Apocalipsis 8:7 - Li Santil hu

⁷ Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Q'eqchi Bible

⁷ Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Apocalipsis 8:7 ပူးပေါင်းရင်းမြစ်များ

Apocalipsis 9:4

Queꞌyeheꞌ reheb nak incꞌaꞌ teꞌxchꞌeꞌ li pim chi moco li acui̱mk saꞌ ruchichꞌochꞌ, chi moco junak cheꞌ. Caꞌaj cuiꞌ eb li cristian li ma̱cꞌaꞌ retalileb saꞌ xpe̱quemeb xban li Dios, caꞌaj cuiꞌ eb aꞌan li teꞌtiꞌekꞌ.

Ezequiel 38:22

Tebinqꞌue chi camsi̱c ut tinqꞌue li caki yajel saꞌ xbe̱n laj Gog ut saꞌ xbe̱neb lix qꞌuila soldado ut saꞌ xbe̱neb chixjunileb li yo̱keb chi oque̱nc chirix. Kꞌaxal cau li hab ta̱cha̱lk saꞌ xbe̱neb. Ta̱tꞌanekꞌ li sakbach saꞌ xbe̱neb rochben xam ut azufre.

Apocalipsis 9:18

Xban li oxib chi raylal aꞌin caꞌchꞌin chic ma̱ yijach li cristian queꞌcamsi̱c. Nabaleb li cristian queꞌcamsi̱c xban li xam, li sib ut li azufre li qui-el chak saꞌ reheb li cacua̱y.

Apocalipsis 9:15

Queꞌachꞌaba̱c li ca̱hib chi ángel li ac xakabanbileb re li ho̱nal aꞌan ut re li cutan aꞌan ut re li po aꞌan ut re li chihab aꞌan re nak teꞌxic xcamsinquileb nabaleb li cristian. Caꞌchꞌin chic ma̱ yijach li cristian li teꞌcamsi̱k.

Isaías 28:2

Qꞌuehomak retal. Li Ka̱cuaꞌ ac xcauresi jun li cui̱nk cuan xmetzꞌe̱u li tixcut saꞌ chꞌochꞌ li tenamit. Chanchan li cacuil hab sakbach xsaꞌ. Chanchan li ca̱k-sut-ikꞌ li naxsach chixjunil. Malaj ut chanchan li butꞌ li naxtzꞌap chixjunil li chꞌochꞌ.

Salmos 105:32

Li Dios quixtakla li sakbach ut li ca̱k saꞌ xbe̱neb li tenamit.

Apocalipsis 16:21

Quitꞌaneꞌ ni̱nki sakbach saꞌ ruchichꞌochꞌ. Ju̱nk ciento libra ra̱lal li junju̱nk chi sakbach. Ut queꞌnak saꞌ xbe̱neb li cristian ut queꞌxmajecua li Dios xban li nimla raylal li yo̱queb chixcꞌulbal.

Isaías 32:19

Usta natꞌaneꞌ li sakbach saꞌ li qꞌuicheꞌ ut usta ta̱sachekꞌ ru li tenamit,

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Isaías 29:6

Chi ma̱cꞌaꞌ saꞌ xchꞌo̱leb aꞌan, li Ka̱cuaꞌ li nimajcual Dios tixsacheb ru li xicꞌ nequeꞌiloc reheb laj Israel. Ta̱cua̱nk li choki̱nc ut li ca̱k ut li hi̱c. Ut ta̱cua̱nk ajcuiꞌ li ca̱k-sut-ikꞌ ut li xam re sachoc.

Josué 10:11

Nak eb laj amorreo yo̱queb chi e̱lelic chiruheb laj Israel, li Ka̱cuaꞌ nabal li sakbach quixtakla chak saꞌ xbe̱neb nak yo̱queb chi cubec saꞌ li tzu̱l Bet-horón. Chanchan li ni̱nki pec. Ut kꞌaxal cuiꞌchic nabal li queꞌcam xban li sakbach chiru li queꞌcamsi̱c chi chꞌi̱chꞌ xbaneb laj Israel.

Apocalipsis 16:2

Co̱ li xbe̱n ángel ut quixhoy li cuan saꞌ lix secꞌ saꞌ xbe̱n li ruchichꞌochꞌ. Ut quichal jun yajel saꞌ xbe̱neb chixjunileb li queꞌxcꞌul xnumbril lix cꞌabaꞌ li joskꞌ aj xul joꞌqueb ajcuiꞌ li queꞌxlokꞌoni lix jalam u̱ch. Queꞌxoxoꞌ rixeb ut kꞌaxal ra queꞌxcꞌul xban li yajel.

Apocalipsis 12:4

Ut riqꞌuin lix ye yo̱ chixquelonquil nabal li chahim chiru choxa. Caꞌchꞌin chic ma̱ yijach li chahim li yo̱ chixquelonquil. Ut quixcut saꞌ ruchichꞌochꞌ li chahim. Li nimla joskꞌ aj xul quixakli chiru li ixk li oc re chi qꞌuira̱c re nak tixnukꞌ li cꞌulaꞌal nak ta̱yoꞌla̱k.

Apocalipsis 6:8

Quicuil jun li cacua̱y kꞌan rix. Ut li cuan chirix li cacua̱y, aꞌan Ca̱mc xcꞌabaꞌ. Ut li yo̱ chi ta̱ke̱nc re, aꞌan Xnaꞌaj Camenak xcꞌabaꞌ xban nak aꞌan li ta̱cꞌuluk reheb li teꞌca̱mk. Li cuan chirix li cacua̱y quiqꞌueheꞌ xcuanquil chixcamsinquil nabaleb saꞌ ruchichꞌochꞌ. Jun jachal saꞌ xya̱nkeb li ca̱hib jachal (1/4) chi cristian li cuanqueb saꞌ ruchichꞌochꞌ teꞌca̱mk. Cuan teꞌcamsi̱k riqꞌuin chꞌi̱chꞌ. Cuan teꞌca̱mk xban cueꞌej. Cuan teꞌca̱mk xban yajel ut cuan ajcuiꞌ li teꞌcamsi̱k xban li joskꞌ aj xul.

1 Pedro 1:24

Saꞌ li Santil Hu tzꞌi̱banbil retalil chi joꞌcaꞌin: Lix yuꞌam li cristian saꞌ ruchichꞌochꞌ, aꞌan chanchan li pim. Nachakic ut na-osoꞌ. Ut lix lokꞌal chanchan ratzꞌum li pim. Nachakic natꞌaneꞌ ut na-osoꞌ.

Santiago 1:11

Li utzꞌuꞌuj nachakic xban li sakꞌe ut natꞌaneꞌ. Joꞌcan ajcuiꞌ li cuan xbiomal. Aꞌan ta̱ca̱mk usta toj yo̱k chixsicꞌbal xtzꞌakob lix biomal.

Joel 2:30

Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Éxodo 9:33

Tojoꞌnak laj Moisés qui-el riqꞌuin laj faraón. Nak cuan chire li tenamit, quixtaksi li rukꞌ ut quitijoc chiru li Ka̱cuaꞌ Dios. Ut li Dios quixchꞌanab li sakbach joꞌ ajcuiꞌ li ca̱k. Incꞌaꞌ chic xqꞌue li hab.

Apocalipsis 7:1

Ut chirix chixjunil aꞌin quicuil ca̱hib li ángel xakxo̱queb saꞌ xca̱ pacꞌalil li ruchichꞌochꞌ li nachal cuiꞌ li ikꞌ. Yo̱queb chixkꞌusbal li ikꞌ re nak incꞌaꞌ ta̱numekꞌ chi cau saꞌ xbe̱n li ruchichꞌochꞌ joꞌ ajcuiꞌ saꞌ xbe̱n li palau ut saꞌ xbe̱neb li cheꞌ.