Apocalipsis 8:13 - Li Santil hu

¹³ Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

Q'eqchi Bible

¹³ Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Apocalipsis 8:13 ပူးပေါင်းရင်းမြစ်များ

Apocalipsis 11:14

Aꞌin li xcab li raylal ac xnumeꞌ. Abanan toj cuan jun chic li raylal ta̱cha̱lk chi se̱b saꞌ xbe̱neb.

Apocalipsis 9:12

Aꞌin li xbe̱n raylal li quicꞌulman nak quicuil. Abanan toj cuan cuib chic li raylal li teꞌcha̱lk saꞌ xbe̱neb li tenamit.

Apocalipsis 14:6

Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Ezequiel 2:10

Quixte li hu chicuu ut tzꞌi̱banbil ru li hu xcaꞌ pacꞌalil. Saꞌ li hu aꞌan tzꞌi̱banbil retalil chixjunil li ya̱bac ut li raylal li ta̱cha̱lk saꞌ xbe̱neb laj Israel.

Apocalipsis 19:17

Ut quicuil jun li ángel xakxo chiru li sakꞌe. Chi cau xya̱b xcux yo̱ chi a̱tinac riqꞌuineb chixjunileb laj xicꞌanel xul li nequeꞌtiꞌoc tib, li yo̱queb chi rupupic chiru choxa. Quixye reheb: —Quimkex. Chꞌutubomak e̱rib chi cuaꞌac saꞌ li ninkꞌe li ac xcauresi li Dios.

Apocalipsis 9:1

Ut li roꞌ ángel quixya̱basi lix trompeta ut quicuil nak jun li chahim quitꞌaneꞌ chak saꞌ choxa ut quinak saꞌ ruchichꞌochꞌ. Ut quiqꞌueheꞌ re li chahim lix lacuil li chamal jul nak quicuil.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

Salmos 103:20

Chelokꞌoni li Ka̱cuaꞌ la̱ex ángeles, li cau e̱rib. La̱ex li nequeqꞌue xlokꞌal li ra̱tin li Ka̱cuaꞌ ut nequeba̱nu li cꞌaꞌru naxye.

Apocalipsis 14:3

Quicuabi nak yo̱queb chixbichanquil jun li acꞌ bich chiru li cꞌojcꞌo saꞌ li lokꞌlaj cꞌojariba̱l, chiruheb li ca̱hib li chanchaneb ángel li yoꞌyo̱queb, ut chiruheb li ca̱hib xcaꞌcꞌa̱l li cꞌojcꞌo̱queb saꞌ xcꞌojariba̱leb. Ma̱ ani chic queꞌru xtzolbal li bich aꞌin. Caꞌaj cuiꞌ eb li ca̱hib xcuakxakcꞌa̱l mil (144,000) li queꞌcoleꞌ saꞌ xya̱nkeb li cuanqueb saꞌ ruchichꞌochꞌ.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 8:2

Ut quicuil cuukub li ángel xakxo̱queb chiru li Dios. Ut queꞌqꞌueheꞌ cuukub li trompeta reheb.

Apocalipsis 12:12

Joꞌcan nak chisahokꞌ taxak saꞌ e̱chꞌo̱l la̱ex li cuanquex saꞌ choxa. Abanan li cuanqueb saꞌ ruchichꞌochꞌ ut saꞌ li palau tokꞌobeb ru xban nak laj tza quicuteꞌ saꞌ ruchichꞌochꞌ chi cua̱nc riqꞌuineb. Cꞌajoꞌ lix joskꞌil xban nak naxnau nak cuulac re xkꞌehil nak ta̱sachekꞌ ru, chan.