Apocalipsis 6:12 - Li Santil hu

¹² Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

Q'eqchi Bible

¹² Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Apocalipsis 6:12 ပူးပေါင်းရင်းမြစ်များ

San Mateo 24:29

Ut saꞌ eb li cutan aꞌan nak acak xrakeꞌ li raylal aꞌan, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru. Ta̱ecꞌa̱nk chak ru li choxa ut li chahim talajeꞌtꞌanekꞌ chak.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.

Joel 3:15

Li sakꞌe ut li po teꞌkꞌojyi̱nokꞌ ru ut incꞌaꞌ chic teꞌlemtzꞌu̱nk li chahim.

Amós 8:9

Saꞌ li cutan aꞌan, usta cuaꞌleb re li cutan, li sakꞌe ta̱oc ut ta̱kꞌojyi̱nokꞌ ru li cutan inban la̱in. La̱in tinsukꞌisi li cutan chokꞌ kꞌojyi̱n, chan li Ka̱cuaꞌ.

Apocalipsis 16:18

Ut quirepoc li rakꞌ ca̱k ut qui-abi̱c nabal li xya̱b cux. Quimok li ca̱k. Ut quicuan jun nimla hi̱c. Ma̱ jun cua quinumeꞌ junak hi̱c joꞌ aꞌan chalen saꞌ li cutan nak queꞌyoꞌobtesi̱c li cristian saꞌ ruchichꞌochꞌ.

Apocalipsis 11:13

Ut saꞌ li ho̱nal aꞌan quicuan jun nimla hi̱c ut li xlaje jachalal li tenamit qui-ukꞌeꞌ. Cuukub mil (7,000) xqꞌuial li cristian queꞌcam xban li hi̱c. Ut li joꞌ qꞌuial chic incꞌaꞌ queꞌcam, queꞌxucuac ut queꞌxqꞌue xlokꞌal li Dios cuan saꞌ choxa.

Isaías 50:3

La̱in ninqꞌue chi kꞌojyi̱nocꞌ ru li choxa. Ut nacꞌutun nak ra saꞌ xchꞌo̱l. Chanchan jun li naxqꞌue kꞌeki tꞌicr chirix xban xrahil xchꞌo̱l.—

Isaías 29:6

Chi ma̱cꞌaꞌ saꞌ xchꞌo̱leb aꞌan, li Ka̱cuaꞌ li nimajcual Dios tixsacheb ru li xicꞌ nequeꞌiloc reheb laj Israel. Ta̱cua̱nk li choki̱nc ut li ca̱k ut li hi̱c. Ut ta̱cua̱nk ajcuiꞌ li ca̱k-sut-ikꞌ ut li xam re sachoc.

Apocalipsis 8:5

Ut li ángel quixchap li xnaꞌaj li incienso ut quixnujobresi riqꞌuin li ru xam li cuan saꞌ li artal, ut quixcut saꞌ ruchichꞌochꞌ. Nak quitꞌaneꞌ saꞌ ruchichꞌochꞌ naquililnac joꞌ nak namok li ca̱k, ut nareploc li rakꞌ ca̱k ut quicuan ajcuiꞌ hi̱c.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

San Mateo 24:7

Nabal li tenamit teꞌpletik chi ribileb rib. Ut eb li acuabej teꞌxpleti ribeb. Talajcua̱nk li cueꞌej ut ta̱cua̱nk li yajel ut ta̱cua̱nk li hi̱c saꞌ nabal chi naꞌajej.

San Marcos 15:33

Tuktu li cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut oxib o̱r re ecuu quicutanoꞌ cuiꞌchic.

San Mateo 28:2

Toj ma̱jiꞌ ajcuiꞌ nequeꞌcuulac nak quicuan jun nimla hi̱c. Ut jun x-ángel li Ka̱cuaꞌ quicube chak saꞌ choxa ut quixbalkꞌusi li pec ut quicꞌojla saꞌ xbe̱n.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Zacarías 14:5

La̱ex tex-e̱lelik ut texxic saꞌ li ru takꞌa li cuan saꞌ xya̱nk li tzu̱l xban nak li ru takꞌa aꞌan kꞌaxal nimak ut ta̱cuulak toj saꞌ li tenamit Azal. La̱ex tex-e̱lelik joꞌ nak queꞌe̱lelic le̱ xeꞌto̱nil yucuaꞌ nak quixqꞌue li hi̱c najter nak toj cua̱nk laj Uzías chokꞌ rey aran Judá. Ut nak ta̱cha̱lk li Ka̱cuaꞌ li kaDios, rochbenak chak chixjunileb lix ángel.

Amós 1:1

Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Isaías 34:4

Chixjunil li cꞌaꞌru cuan chiru li choxa telajeꞌosokꞌ ut ta̱sachekꞌ li choxa. Chanchanak chic li hu naxboti rib. Telajeꞌtꞌanekꞌ chixjunileb li chahim joꞌ nak natꞌaneꞌ lix xak lix cheꞌel li uvas malaj ut lix xak lix cheꞌel li higo.

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Apocalipsis 8:12

Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.

Apocalipsis 16:8

Ut li xca̱ ángel quixhoy li cuan saꞌ lix secꞌ saꞌ xbe̱n li sakꞌe. Ut li sakꞌe quitikcuoꞌ ru chi us ut quixcꞌateb li cristian. Chanchan xtikcual li xam.