Apocalipsis 6:10 - Li Santil hu

¹⁰ Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Q'eqchi Bible

¹⁰ Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

Apocalipsis 6:10 ပူးပေါင်းရင်းမြစ်များ

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Salmos 9:12

Li Dios naril xtokꞌoba̱l ruheb li cuanqueb saꞌ raylal. Ut naxqꞌue chixtojbal xma̱queb li ani naxcamsi ras ri̱tzꞌin.

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

San Lucas 21:22

Ut saꞌ eb li cutan aꞌan, li Dios tixqꞌueheb chixtojbal rix lix ma̱queb li xicꞌ nequeꞌiloc re. Chi joꞌcan ta̱tzꞌaklok ru chixjunil li tzꞌi̱banbil retalil saꞌ li Santil Hu.

Zacarías 1:12

Ut lix ángel li Ka̱cuaꞌ quixye: —At nimajcual Dios, laje̱b xca̱cꞌa̱l chihab yo̱ a̱joskꞌil saꞌ xbe̱neb li tenamit Jerusalén ut Judá. ¿Joꞌ najtil chic ta̱cua̱nk la̱ joskꞌil saꞌ xbe̱neb? Ut, ¿jokꞌe ta̱cuuxta̱na ruheb? chan li ángel.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Salmos 79:10

Incꞌaꞌ nakaj nak eb li jalan tenamit teꞌxye ke: ¿Ma ma̱cuaꞌ ta biꞌ le̱ Dios li natenkꞌan e̱re? Toj takil taxak nak ta̱qꞌue re̱kaj reheb xban nak xeꞌxcamsiheb laj cꞌanjel cha̱cuu.

1 Samuel 24:12

Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Génesis 4:10

Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Daniel 12:6

Ut jun reheb li cuib li xakxo̱queb chire li nimaꞌ quia̱tinac riqꞌuin li jun lino li rakꞌ xakxo saꞌ xbe̱n li haꞌ ut quixpatzꞌ re jokꞌe ta̱rakekꞌ xcꞌulbal chixjunil li sachba chꞌo̱lej aꞌin.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Salmos 35:17

At Ka̱cuaꞌ, ¿joꞌ najtil chic yal ta̱cuileb riqꞌuin li joꞌ qꞌuial yo̱queb xba̱nunquil? ¿Ma incꞌaꞌ tina̱col chiruheb xban nak chanchaneb li joskꞌ aj cakcoj nak teꞌraj incamsinquil?

Salmos 13:1

At Ka̱cuaꞌ, ¿joꞌ najtil tinsachk saꞌ a̱chꞌo̱l? Ut, ¿joꞌ najtil ta̱muk a̱cuib chicuu?

Jueces 16:28

Laj Sansón quitijoc ut quixye re li Ka̱cuaꞌ: —At nimajcual Dios, chacuil taxak xtokꞌoba̱l cuu ut china̱tenkꞌa taxak. Chaqꞌue taxak inmetzꞌe̱u usta yal jun sut raj chic re nak tinqꞌue re̱kaj chi junaj cua reheb laj filisteo li raylal xeꞌxba̱nu cue nak queꞌrisi li xnakꞌ cuu, chan.

Daniel 8:13

Ut quicuabi jun li santil ángel yo̱ chi a̱tinac. Ut li jun chic quixpatzꞌ re: —¿Joꞌ najtil ta̱cꞌulma̱nk aꞌin li quicꞌutbesi̱c saꞌ li visión? ¿Jarub cutan chic teꞌxba̱nu li ma̱usilal chokꞌ re̱kaj lix mayejeb saꞌ li templo? ¿Joꞌ najtil chic teꞌxyekꞌi lix templo li Ka̱cuaꞌ joꞌqueb ajcuiꞌ li ralal xcꞌajol?—

Salmos 119:84

¿Jokꞌe ta̱qꞌueheb chixtojbal xma̱queb li xicꞌ nequeꞌiloc cue? ¿Joꞌ najtil chic tincuy roybeninquil?

San Lucas 2:29

—At Ka̱cuaꞌ, anakcuan xaba̱nu joꞌ xayechiꞌi cue. Anakcuan naru tinca̱mk chi cꞌojcꞌo inchꞌo̱l,

2 Pedro 2:1

Queꞌcuan ajcuiꞌ chak profeta aj balakꞌ saꞌ xya̱nkeb laj Israel junxil. Joꞌcan ajcuiꞌ saꞌ e̱ya̱nk la̱ex, teꞌcua̱nk aj tzolonel aj balakꞌ. Chi timil ut saꞌ mukmu teꞌrocsi li balakꞌ aj naꞌleb re xsachbal xpa̱banquil li Dios toj retal teꞌxtzꞌekta̱na li Ka̱cuaꞌ Jesucristo li quicam saꞌ xcꞌabaꞌeb. Ut riqꞌuin li nequeꞌxba̱nu, nequeꞌxsach ribeb chi junaj cua ut yo̱queb chixbokbal raylal saꞌ xbe̱neb.

Lamentaciones 3:64

Chaqꞌueheb chixtojbal rix lix ma̱queb, at Ka̱cuaꞌ. Chaba̱nu reheb joꞌ xcꞌulubeb xcꞌulbal.