Apocalipsis 7:16 - Li Santil hu

¹⁶ Incꞌaꞌ chic teꞌtzꞌoca̱k chi moco ta̱chakik reheb. Incꞌaꞌ chic teꞌxcꞌul xtikcual li sakꞌe chi moco teꞌlubk xban tik.

Q'eqchi Bible

¹⁶ Ink'a' chik te'tz'okaaq chi moko te'chaqiq chik reheb'; ink'a' chik te'kete'q xb'aan li saq'e chi moko xb'aan xtiqwal chixjunil k'a'aq re ru.

Apocalipsis 7:16 ပူးပေါင်းရင်းမြစ်များ

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Apocalipsis 21:4

Ma̱cꞌaꞌak chic rahil chꞌo̱lej. Ma̱cꞌaꞌak chic li ca̱mc chi moco li ya̱bac chi moco li yotꞌecꞌ, chi moco li raylal xban nak chixjunil li cꞌaꞌak re ru aꞌan, ac xelajeꞌnumeꞌ.—

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

Salmos 121:6

Ma̱cꞌaꞌ ta̱cꞌul chi cutan chi moco chiru kꞌojyi̱n xban nak li Ka̱cuaꞌ ta̱ilok a̱cue.

San Lucas 6:21

Us xak e̱re la̱ex li textzꞌoca̱k anakcuan xban nak ta̱cꞌojoba̱k e̱chꞌo̱l. Us xak e̱re la̱ex li yo̱quex chi ya̱bac anakcuan xban xrahil e̱chꞌo̱l xban nak saꞌ jun cutan texseꞌek xban xsahil e̱chꞌo̱l.

San Lucas 1:53

Li ma̱cꞌaꞌ cuan reheb naxqꞌue chi nabal cꞌaꞌru reheb. Ut eb li biom naxtaklaheb chi ma̱cꞌaꞌ cuan reheb.

Isaías 41:17

Eb li nebaꞌ li ma̱cꞌaꞌ cuan reheb nequeꞌxsicꞌ li haꞌ. Abanan ma̱ bar nequeꞌxtau. Chaki saꞌ li reheb xban chaki el. La̱in li Ka̱cuaꞌ. Tincuabi lix tijeb. Incꞌaꞌ tincanabeb xjunes xban nak la̱in lix Dioseb laj Israel.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

San Mateo 13:6

Nak quichal li sakꞌe quichakic li acui̱mk xban nak incꞌaꞌ cham naxic lix xeꞌ.

Cantares 1:6

Me̱qꞌue retal lin kꞌekal. Li sakꞌe quicꞌatoc cue. Joꞌcan nak kꞌek nincꞌutun. Queꞌjoskꞌoꞌ cuiqꞌuin li cuas ut quineꞌxqꞌue chi trabajic saꞌ xnaꞌaj lix uvas. Joꞌcan nak incꞌaꞌ xcuil cuib chi us.

Salmos 42:2

Chi anchal inchꞌo̱l nacuaj nak tatcua̱nk cuiqꞌuin, at Ka̱cuaꞌ. La̱at li yoꞌyo̱quil Dios. Nacuaj raj cua̱nc saꞌ la̱ cuochoch re a̱lokꞌoninquil.

Santiago 1:11

Li utzꞌuꞌuj nachakic xban li sakꞌe ut natꞌaneꞌ. Joꞌcan ajcuiꞌ li cuan xbiomal. Aꞌan ta̱ca̱mk usta toj yo̱k chixsicꞌbal xtzꞌakob lix biomal.

San Marcos 4:17

Abanan incꞌaꞌ nacana saꞌ xchꞌo̱leb. Nak nachal junak raylal, malaj chꞌaꞌajquilal saꞌ xbe̱neb xbaneb lix pa̱ba̱l, incꞌaꞌ nequeꞌxcuy xnumsinquil. Saꞌ junpa̱t nequeꞌchꞌinan xchꞌo̱l.

San Marcos 4:6

Nak quichal li sakꞌe quichakic li acui̱mk xban nak incꞌaꞌ cham cuan li xeꞌ.

San Mateo 13:21

Abanan incꞌaꞌ nacana saꞌ xchꞌo̱leb. Nak nachal junak raylal, malaj chꞌaꞌajquilal saꞌ xbe̱neb xban lix pa̱ba̱leb, incꞌaꞌ nequeꞌxcuy xnumsinquil. Saꞌ junpa̱t nequeꞌchꞌinan xchꞌo̱l.

Jonás 4:8

Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Salmos 143:6

Yo̱quin chi tijoc cha̱cuu xban nak tincuaj ru nak tina̱tenkꞌa. Chanchanin li chaki chꞌochꞌ ta̱raj ru li haꞌ.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

Salmos 121:5

Li Ka̱cuaꞌ, aꞌan li na-iloc a̱cue. Aꞌan cuan a̱cuiqꞌuin junelic ut aꞌan natenkꞌan a̱cue.