Apocalipsis 9:17 - Li Santil hu

¹⁷ Joꞌcaꞌin nak queꞌcuil saꞌ li visión eb li cacua̱y ut eb li yo̱queb chi xic chirix. Eb li yo̱queb chi xic chirix li cacua̱y cuanqueb xcolbal li re xchꞌo̱leb. Chanchan xcakal li xam, chanchan xraxil li cha̱bil pec zafiro ut chanchan xkꞌanal li azufre. Lix jolomeb li cacua̱y chanchan lix jolomeb li cakcoj. Ut saꞌ reheb yo̱ chi e̱lc xam, sib ut azufre.

Q'eqchi Bible

¹⁷ Ut jo'ka'in naq ke'xk'ut rib' chiwu eb' li kawaay ut eb' li wankeb' chirixeb': wankeb' xkolb'al li re xch'ooleb' kama' li xam, li jasinto ut li asuupr na'ilok; li xjolomeb' li kawaay kama' xjolomeb' li kaqkoj, ut sa' reheb' na'elk chaq xam, sib' ut asuupr.

Apocalipsis 9:17 ပူးပေါင်းရင်းမြစ်များ

Apocalipsis 9:18

Xban li oxib chi raylal aꞌin caꞌchꞌin chic ma̱ yijach li cristian queꞌcamsi̱c. Nabaleb li cristian queꞌcamsi̱c xban li xam, li sib ut li azufre li qui-el chak saꞌ reheb li cacua̱y.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Apocalipsis 14:10

aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

1 Crónicas 12:8

Cuanqueb ajcuiꞌ xcomoneb li ralal xcꞌajol laj Gad queꞌco̱eb riqꞌuin laj David re teꞌoque̱nk chirix nak cuan chak saꞌ li chaki chꞌochꞌ saꞌ li cab li nequeꞌxcol cuiꞌ ribeb. Eb li cui̱nk aꞌin nequeꞌcuulac chiru pletic. Cauheb rib ut nequeꞌxnau pletic chi us. Cuanqueb xchꞌi̱chꞌ re xcolbal ribeb ut cuanqueb xla̱ns saꞌ rukꞌeb. Joskꞌ nequeꞌiloc. Chanchaneb li cakcoj. Nequeꞌxnau a̱linac saꞌ eb li tzu̱l. Chanchaneb li quej.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Génesis 19:24

Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

Apocalipsis 11:5

Ut cui ani ta̱ajok xrahobtesinquileb, chanchan xam li ta̱e̱lk saꞌ reheb li cuib chi cui̱nk xban nak yal riqꞌuin li ra̱tineb teꞌca̱mk li xicꞌ nequeꞌiloc reheb. Joꞌcaꞌin nak teꞌca̱mk li ani teꞌajok re xrahobtesinquileb li cuib chi cui̱nk aꞌin.

Apocalipsis 9:9

Chanchan chꞌi̱chꞌ cuan chire xchꞌo̱leb re xcolbaleb rib. Ut lix xiqꞌueb nequeꞌecꞌan joꞌ nequeꞌecꞌan qꞌuila carruaje quelonbil xban cacua̱y nak ac yo̱queb chi xic chi pletic.

Ezequiel 33:22

Saꞌ li ecuu nak toj ma̱jiꞌ nacuulac cuiqꞌuin li cui̱nk li quie̱lelic chak Jerusalén, la̱in quicuecꞌa xcuanquil li Ka̱cuaꞌ. Ac xtehon lix tzꞌu̱mal cue ut quiru quina̱tinac cuiꞌchic saꞌ li ekꞌela nak quicuulac cuiqꞌuin li cui̱nk.

Apocalipsis 21:20

Li roꞌ, aꞌan ónice; li xcuak, aꞌan cornalina; li xcuuk, aꞌan crisólito; li xcuakxak, aꞌan berilo; ut li xbele, aꞌan topacio; li xlaje, aꞌan crisopraso; li xjunlaju, aꞌan jacinto; ut li xcablaju, aꞌan amatista.

Daniel 8:2

Nak quicꞌutbesi̱c chicuu cuanquin aran Susa, lix nimal ru tenamit saꞌ li naꞌajej Elam. Xakxo̱quin chire li nimaꞌ Ulai nak quicuil.

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.