Apocalipsis 5:8 - Li Santil hu

⁸ Nak quixchap li botbil hu, li ca̱hib li chanchaneb ángel ut li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb chiru li Jun li chanchan carner. Cuanqueb x-arpa chi xju̱nkaleb ut cuanqueb xsecꞌ yi̱banbil riqꞌuin oro ut cuan li sununquil ban chi saꞌ retalil lix tijeb li ralal xcꞌajol li Dios.

Q'eqchi Bible

⁸ Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Apocalipsis 5:8 ပူးပေါင်းရင်းမြစ်များ

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Apocalipsis 4:10

Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal.

Apocalipsis 5:14

Ut li ca̱hib li yoꞌyo̱queb li chanchaneb ángel, yo̱queb chixyebal: —Joꞌcan taxak.— Ut eb li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb ut queꞌxlokꞌoni li yoꞌyo chi junelic kꞌe cutan.

Apocalipsis 4:4

Ut chi xjun sutam li lokꞌlaj cꞌojariba̱l cuanqueb ca̱hib xcaꞌcꞌa̱l chic li cꞌojariba̱l. Ut aran cꞌojcꞌo̱queb li ca̱hib xcaꞌcꞌa̱l li queꞌcꞌamoc chak be chiruheb laj pa̱banel. Sak li rakꞌeb ut cuanqueb xcorona oro saꞌ xjolomeb.

Apocalipsis 19:4

Ut li ca̱hib xcaꞌcꞌa̱l li cꞌojcꞌo̱queb saꞌ xcꞌojariba̱leb joꞌqueb ajcuiꞌ li ca̱hib li yoꞌyo̱queb li chanchaneb ángel queꞌxcuikꞌib ribeb ut queꞌxlokꞌoni li Dios li cꞌojcꞌo saꞌ li lokꞌlaj cꞌojariba̱l ut queꞌxye: Lokꞌoninbil taxak li Ka̱cuaꞌ. Joꞌcan taxak, chanqueb.

Apocalipsis 5:6

Quicuil Jun xakxo aran chiru li lokꞌlaj cꞌojariba̱l li sutsu xbaneb li ca̱hib li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicꞌutun nak li jun aꞌan ac camsinbil. Chanchan carner. Cuan cuukub xxucub ut cuan ajcuiꞌ cuukub xnakꞌ ru retalil li Santil Musikꞌej li quitakla̱c saꞌ chixjunil li ruchichꞌochꞌ.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

Salmos 33:2

Chexbicha̱nk chiru li Ka̱cuaꞌ riqꞌuin li arpa. Chebicha lix lokꞌal riqꞌuin li cuajb salterio xcꞌabaꞌ.

Apocalipsis 15:7

Ut jun reheb li ca̱hib li yoꞌyo̱queb li chanchaneb ángel, quixqꞌue reheb li cuukub chi ángel li cuukub chi secꞌ oro nujenak riqꞌuin xjoskꞌil li Dios, li yoꞌyo chi junelic kꞌe cutan.

Apocalipsis 15:2

Ut quicuil jun li palau chanchan lem yo̱ xxamlel. Ut chire aꞌan xakxo̱queb li ac queꞌxcuy xco̱loninquil li raylal ut cuanqueb lix arpa li Dios riqꞌuineb. Incꞌaꞌ queꞌxqꞌue xcuanquil li joskꞌ aj xul chi moco lix jalam u̱ch, chi moco queꞌxcꞌul lix numbril lix cꞌabaꞌ. Incꞌaꞌ queꞌxqꞌue rib chi balakꞌi̱c xban li xul.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

Salmos 81:2

Chexbicha̱nk ut te̱tochꞌ li pandero re xqꞌuebal xlokꞌal. Chexbicha̱nk riqꞌuin li arpa ut li salterio.

Salmos 43:4

Nak tincuulak saꞌ la̱ artal, at inDios, aran tatinlokꞌoni. At inDios, la̱at nacatqꞌuehoc xsahil inchꞌo̱l. Tinbicha̱nk riqꞌuin li arpa re xqꞌuebal a̱lokꞌal, at inDios.

Salmos 150:3

Cheqꞌuehak xlokꞌal riqꞌuin xya̱basinquil le̱ trompeta. Cheqꞌuehak xlokꞌal riqꞌuin xchꞌeꞌbal le̱ arpa ut le̱ salterio.

Hebreos 1:6

Nak quixtakla chak li junaj chi Ralal saꞌ ruchichꞌochꞌ, li Dios quixye: Chilokꞌoni̱k ru xbaneb chixjunileb li ángel.

Números 7:62

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Apocalipsis 4:6

Ut quicuil ajcuiꞌ jun chanchan neba̱l cuan chiru li cꞌojariba̱l. Nalemtzꞌun joꞌ li lem ut chanchan jun li palau sak sak ru. Chi xjun sutam li cꞌojariba̱l cuanqueb ca̱hib li yoꞌyo̱queb, chanchaneb ángel. Nabal li xnakꞌ ruheb, joꞌ chiru joꞌ chirixeb.

Apocalipsis 5:11

Ut saꞌ li visión quicuileb li qꞌuila okꞌob chi ángel li cuanqueb chi xjun sutam li lokꞌlaj cꞌojariba̱l ut li ca̱hib li yoꞌyo̱queb li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicuabi nak yo̱queb chi a̱tinac li qꞌuila okꞌob chi ángel.

Apocalipsis 5:12

Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

Apocalipsis 6:1

Ut quicuil nak li Jun li chanchan carner quixte li xbe̱n sello. Ut quicuabi nak quia̱tinac jun reheb li ca̱hib li chanchaneb ángel, li yoꞌyo̱queb. Chanchan nak na-ecꞌan li ca̱k nak quia̱tinac chi cau xya̱b xcux. Quixye: —¡Quim! Chola̱cuil aꞌin, chan.

Apocalipsis 13:8

Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.