Apocalipsis 7:1 - Li Santil hu

¹ Ut chirix chixjunil aꞌin quicuil ca̱hib li ángel xakxo̱queb saꞌ xca̱ pacꞌalil li ruchichꞌochꞌ li nachal cuiꞌ li ikꞌ. Yo̱queb chixkꞌusbal li ikꞌ re nak incꞌaꞌ ta̱numekꞌ chi cau saꞌ xbe̱n li ruchichꞌochꞌ joꞌ ajcuiꞌ saꞌ xbe̱n li palau ut saꞌ xbe̱neb li cheꞌ.

Q'eqchi Bible

¹ Chirix chik a'an kiwil kaahib' chi ánjel xaqxookeb' sa' xkaaxukuutil li ruuchich'och', yookeb' chi xramb'al li kaahib' chi riq'ul li ruuchich'och' re naq ink'a' taa'apunq li iq' sa' xb'een li ruuchich'och', chi moko sa' xb'een li palaw malaj sa' xb'een junq toonaq chi che'.

Apocalipsis 7:1 ပူးပေါင်းရင်းမြစ်များ

San Mateo 24:31

Ut nak ta̱ecꞌa̱nk chak chi cau li trompeta, tintaklaheb lin ángel. Ut teꞌxchꞌutub li sicꞌbileb ru inban li cua̱nkeb yalak bar jun sut rubel choxa jun sut saꞌ ruchichꞌochꞌ.

Daniel 7:2

Laj Daniel quixye: —Saꞌ li kꞌojyi̱n aꞌan nak quicuil jun li visión, quicuil nak li ikꞌ yo̱ chak chi cha̱lc saꞌ xca̱ pacꞌalil li ruchichꞌochꞌ ut yo̱ chirecꞌasinquil ru li nimla palau.

Jeremías 49:36

Tebinqꞌue chi cha̱lc saꞌ xca̱ pacꞌalil li ruchichꞌochꞌ eb li teꞌcha̱lk chi pletic riqꞌuineb laj Elam ut teꞌjeqꞌui̱k ruheb saꞌ chixjunil li ruchichꞌochꞌ. Ut ma̱ jun li xni̱nkal tenamit incꞌaꞌ ta teꞌcuulak eb laj Elam chixcolbal cuiꞌ ribeb.

San Marcos 13:27

Tojoꞌnak tintaklaheb lin ángel ut teꞌxchꞌutub li sicꞌbileb ru inban li cua̱nkeb yalak bar saꞌ chixjunil li ruchichꞌochꞌ.

Daniel 8:8

Ut yo̱ chi nima̱nc xcuanquil li chiba̱t ut yo̱ ajcuiꞌ chixnimobresinquil rib. Nak ac xniman chi us lix cuanquilal, quitokeꞌ lix nimla xucub ut aran queꞌel ca̱hib chic lix xucub chokꞌ re̱kaj li jun li quitokeꞌ. Saꞌ xca̱ pacꞌalil li ruchichꞌochꞌ nequeꞌiloc li ca̱hib chi xucub. Jun na-iloc saꞌ li sur, jun na-iloc saꞌ li norte, ut jun na-iloc saꞌ li este li na-el cuiꞌ li sakꞌe ut li jun chic na-iloc saꞌ li oeste li na-oc cuiꞌ li sakꞌe.

Ezequiel 37:9

Ut li Ka̱cuaꞌ quixye cue: —At ralal cui̱nk, ye li cꞌaꞌru xinye a̱cue. A̱tina li musikꞌej. Ta̱ye re: At musikꞌej, cha̱lkat bar nachal cuiꞌ li ikꞌ saꞌ xca̱ pacꞌalil li ruchichꞌochꞌ. Tola̱cuapuheb li camenak aꞌin li queꞌcamsi̱c re nak teꞌcuacli̱k cuiꞌchic chi yoꞌyo, chan.

Ezequiel 7:2

—At ralal cui̱nk, la̱in li Ka̱cuaꞌ Dios. Aꞌan aꞌin li yo̱quin chixyebal reheb laj Israel. Cuulac re xkꞌehil rosoꞌjic chixjunil le̱ tenamit. Cuulac re xkꞌehil nak ta̱osokꞌ le̱ naꞌaj.

Isaías 27:8

Li Ka̱cuaꞌ quixqꞌueheb laj Israel chixtojbal lix ma̱queb nak quixcanabeb saꞌ rukꞌeb li jalaneb xtenamit. Queꞌchapeꞌ ut queꞌcꞌameꞌ chi pre̱xil saꞌ jalan tenamit. Chanchan nak queꞌcꞌameꞌ xban li cacuil ikꞌ li nachal saꞌ releb sakꞌe.

Apocalipsis 9:14

Quixye re li xcuak ángel li cuan xtrompeta riqꞌuin: —Hiteb li ca̱hib chi ángel li bacꞌbo̱queb chire li nimaꞌ Éufrates, chan.

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Apocalipsis 7:3

Quixye reheb: —Me̱ba̱nu raylal reheb li cuanqueb saꞌ ruchichꞌochꞌ chi moco reheb li cuanqueb saꞌ li palau chi moco reheb li cheꞌ. Toj takaqꞌue retalileb saꞌ xpe̱quemeb riqꞌuin li sello eb laj cꞌanjel chiru li Dios.

Apocalipsis 9:4

Queꞌyeheꞌ reheb nak incꞌaꞌ teꞌxchꞌeꞌ li pim chi moco li acui̱mk saꞌ ruchichꞌochꞌ, chi moco junak cheꞌ. Caꞌaj cuiꞌ eb li cristian li ma̱cꞌaꞌ retalileb saꞌ xpe̱quemeb xban li Dios, caꞌaj cuiꞌ eb aꞌan li teꞌtiꞌekꞌ.

Zacarías 6:1

Quicꞌutbesi̱c jun chic li visión chicuu. Quicuil ca̱hib li carruaje re pletic yo̱queb chak chi e̱lc saꞌ xya̱nk cuib li tzu̱l kꞌan chꞌi̱chꞌ nak quicuil.

Jonás 1:4

Abanan li Ka̱cuaꞌ quixtakla jun li ca̱k-sut-ikꞌ saꞌ xbe̱n li palau. Numtajenak cuiꞌchic cau li ca̱k-sut-ikꞌ. Queꞌxcꞌoxla nak oc re chi jachecꞌ li jucub.

Apocalipsis 6:6

Ut quicuabi jun xya̱b cux quia̱tinac saꞌ xya̱nkeb li ca̱hib li chanchaneb ángel ut quixye: —Naru xlokꞌbal cuib libra li trigo chiru li tojleb li re jun cutan ut naru xlokꞌbal cuakib libra li cebada chiru li tojleb li re jun cutan. Abanan me̱terkꞌusi xtzꞌak li aceite ut li vino, chan.

Isaías 27:3

Eb laj Israel, aꞌaneb lix naꞌaj lin uvas. La̱in li Ka̱cuaꞌ nin-iloc reheb. Chanchan nintꞌakresi nak nacuileb. Nequeꞌcuil chi kꞌek chi cutan re nak ma̱cꞌaꞌ teꞌxcꞌul.

Daniel 11:4

Abanan nak ac xakxo̱k chic chi tzꞌakal lix cuanquilal, ta̱sachekꞌ lix cuanquil ut lix tenamit ca̱hib jachal ta̱e̱lk. Ut incꞌaꞌ teꞌoc chokꞌ rey li ralal xcꞌajol chi moco teꞌcua̱nk xcuanquil joꞌ xcuanquil aꞌan xban nak ta̱sachekꞌ lix cuanquil ut jalaneb chic teꞌe̱chani̱nk re.

Zacarías 6:5

Li ángel quichakꞌoc ut quixye cue: —Li ca̱hib chi carruaje li yo̱cat chirilbal, aꞌaneb li retalil li ca̱hib chi musikꞌej li nequeꞌcꞌanjelac chiru li Ka̱cuaꞌ, laj e̱chal re li ruchichꞌochꞌ.

Apocalipsis 8:7

Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Apocalipsis 20:8

Ut ta̱xic saꞌ chixjunil li ruchichꞌochꞌ chixbalakꞌinquileb li tenamit yalak bar joꞌ li cuanqueb aran Gog ut Magog. Ut tixchꞌutubeb re nak teꞌpletik. Kꞌaxal nabalakeb joꞌ xqꞌuial li cocꞌ ru li samaib li cuan chire li palau.