Apocalipsis 6:15 - Li Santil hu

¹⁵ Ut chixjunileb quilajeꞌxmuk ribeb xbaneb xxiu. Queꞌxmuk ribeb li rey ut eb li cuanqueb xcuanquil, joꞌqueb ajcuiꞌ li nequeꞌtaklan saꞌ xbe̱neb li soldado. Queꞌxmuk ribeb li biom joꞌqueb ajcuiꞌ li cauheb rib, joꞌqueb ajcuiꞌ li lokꞌbil mo̱s joꞌ ajcuiꞌ li ma̱cꞌaꞌeb xpatrón. Queꞌxmuk ribeb saꞌ li ochoch pec ut saꞌ xya̱nkeb li ni̱nki pec li cuanqueb saꞌ tzu̱l.

Q'eqchi Bible

¹⁵ Toja' naq eb' li awab'ej re li ruuchich'och', li ninqeb' xwankil, eb' li xjolomileb' laj puub', eb' li b'ihom, eb' li kaweb' rib' ut chixjunileb' laj loq'b'il k'anjel ut li wankeb' chi ach'ab'anb'il, koxe'xmuqatq rib' sa'eb' li ochoch pek ut sa'atqeb' li saqoonak sa'eb' li tzuul;

Apocalipsis 6:15 ပူးပေါင်းရင်းမြစ်များ

Isaías 2:19

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal ut lix cuanquilal li Dios.

Isaías 2:21

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal, ut lix cuanquilal li Dios.

Isaías 2:10

Mukumak chak e̱rib saꞌ li ochoch pec. Mukumak chak e̱rib saꞌ li ni̱nki jul xban nak xiu xiu rilbal lix lokꞌal ut lix cuanquilal li Ka̱cuaꞌ.

Hebreos 11:38

Ma̱cuaꞌ raj xcꞌulubeb li incꞌaꞌ useb xnaꞌleb nak teꞌcua̱nk laj pa̱banel saꞌ xya̱nkeb. Xban nak queꞌrahobtesi̱c, eb laj pa̱banel quilajeꞌe̱lelic chiruheb ut queꞌcuan yalak bar saꞌ li chaki chꞌochꞌ, saꞌ tzu̱l, ut queꞌcuan ajcuiꞌ saꞌ li ochoch pec.

Miqueas 7:17

Chanchanakeb li cꞌantiꞌ li naxquelo rib saꞌ li poks nak ta̱cuisi lix cuanquileb. Sicsotkeb xbaneb xxiu teꞌcana̱k cha̱cuu, at Ka̱cuaꞌ at kaDios.

Isaías 42:22

Lix tenamit li Dios queꞌchapeꞌ ut queꞌrahobtesi̱c. Queꞌqꞌueheꞌ saꞌ tzꞌalam ut queꞌtzꞌapeꞌ saꞌ eb li ochoch pec. Quimakꞌeꞌ li cꞌaꞌru reheb ut ma̱ ani quicoloc reheb.

Salmos 76:12

Qꞌuehomak xlokꞌal xban nak aꞌan li na-isin re xyuꞌameb li cuanqueb saꞌ xcuanquil. Eb li rey li cuanqueb saꞌ ruchichꞌochꞌ nequeꞌxucuac chiru xban nak kꞌaxal nim xcuanquil.

1 Samuel 13:6

Eb laj Israel queꞌril nak cuanqueb saꞌ chꞌaꞌajquilal ut incꞌaꞌ chic queꞌxtau cꞌaꞌru teꞌxba̱nu re xcolbaleb rib. Queꞌxmuk ribeb saꞌ eb li ochoch pec, saꞌ eb li jul, saꞌ eb li sako̱nac, ut saꞌ xya̱nkeb li ni̱nki pec ut queꞌxmuk ajcuiꞌ ribeb saꞌ eb li rok haꞌ li ma̱cꞌaꞌ haꞌ chi saꞌ.

Jueces 6:2

Eb laj Madián cꞌajoꞌ nak queꞌxrahobtesiheb laj Israel. Joꞌcan nak eb laj Israel queꞌxmuk ribeb saꞌ eb li ochoch pec ut saꞌ eb li tzu̱l. Queꞌxyi̱b lix muheba̱leb saꞌ eb li naꞌajej bar incꞌaꞌ teꞌtaꞌekꞌ cuiꞌ.

Génesis 3:8

Nak ac x-ecuu chic, queꞌrabi nak yo̱ chi be̱c li Ka̱cuaꞌ Dios saꞌ xnaꞌaj li acui̱mk. Li cui̱nk rochben li rixakil queꞌxmuk rib chiru li Ka̱cuaꞌ Dios saꞌ xya̱nkeb li cheꞌ.

Apocalipsis 18:23

Incꞌaꞌ chic ta̱ilma̱nk junak xam saꞌ li tenamit aꞌan. Ut incꞌaꞌ ajcuiꞌ ta̱abi̱k xya̱b xcuxeb li nequeꞌsahoꞌ saꞌ xchꞌo̱leb saꞌ junak sumla̱c. Teꞌxcꞌul chi joꞌcan xban nak eb laj cꞌay li queꞌcuan saꞌ li tenamit aꞌan queꞌxnimobresi ribeb, ut riqꞌuin li tu̱lac queꞌxba̱nu, queꞌxbalakꞌi chixjunileb li tenamit.