tzꞌu̱m, abanan la̱in texinsacꞌ riqꞌuin li tzꞌu̱m li cuan chꞌi̱chꞌ saꞌ ruꞌuj,” chaꞌkat reheb.—

Jueces 7:12

Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

San Lucas 10:19

La̱in xinqꞌue e̱cuanquil. Usta te̱yekꞌ li cꞌantiꞌ ut laj xo̱cꞌ, ma̱cꞌaꞌ te̱cꞌul. Xinqꞌue e̱cuanquil saꞌ xbe̱n laj tza ut ma̱cꞌaꞌ ta̱ru̱k tixba̱nu e̱re.

Nahum 3:17

Eb laj cꞌamol be ut li cuanqueb xcuanquil saꞌ le̱ tenamit, ma̱cꞌaꞌ nequeꞌxba̱nu. Chanchaneb laj sa̱cꞌ. Nak que nequeꞌxletzexi rib chiruheb li tzꞌac. Ut nak natikcuoꞌ li sakꞌe, ma̱ ani nanaꞌoc re bar nequeꞌxic.

Nahum 3:15

Cꞌatbil nak tex-osokꞌ saꞌ rukꞌeb li xicꞌ nequeꞌiloc e̱re ut riqꞌuin chꞌi̱chꞌ texcamsi̱k. Chanchan nak na-osoꞌ li acui̱mk xban laj sa̱cꞌ nak texcamsi̱k xbaneb. Usta kꞌaxal nabalex joꞌ laj sa̱cꞌ, abanan tex-osokꞌ saꞌ rukꞌeb.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

Isaías 33:4

Ta̱xoquekꞌ ut ta̱cꞌamekꞌ chixjunil li cꞌaꞌru reheb. Chanchanakeb laj sa̱cꞌ li ma̱cꞌaꞌ chic nequeꞌxcanab.

2 Crónicas 10:11

Cui lin yucuaꞌ xqꞌue li cacuil trabaj saꞌ e̱be̱n, la̱in kꞌaxal cuiꞌchic cau li trabaj tinqꞌue. Lin yucuaꞌ xexsacꞌ chi tzꞌu̱m, abanan la̱in texinsacꞌ riqꞌuin li tzꞌu̱m li cuan chꞌi̱chꞌ saꞌ ruꞌuj,” chaꞌkat reheb.—

2 Crónicas 10:14

Li rey quixye reheb li tenamit li cꞌaꞌru queꞌxye li sa̱j cui̱nk. Quixye reheb: —Lin yucuaꞌ cau quitaklan saꞌ e̱be̱n. Ut la̱in kꞌaxal cuiꞌchic cau tintakla̱nk saꞌ e̱be̱n. Aꞌan riqꞌuin tzꞌu̱m quexrahobtesi. Abanan la̱in riqꞌuin li tzꞌu̱m cuan chꞌi̱chꞌ saꞌ ruꞌuj texinrahobtesi, chan.

Apocalipsis 9:7

Eb laj sa̱cꞌ chanchaneb li cacua̱y ac cauresinbileb chi pletic. Chanchan cuanqueb xcorona yi̱banbil riqꞌuin oro saꞌ xjolomeb. Ut li riloba̱leb chanchan riloba̱leb cui̱nk.