Apocalipsis 7:15 - Li Santil hu

¹⁵ Joꞌcan ut nak cuanqueb chiru lix lokꞌlaj cꞌojariba̱l li Dios ut nequeꞌcꞌanjelac chiru chi kꞌek chi cutan saꞌ lix templo. Ut li cꞌojcꞌo saꞌ lix lokꞌlaj cꞌojariba̱l, aꞌan ta̱ilok reheb xban nak aꞌan cua̱nk riqꞌuineb.

Q'eqchi Bible

¹⁵ “Jo'kan naq wankeb' chiru li xnimajwal k'ojarib'aal li Yos ut neke'k'anjelak chiru chi q'eq ut chi kutan sa' li rochoch; ut li k'ojk'o sa' li nimajwal k'ojarib'aal taamuheelanq reheb'.

Apocalipsis 7:15 ပူးပေါင်းရင်းမြစ်များ

Apocalipsis 22:3

Aran ma̱cꞌaꞌak chic ma̱usilal. Lix lokꞌlaj cꞌojariba̱l li Dios ta̱cua̱nk aran ut ta̱cua̱nk ajcuiꞌ lix lokꞌlaj cꞌojariba̱l li Jun li chanchan carner. Ut eb laj cꞌanjel chiru teꞌlokꞌoni̱nk re.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

1 Crónicas 23:25

Laj David quixye: —Li Ka̱cuaꞌ li kaDios la̱o aj Israel xoxqꞌue chi cua̱nc saꞌ tuktu̱quil usilal. Ut aꞌan ta̱cua̱nk arin Jerusalén chi junelic, chan.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

Apocalipsis 7:9

Ut chirix aꞌan, quicuil ajcuiꞌ nabaleb chi tenamit xakxo̱queb chiru li cꞌojcꞌo saꞌ lix lokꞌlaj cꞌojariba̱l ut chiru li Jun li chanchan carner. Incꞌaꞌ naru rajlanquileb xban xqꞌuialeb. Cuanqueb aran aꞌ yal ani xte̱paleb xxeꞌto̱nil xyucuaꞌeb ut aꞌ yal bar xtenamiteb ut aꞌ yal chanru li ra̱tinoba̱leb. Tikibanbileb riqꞌuin saki akꞌ ut cuan chak saꞌ rukꞌeb li rukꞌ cheꞌ palma.

Apocalipsis 4:4

Ut chi xjun sutam li lokꞌlaj cꞌojariba̱l cuanqueb ca̱hib xcaꞌcꞌa̱l chic li cꞌojariba̱l. Ut aran cꞌojcꞌo̱queb li ca̱hib xcaꞌcꞌa̱l li queꞌcꞌamoc chak be chiruheb laj pa̱banel. Sak li rakꞌeb ut cuanqueb xcorona oro saꞌ xjolomeb.

Hebreos 8:1

Aꞌan aꞌin xya̱lal li yo̱co chixyebal e̱re: ya̱l nak cuan jun tzꞌakal xyucuaꞌil aj tij nacꞌanjelac chikix. Aꞌan li Jesucristo li cꞌojcꞌo chak saꞌ xnim ukꞌ li Dios saꞌ lix nimajcual xcuanquilal saꞌ choxa.

1 Corintios 3:16

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

1 Reyes 6:13

La̱in tincua̱nk saꞌ li templo aꞌin saꞌ xya̱nkeb laj Israel lin tenamit. Ut incꞌaꞌ tincanabeb xjuneseb, chan li Ka̱cuaꞌ.

Éxodo 29:45

La̱in tincua̱nk riqꞌuineb li ralal xcꞌajol laj Israel ut La̱inak lix Dioseb.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Levítico 26:11

La̱in tincua̱nk saꞌ e̱ya̱nk ut incꞌaꞌ texintzꞌekta̱na.

Ezequiel 37:27

Ut la̱in cua̱nkin riqꞌuineb. La̱inak lix Dioseb ut aꞌanakeb lin tenamit.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Apocalipsis 13:6

Ut li joskꞌ aj xul quixmajecua li Dios ut quixmajecua ajcuiꞌ lix santil naꞌaj. Ut quixmajecua li cuanqueb saꞌ choxa.

Apocalipsis 21:22

Quicuil nak saꞌ li tenamit aꞌan ma̱cꞌaꞌ lix templo li Ka̱cuaꞌ bar teꞌxic li tenamit chi lokꞌoni̱nc. Ma̱cꞌaꞌ chic aj e xban nak li Ka̱cuaꞌ li kꞌaxal nim xcuanquil cuan aran riqꞌuineb chi junelic. Ut cuan ajcuiꞌ aran li Jun li chanchan carner.