Apocalipsis 5:1 - Li Santil hu

¹ Ut saꞌ lix nim ukꞌ li Dios li cꞌojcꞌo saꞌ li lokꞌlaj cꞌojariba̱l quicuil jun li botbil hu tzꞌi̱banbil chi saꞌ ut chirix ut tzꞌapbil riqꞌuin cuukub li sello.

Q'eqchi Bible

¹ Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

Apocalipsis 5:1 ပူးပေါင်းရင်းမြစ်များ

Isaías 29:11

Che̱ru la̱ex, li visión chanchan li a̱tin tzꞌi̱banbil saꞌ junak hu tzꞌaptzꞌo chi us. Cui te̱qꞌue li hu re junak naxnau iloc ru hu ut te̱ye re nak ta̱ril xsaꞌ che̱ru, li jun aꞌan tixye e̱re: “Incꞌaꞌ naru xban nak tzꞌaptzꞌo li hu”.

Apocalipsis 5:7

Li Jun li chanchan carner quichal ut quixchap li botbil hu li cuan saꞌ xnim ukꞌ li cꞌojcꞌo saꞌ li lokꞌlaj cꞌojariba̱l.

Apocalipsis 10:2

Cuan chak saꞌ rukꞌ jun li chꞌina hu teto. Lix nim ok quixxakab saꞌ xbe̱n li palau ut lix tzꞌe ok quixxakab saꞌ xbe̱n li ruchichꞌochꞌ.

Apocalipsis 6:1

Ut quicuil nak li Jun li chanchan carner quixte li xbe̱n sello. Ut quicuabi nak quia̱tinac jun reheb li ca̱hib li chanchaneb ángel, li yoꞌyo̱queb. Chanchan nak na-ecꞌan li ca̱k nak quia̱tinac chi cau xya̱b xcux. Quixye: —¡Quim! Chola̱cuil aꞌin, chan.

Apocalipsis 5:13

Ut quicuabi ajcuiꞌ nak queꞌa̱tinac chixjunil li cꞌaꞌak re ru quiyoꞌobtesi̱c xban li Dios, joꞌ li cuanqueb saꞌ choxa, joꞌ li cuanqueb saꞌ ruchichꞌochꞌ, joꞌ ajcuiꞌ li cuanqueb saꞌ li palau, joꞌqueb ajcuiꞌ li cuanqueb saꞌ xnaꞌajeb li camenak. Chixjunileb li queꞌyoꞌobtesi̱c xban li Dios queꞌxye: Aꞌ taxak li Dios li cꞌojcꞌo saꞌ xcꞌojariba̱l joꞌ ajcuiꞌ li Jun li chanchan carner, chilokꞌoni̱k ut chiqꞌuehekꞌ xlokꞌal. Chiqꞌuehekꞌ xcuanquil ut chinima̱k ru chi junelic kꞌe cutan.

Apocalipsis 4:3

Ut li ani chunchu saꞌ li cꞌojariba̱l, cꞌajoꞌ lix lokꞌal. Li riloba̱l chanchan li cha̱bil pec jaspe malaj ut chanchan li cha̱bil pec cornalina li nalemtzꞌun. Ut lix cꞌojariba̱l sutsu riqꞌuin jun li xo̱quikꞌab chanchan li cha̱bil pec esmeralda nak quicuil.

Isaías 8:16

Abanan, ex intzolom, chexoc saꞌ e̱chꞌo̱l li a̱tin aꞌin ut cheba̱nuhak li chakꞌrab aꞌin li quixqꞌue cue li Ka̱cuaꞌ.

Daniel 8:26

Lix ya̱lal li xcꞌutbesi̱c cha̱cuu chirix li cꞌaꞌru ta̱cꞌulma̱nk chiru li oxib chihab riqꞌuin media, aꞌan tzꞌakal ya̱l. Ut la̱at ta̱cꞌu̱la saꞌ a̱chꞌo̱l ut ma̱ ani aj e ta̱serakꞌi xban nak toj mokon ta̱cꞌulma̱nk, chan cue li ángel.

Isaías 34:16

Sicꞌomak saꞌ li hu li tzꞌi̱banbil cuiꞌ li cꞌaꞌru quixye li Dios ut te̱ril xsaꞌ re nak te̱qꞌue retal ma cuan junak quipaltoꞌ. Eb li xul aꞌin queꞌcuan saꞌ li naꞌajej aꞌan joꞌ quixye li Dios. Junju̱nk tux ut junju̱nk tzoꞌ xban nak lix musikꞌ, aꞌan li quichꞌutuban reheb.

Zacarías 5:1

Quicꞌutbesi̱c cuiꞌchic chicuu jun li visión. Quicuil nak yo̱ chi xic saꞌ ikꞌ jun li botbil hu tzꞌi̱banbil ru.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Apocalipsis 6:16

Ut queꞌxye reheb li tzu̱l ut reheb ajcuiꞌ li pec: —Tꞌanekex chak saꞌ kabe̱n ut choe̱muk taxak chiru li cꞌojcꞌo saꞌ lix lokꞌlaj cꞌojariba̱l. Choe̱muk chiru li Jun li chanchan carner, li yo̱ xjoskꞌil saꞌ kabe̱n.

Apocalipsis 8:1

Nak quixte li xcuuk sello li Jun li chanchan carner, ma̱ ani chic qui-ecꞌan saꞌ choxa. Mero o̱r na chꞌanamil queꞌcana.