Apocalipsis 7:4 - Li Santil hu

⁴ Ut quicuabi lix qꞌuialeb li queꞌqꞌueheꞌ retalileb saꞌ xpe̱quemeb riqꞌuin li sello, aꞌan ca̱hib xcuakxakcꞌa̱l mil (144,000) chi cristian. Aꞌaneb li quiqꞌueheꞌ retalileb saꞌ xpe̱quemeb saꞌ xya̱nkeb lix te̱paleb li ralal xcꞌajol laj Israel.

Q'eqchi Bible

⁴ Ut kiwab'i li xk'ihaleb' li k'eeb'ileb' reetalil: kaahib' xwaqxaqk'aal mil (144,000) ke'xk'ul reetalil sa' xyanqeb' chixjunil li xteepaleb' li ralal xk'ajol laj Israel.

Apocalipsis 7:4 ပူးပေါင်းရင်းမြစ်များ

Apocalipsis 14:1

Ut quin-iloc cuiꞌchic ut quicuil nak aran saꞌ xbe̱n li tzu̱l Sión xakxo li Jun li chanchan carner. Ut rochben aꞌan cuanqueb ca̱hib xcuakxakcꞌa̱l mil (144,000) chi cristian. Saꞌ xpe̱quemeb tzꞌi̱banbil lix cꞌabaꞌ li Jun li chanchan carner ut tzꞌi̱banbil ajcuiꞌ xcꞌabaꞌ lix Yucuaꞌ.

Apocalipsis 14:3

Quicuabi nak yo̱queb chixbichanquil jun li acꞌ bich chiru li cꞌojcꞌo saꞌ li lokꞌlaj cꞌojariba̱l, chiruheb li ca̱hib li chanchaneb ángel li yoꞌyo̱queb, ut chiruheb li ca̱hib xcaꞌcꞌa̱l li cꞌojcꞌo̱queb saꞌ xcꞌojariba̱leb. Ma̱ ani chic queꞌru xtzolbal li bich aꞌin. Caꞌaj cuiꞌ eb li ca̱hib xcuakxakcꞌa̱l mil (144,000) li queꞌcoleꞌ saꞌ xya̱nkeb li cuanqueb saꞌ ruchichꞌochꞌ.

San Lucas 22:30

La̱ex texcuaꞌak ut tex-ucꞌak saꞌ lin me̱x nak cua̱nkin saꞌ lin cuanquil. Ut la̱ex texcꞌojla̱k saꞌ le̱ cꞌojariba̱l ut texrakok a̱tin saꞌ xbe̱neb li cablaju xte̱paleb laj Israel, chan li Jesús.

San Mateo 19:28

Ut li Jesús quixye reheb: —Relic chi ya̱l tinye e̱re nak la̱in li Cꞌajolbej tincꞌojla̱k saꞌ lin lokꞌlaj cꞌojariba̱l saꞌ li acꞌ ruchichꞌochꞌ, la̱ex li xexta̱ken cue, texcꞌojla̱k ajcuiꞌ saꞌ li cablaju chi cꞌojariba̱l re texrakok a̱tin saꞌ xbe̱neb li cablaju xte̱paleb laj Israel.

Hechos 26:7

Li cablaju xte̱paleb laj Israel yo̱queb chiroybeninquil nak teꞌxcꞌul li yechiꞌinbil chak reheb xban li Dios. Chi kꞌek chi cutan nequeꞌxlokꞌoni li Dios. At rey Agripa, xban xyoꞌoninquil aꞌan nak yo̱queb chinjitbal eb laj judío.

Apocalipsis 9:16

La̱in quicuabi joꞌ qꞌuialeb li soldado li teꞌxic chi pletic chirix cacua̱y. Cuib ciento millón (200,000,000) lix qꞌuialeb.

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

Ezequiel 48:31

Ut ta̱qꞌue xcꞌabaꞌeb li oqueba̱l re li tenamit joꞌ lix cꞌabaꞌeb li xte̱paleb laj Israel. Lix cꞌabaꞌeb li oxib li oqueba̱l li cuanqueb saꞌ li norte, aꞌaneb Rubén, Judá ut Leví.

Zacarías 9:1

Li Ka̱cuaꞌ quixye re laj Zacarías li raylal li teꞌxcꞌul li tenamit Hadrac ut li tenamit Damasco. Li Ka̱cuaꞌ naxnau cꞌaꞌru nequeꞌxba̱nu chixjunileb laj Israel ut naxnau ajcuiꞌ cꞌaꞌru nequeꞌxba̱nu li jalan tenamit.

Ezequiel 48:19

Li teꞌcꞌanjelak saꞌ li tenamit, aꞌaneb li cuanqueb saꞌ lix te̱paleb laj Israel. Ut aꞌaneb li teꞌcꞌanjela̱nk re li chꞌochꞌ aꞌin.

Ezequiel 47:13

Li nimajcual Dios quixye: —Aꞌaneb aꞌin lix nuba̱l li chꞌochꞌ li ta̱jeqꞌui̱k reheb li cablaju xte̱paleb li ralal xcꞌajol laj Israel. Cuib jachal li chꞌochꞌ li teꞌxcꞌul eb li ralal xcꞌajol laj José.

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Éxodo 28:21

Tento nak te̱qꞌue cablaju li pec xban nak cablaju xte̱paleb li ralal xcꞌajol laj Israel. Chiru li junju̱nk chi pec aꞌan te̱tzꞌi̱ba lix cꞌabaꞌ chixju̱nkaleb li ralal xcꞌajol laj Israel. Juchꞌbil te̱ba̱nu joꞌ nak nequeꞌxyi̱b jun li chꞌi̱chꞌ re xyi̱banquil li sello.

Apocalipsis 7:5

Cablaju mil (12,000) li quiqꞌueheꞌ retalileb saꞌ xpe̱quemeb saꞌ xya̱nkeb li ralal xcꞌajol laj Judá; ut saꞌ xya̱nkeb li ralal xcꞌajol laj Rubén, cablaju mil li quiqꞌueheꞌ retalileb saꞌ xpe̱quemeb. Saꞌ xya̱nkeb li ralal xcꞌajol laj Gad, cablaju mil li quiqꞌueheꞌ retalileb saꞌ xpe̱quemeb.

San Lucas 14:22

Co̱ li mo̱s ut quixba̱nu joꞌ quiyeheꞌ re. Nak quisukꞌi chak quixye re lix patrón: —Ka̱cuaꞌ, xinba̱nu joꞌ xaye cue ut toj cuan nabal li naꞌajej, chan.