Apocalipsis 6:16 - Li Santil hu

¹⁶ Ut queꞌxye reheb li tzu̱l ut reheb ajcuiꞌ li pec: —Tꞌanekex chak saꞌ kabe̱n ut choe̱muk taxak chiru li cꞌojcꞌo saꞌ lix lokꞌlaj cꞌojariba̱l. Choe̱muk chiru li Jun li chanchan carner, li yo̱ xjoskꞌil saꞌ kabe̱n.

Q'eqchi Bible

¹⁶ ut ke'xye reheb' li tzuul ut reheb' li saqoonak: “T'anenqex chaq sa' qab'een ut muqumaqo chiru li k'ojk'o sa' li xnimajwal k'ojarib'aal ut chiru li xjosq'il li Karneer!

Apocalipsis 6:16 ပူးပေါင်းရင်းမြစ်များ

San Lucas 23:30

Ut teꞌxye ajcuiꞌ reheb li tzu̱l, “Tꞌanekex chak saꞌ kabe̱n ut choe̱muk taxak”, chaꞌkeb.

Oseas 10:8

Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.

Apocalipsis 4:2

Ut saꞌ li visión li quixcꞌutbesi chicuu li Dios riqꞌuin xcuanquil li Santil Musikꞌej, quicuil saꞌ choxa jun li lokꞌlaj cꞌojariba̱l. Ut quicuil nak cuan jun cꞌojcꞌo saꞌ li cꞌojariba̱l aꞌan.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

Jeremías 8:3

Ut li joꞌ qꞌuial chic li teꞌcana̱k chi yoꞌyo reheb lin tenamit li incꞌaꞌ useb xnaꞌleb tinjeqꞌuiheb ru yalak bar. Chokꞌ reheb aꞌan kꞌaxal us li ca̱mc chiru li cua̱nc saꞌ jalanil tenamit.

Apocalipsis 19:15

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

Apocalipsis 10:6

ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Apocalipsis 4:5

Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.

Salmos 14:5

Eb aꞌan sicsotkeb xbaneb xxiu teꞌcana̱k nak teꞌxqꞌue retal nak li Dios cuan riqꞌuineb li ti̱queb xchꞌo̱l.

Isaías 2:10

Mukumak chak e̱rib saꞌ li ochoch pec. Mukumak chak e̱rib saꞌ li ni̱nki jul xban nak xiu xiu rilbal lix lokꞌal ut lix cuanquilal li Ka̱cuaꞌ.

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

Apocalipsis 5:1

Ut saꞌ lix nim ukꞌ li Dios li cꞌojcꞌo saꞌ li lokꞌlaj cꞌojariba̱l quicuil jun li botbil hu tzꞌi̱banbil chi saꞌ ut chirix ut tzꞌapbil riqꞌuin cuukub li sello.

Apocalipsis 9:6

Saꞌ eb li cutan aꞌan, eb li cristian teꞌxsicꞌ raj xcamiqueb xban li raylal yo̱keb chixcꞌulbal. Teꞌxra raj ru ca̱mc, abanan incꞌaꞌ teꞌca̱mk.