Apocalipsis 7:2 - Li Santil hu2 Ut quicuil jun chic li ángel yo̱ chak chi cha̱lc na-el cuiꞌ chak li sakꞌe. Cuan chak lix sello li yoꞌyo̱quil Dios riqꞌuin. Ut quia̱tinac chi cau xya̱b xcux riqꞌuineb li ca̱hib chi ángel li ac qꞌuebileb xcuanquil re xba̱nunquil raylal reheb li cuanqueb saꞌ ruchichꞌochꞌ, joꞌqueb ajcuiꞌ li cuanqueb saꞌ li palau. အခန်းကိုကြည့်ပါ။Q'eqchi Bible2 Moqon kiwil jun chik li ánjel, yo chaq chi taqe'k sa' releb'l saq'e, wan chaq li xtz'apleb' li yo'yookil Yos rik'in. Ut kaw xyaab' xkux naq kixjap re chi xyeeb'al reheb' li kaahib' chi ánjel li ke'k'ehe'k xwankil chi xrahob'tesinkil li ruuchich'och' ut li palaw: အခန်းကိုကြည့်ပါ။ |
Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.
Abanan la̱ex incꞌaꞌ xeba̱nu joꞌ queꞌxba̱nu eb laj Israel. Nak la̱ex nequepa̱b li Cristo, chanchan nak ac xexjiloc riqꞌuin li tzu̱l Sión. Sión naraj naxye li santil choxa cuan cuiꞌ li yoꞌyo̱quil Dios. Acꞌ Jerusalén nayeman ajcuiꞌ re li naꞌajej aꞌan. Aran cuanqueb li qꞌuila okꞌob chi ángel. Yo̱queb chixlokꞌoninquil li Dios.
Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.
¿Ani xqꞌuehoc re saꞌ xchꞌo̱l li jun li cuan saꞌ li este nak ta̱cꞌanjelak saꞌ ti̱quilal? Ut, ¿ani xkꞌaxtesin saꞌ rukꞌ li xni̱nkal ru tenamit? ¿Ani xqꞌuehoc re chi numta̱c saꞌ xbe̱neb li rey? Naxsach ruheb riqꞌuin xchꞌi̱chꞌ. Chanchaneb li poks chiru. Naxjeqꞌuiheb riqꞌuin lix tzimaj. Chanchaneb li qꞌuim li nacꞌameꞌ xban ikꞌ.