Apocalipsis 9:1 - Li Santil hu

¹ Ut li roꞌ ángel quixya̱basi lix trompeta ut quicuil nak jun li chahim quitꞌaneꞌ chak saꞌ choxa ut quinak saꞌ ruchichꞌochꞌ. Ut quiqꞌueheꞌ re li chahim lix lacuil li chamal jul nak quicuil.

Q'eqchi Bible

¹ Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,

Apocalipsis 9:1 ပူးပေါင်းရင်းမြစ်များ

Apocalipsis 8:10

Ut li rox ángel quixya̱basi lix trompeta ut jun nimla chahim quitꞌaneꞌ chak saꞌ choxa. Yo̱ chi cꞌatc. Chanchan jun li chaj yo̱ xxamlel. Caꞌchꞌin chic ma̱ yijach li nimaꞌ ut caꞌchꞌin chic ma̱ yijach li yuꞌam haꞌ li quinak cuiꞌ.

Apocalipsis 9:2

Nak quixte li re li chamal jul, cꞌajoꞌ li sib qui-el chak. Chanchan li sib li na-el saꞌ junak nimla horno. Quikꞌojyi̱noꞌ ru li sakꞌe ut li ikꞌ xban li sib li qui-el chak saꞌ li chamal jul.

Romanos 10:7

Chi moco ta̱ye ¿ani ta̱cubek cuanqueb cuiꞌ li camenak re xcuaclesinquil li Cristo saꞌ xya̱nkeb li camenak? Incꞌaꞌ naru ta̱ye chi joꞌcan xban nak ac cuaclijenak chi yoꞌyo.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Apocalipsis 20:1

Quicuil jun chic li ángel yo̱ chak chi cubec saꞌ choxa. Cuan chak saꞌ rukꞌ xlauhil li nimla chamal jul joꞌ ajcuiꞌ jun li nimla cadena.

Apocalipsis 17:8

Li joskꞌ aj xul li xacuil, aꞌan li quicuan, ut anakcuan ma̱ ani chic. Abanan ta̱e̱lk cuiꞌchic chak saꞌ li chamal jul ut ta̱sachekꞌ ru chi junaj cua. Ut li joꞌ qꞌuialeb li incꞌaꞌ tzꞌi̱banbileb xcꞌabaꞌeb chalen saꞌ xticlajic li ruchichꞌochꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, eb aꞌan ta̱sachk xchꞌo̱leb chirilbal li joskꞌ aj xul li quicuan chak junxil ut ma̱ ani chic anakcuan. Abanan ta̱cha̱lk cuiꞌchic.

San Lucas 8:31

Ut eb li ma̱us aj musikꞌej queꞌxtzꞌa̱ma chiru li Jesús nak incꞌaꞌ tixtaklaheb saꞌ xbalba.

Apocalipsis 8:12

Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.

Apocalipsis 8:2

Ut quicuil cuukub li ángel xakxo̱queb chiru li Dios. Ut queꞌqꞌueheꞌ cuukub li trompeta reheb.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

San Lucas 10:18

Li Jesús quixye reheb: —La̱in quicuil laj tza chanchan rakꞌ ca̱k nak quitꞌaneꞌ chak saꞌ choxa.

Isaías 14:12

Chanchanat laj Lucero li qui-isi̱c saꞌ choxa. La̱at chanchanat raj li cak chahim li nalemtzꞌun ekꞌela xban nak cꞌajoꞌ la̱ lokꞌal junxil. Catnumta saꞌ xbe̱neb li tenamit ut cacue̱chaniheb. Abanan qui-isi̱c la̱ cuanquil joꞌ laj Lucero nak quicuteꞌ chak saꞌ ruchichꞌochꞌ.

Apocalipsis 6:13

Ut eb li chahim quilajeꞌtꞌaneꞌ chak chi chꞌochꞌ joꞌ nak nahireꞌ ru li higo xban li cacuil ikꞌ nak toj ma̱jiꞌ nakꞌanoꞌ.

Apocalipsis 11:7

Nak acak xeꞌrakeꞌ xyebal resilal li cꞌaꞌru ta̱cꞌulma̱nk, jun li chanchan joskꞌ aj xul ta̱e̱lk chak saꞌ li chamal jul ut ta̱pletik riqꞌuineb aꞌan. Ta̱numta̱k saꞌ xbe̱neb toj retal tixcamsiheb.