Apocalipsis 8:3 - Li Santil hu

³ Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Q'eqchi Bible

³ Kichalk jun chik li ánjel ut kixaqliik chiru li artal, wank jun sansaar oor rik'in. Ut ke'q'axtesiik re naab'al chi sununkil b'an re naq tixyeechi'i rochb'een xtijeb' chixjunileb' li sant, sa' xb'een li artal oor li wank chiru li nimajwal k'ojarib'aal.

Apocalipsis 8:3 ပူးပေါင်းရင်းမြစ်များ

Apocalipsis 5:8

Nak quixchap li botbil hu, li ca̱hib li chanchaneb ángel ut li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb chiru li Jun li chanchan carner. Cuanqueb x-arpa chi xju̱nkaleb ut cuanqueb xsecꞌ yi̱banbil riqꞌuin oro ut cuan li sununquil ban chi saꞌ retalil lix tijeb li ralal xcꞌajol li Dios.

Apocalipsis 8:4

Ut lix sibel li incienso li cuan saꞌ rukꞌ li ángel quicuulac riqꞌuin li Dios rochben lix tijeb laj pa̱banel.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

San Lucas 1:10

Nak yo̱ chi cꞌatc li incienso chixjunileb li tenamit chꞌutchꞌu̱queb chirix cab ut yo̱queb chi tijoc.

Apocalipsis 9:13

Li xcuak ángel quixya̱basi lix trompeta ut quicuabi jun xya̱b cux quia̱tinac chak saꞌ xya̱nkeb li ca̱hib chi xucub li cuanqueb saꞌ xca̱ xucu̱til li artal li yi̱banbil riqꞌuin oro, li cuan chiru li Dios.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Éxodo 40:26

Quixqꞌue li artal oro chiru li tꞌicr li naramoc re li Lokꞌlaj Ca̱x.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

Amós 9:1

Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

1 Reyes 7:50

Quixyi̱b li secꞌ ut li ucꞌal, ut li chꞌi̱chꞌ re xchupbal lix xamlel li candil joꞌ eb ajcuiꞌ li chꞌi̱chꞌ re xchapbal li ru xam. Ut quixyi̱b ajcuiꞌ li sansar re xcꞌatbal li pom. Joꞌcaneb ajcuiꞌ li bisagras re lix puertil li Lokꞌlaj Santil Naꞌajej ut eb li bisagras re lix puertil li templo yi̱banbileb riqꞌuin oro.

Apocalipsis 7:2

Ut quicuil jun chic li ángel yo̱ chak chi cha̱lc na-el cuiꞌ chak li sakꞌe. Cuan chak lix sello li yoꞌyo̱quil Dios riqꞌuin. Ut quia̱tinac chi cau xya̱b xcux riqꞌuineb li ca̱hib chi ángel li ac qꞌuebileb xcuanquil re xba̱nunquil raylal reheb li cuanqueb saꞌ ruchichꞌochꞌ, joꞌqueb ajcuiꞌ li cuanqueb saꞌ li palau.

Apocalipsis 6:9

Nak li Jun li chanchan carner quixte li roꞌ sello, quicuil nak cuanqueb rubel li artal li queꞌcamsi̱c xban nak queꞌpa̱ban ut xban nak queꞌxchꞌolob xya̱lal li ra̱tin li Dios.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

Números 4:11

Teꞌxqꞌue jun li raxi tꞌicr saꞌ xbe̱n li artal li yi̱banbil riqꞌuin oro ut teꞌxlan saꞌ rix li tzꞌiꞌ haꞌ. Ut teꞌxqꞌue li cheꞌ saꞌ xnaꞌaj li nequeꞌxpako cuiꞌ.

Números 7:62

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.

Isaías 6:6

Ut quicuil nak quixicꞌan chak jun reheb li serafines. Coxchap chak li ru xam lochlo xxamlel saꞌ li artal riqꞌuin jun li chapleb chꞌi̱chꞌ ut quixcꞌam chak cuanquin cuiꞌ.

Ezequiel 41:22

Li artal aꞌan yi̱banbil riqꞌuin tzꞌalam cheꞌ. Jun metro riqꞌuin media xteram. Li ru ut li rok, aꞌan jun metro. Lix xuc, li rok ut li ru yi̱banbil riqꞌuin cheꞌ. Ut li cui̱nk quixye cue: —Li artal aꞌin, aꞌan li me̱x li cuan chiru li Ka̱cuaꞌ, chan.

Apocalipsis 8:5

Ut li ángel quixchap li xnaꞌaj li incienso ut quixnujobresi riqꞌuin li ru xam li cuan saꞌ li artal, ut quixcut saꞌ ruchichꞌochꞌ. Nak quitꞌaneꞌ saꞌ ruchichꞌochꞌ naquililnac joꞌ nak namok li ca̱k, ut nareploc li rakꞌ ca̱k ut quicuan ajcuiꞌ hi̱c.

Apocalipsis 14:18

Ut jun chic li ángel qui-el cuan cuiꞌ li artal. Aꞌan li qui-iloc re li xam li naqꞌueman saꞌ xbe̱n li artal. Quia̱tinac riqꞌuin li ángel li cuan xkꞌesnal chꞌi̱chꞌ saꞌ rukꞌ ut quixye re chi cau xya̱b xcux: —Ta̱set chi cu̱t riqꞌuin la̱ kꞌesnal chꞌi̱chꞌ li ru li uva li cuanqueb saꞌ ruchichꞌochꞌ xban nak ac xkꞌanoꞌ, chan.