Apocalipsis 7:14 - Li Santil hu

¹⁴ Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Q'eqchi Bible

¹⁴ Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Apocalipsis 7:14 ပူးပေါင်းရင်းမြစ်များ

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Apocalipsis 22:14

Us xak reheb li cuybil sachbil xma̱queb xban li Dios, xban nak eb aꞌan ta̱ru̱k teꞌxtzaca li ru li cheꞌ li retalil li junelic yuꞌam. Ut teꞌoc ajcuiꞌ saꞌ li oqueba̱l re li tenamit.

Hebreos 13:12

Joꞌcan ajcuiꞌ li Jesucristo quicꞌameꞌ toj jun pacꞌal li tenamit ut aran quicam chiru li cruz. Ut riqꞌuin lix lokꞌlaj quiqꞌuel li Jesucristo nocoxsantobresi.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Apocalipsis 12:11

Eb li kech aj pa̱banelil xeꞌnumta saꞌ xbe̱n laj tza saꞌ xcꞌabaꞌ lix quiqꞌuel li Jun li chanchan carner ut xban nak queꞌxchꞌolob xya̱lal nak aꞌan laj Colol reheb. Incꞌaꞌ queꞌxra xyuꞌameb, toj retal queꞌxcꞌul ca̱mc.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

San Mateo 24:21

Saꞌ eb li cutan aꞌan ma̱ caꞌchꞌin li raylal ta̱cꞌulma̱nk. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ, chi moco ta̱cꞌulma̱nk junak chic joꞌcan mokon.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Apocalipsis 17:6

Ut quicuil li ixk chanchan ta̱cala̱k xban xquiqꞌueleb li ralal xcꞌajol li Dios li queꞌcamsi̱c xban. Ut queꞌcamsi̱c ajcuiꞌ nabaleb li cristian li queꞌxchꞌolob resil li Cristo. Nak quicuil aꞌan, sachso inchꞌo̱l quincana.

Romanos 5:3

Ut moco caꞌaj cuiꞌ ta nasahoꞌ kachꞌo̱l nak totzꞌako̱nk saꞌ lix lokꞌal li Dios. Nasahoꞌ aj ban cuiꞌ saꞌ kachꞌo̱l nak nakacꞌul li raylal. Nakanau nak riqꞌuin xcꞌulbal li raylal nakatzol li cuyuc.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

Apocalipsis 15:2

Ut quicuil jun li palau chanchan lem yo̱ xxamlel. Ut chire aꞌan xakxo̱queb li ac queꞌxcuy xco̱loninquil li raylal ut cuanqueb lix arpa li Dios riqꞌuineb. Incꞌaꞌ queꞌxqꞌue xcuanquil li joskꞌ aj xul chi moco lix jalam u̱ch, chi moco queꞌxcꞌul lix numbril lix cꞌabaꞌ. Incꞌaꞌ queꞌxqꞌue rib chi balakꞌi̱c xban li xul.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

2 Ts 1:4

Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

Éxodo 37:3

Queꞌxyi̱b ca̱hib li argollas oro ut queꞌxletz saꞌ xxuc li ca̱x, cuib saꞌ jun pacꞌal ut li cuib chic saꞌ li jun pacꞌal chic.

Daniel 7:16

Ut la̱in quinjiloc riqꞌuin li jun li xakxo chiru li cꞌojariba̱l ut quinpatzꞌ re cꞌaꞌru xya̱lal chixjunil li quicuil. Ut aꞌan quichakꞌoc ut quixye cue cꞌaꞌru xya̱lal li yo̱quin chirilbal.

Daniel 11:35

Ut cuanqueb ajcuiꞌ saꞌ xya̱nkeb li nequeꞌqꞌuehoc naꞌleb saꞌ li tenamit teꞌcamsi̱k. Ta̱cꞌulma̱nk chi joꞌcan yal re xtenkꞌanquileb li jun chꞌol chic ut re ajcuiꞌ nak ta̱cꞌutu̱nk li ani tzꞌakal ti̱c xchꞌo̱l saꞌ xya̱nkeb re nak tzꞌakalakeb re ru nak ta̱cuulak xkꞌehil nak ta̱rakekꞌ li raylal li yo̱queb chixcꞌulbal joꞌ yebil chak xban li Dios.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

San Marcos 13:19

Saꞌ eb li cutan aꞌan ma̱ caꞌchꞌin li raylal ta̱cua̱nk. Ma̱ jun cua quicꞌulman chi joꞌcan chalen chak saꞌ xticlajic nak li Dios quixyi̱b li ruchichꞌochꞌ, chi moco ta̱cꞌulma̱nk chi joꞌcan mokon.

Apocalipsis 7:9

Ut chirix aꞌan, quicuil ajcuiꞌ nabaleb chi tenamit xakxo̱queb chiru li cꞌojcꞌo saꞌ lix lokꞌlaj cꞌojariba̱l ut chiru li Jun li chanchan carner. Incꞌaꞌ naru rajlanquileb xban xqꞌuialeb. Cuanqueb aran aꞌ yal ani xte̱paleb xxeꞌto̱nil xyucuaꞌeb ut aꞌ yal bar xtenamiteb ut aꞌ yal chanru li ra̱tinoba̱leb. Tikibanbileb riqꞌuin saki akꞌ ut cuan chak saꞌ rukꞌeb li rukꞌ cheꞌ palma.

Li xHu LAJ JOB 11:16

Ta̱sachk saꞌ a̱chꞌo̱l chixjunil li raylal li yo̱cat chixcꞌulbal. Ta̱numekꞌ xrahil a̱chꞌo̱l joꞌ nak nanumeꞌ li haꞌ saꞌ li rok haꞌ.