Apocalipsis 4:9 - Li Santil hu

⁹ Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Q'eqchi Bible

⁹ Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Apocalipsis 4:9 ပူးပေါင်းရင်းမြစ်များ

Apocalipsis 10:6

ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Apocalipsis 15:7

Ut jun reheb li ca̱hib li yoꞌyo̱queb li chanchaneb ángel, quixqꞌue reheb li cuukub chi ángel li cuukub chi secꞌ oro nujenak riqꞌuin xjoskꞌil li Dios, li yoꞌyo chi junelic kꞌe cutan.

Salmos 47:8

Li Dios, aꞌan cuan saꞌ lix lokꞌlaj cꞌojariba̱l ut riqꞌuin xnimal xcuanquil, aꞌan nataklan saꞌ xbe̱neb li xni̱nkal ru tenamit.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Daniel 4:34

—Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Salmos 48:14

Serakꞌihomak reheb le̱ ralal e̱cꞌajol nak li Ka̱cuaꞌ, aꞌan li kaDios chi junelic kꞌe cutan ut aꞌan li naberesin ke chi junelic.

Éxodo 15:18

Acuabej Dios, la̱at ta̱takla̱nk saꞌ kabe̱n riqꞌuin xnimal la̱ cuanquilal chi junelic kꞌe cutan.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Hebreos 7:8

Eb laj tij aj Israel queꞌxcꞌul ajcuiꞌ li junju̱nk saꞌ xlaje̱tkil. Aꞌaneb yal cui̱nkeb ut queꞌcam. Abanan laj Melquisedec moco quicam ta. Joꞌcan tzꞌi̱banbil saꞌ li Santil Hu.

Deuteronomio 32:40

La̱in nintaksi li cuukꞌ saꞌ choxa ut ninye: La̱in li yoꞌyo̱quil Dios chi junelic kꞌe cutan.

Isaías 6:1

Saꞌ li chihab nak quicam li rey Uzías, chanchan matqꞌuenbil quinba̱nu nak quixcꞌutbesi rib li Ka̱cuaꞌ chicuu. Quicuil nak cꞌojcꞌo saꞌ xbe̱n jun cꞌojariba̱l saꞌ jun naꞌajej najt xteram ut ma̱ cꞌajoꞌ xchakꞌal ru. Ut quinujac li rochoch li Dios riqꞌuin li rakꞌ.

Apocalipsis 4:2

Ut saꞌ li visión li quixcꞌutbesi chicuu li Dios riqꞌuin xcuanquil li Santil Musikꞌej, quicuil saꞌ choxa jun li lokꞌlaj cꞌojariba̱l. Ut quicuil nak cuan jun cꞌojcꞌo saꞌ li cꞌojariba̱l aꞌan.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

Apocalipsis 5:1

Ut saꞌ lix nim ukꞌ li Dios li cꞌojcꞌo saꞌ li lokꞌlaj cꞌojariba̱l quicuil jun li botbil hu tzꞌi̱banbil chi saꞌ ut chirix ut tzꞌapbil riqꞌuin cuukub li sello.

Apocalipsis 6:16

Ut queꞌxye reheb li tzu̱l ut reheb ajcuiꞌ li pec: —Tꞌanekex chak saꞌ kabe̱n ut choe̱muk taxak chiru li cꞌojcꞌo saꞌ lix lokꞌlaj cꞌojariba̱l. Choe̱muk chiru li Jun li chanchan carner, li yo̱ xjoskꞌil saꞌ kabe̱n.

Apocalipsis 7:15

Joꞌcan ut nak cuanqueb chiru lix lokꞌlaj cꞌojariba̱l li Dios ut nequeꞌcꞌanjelac chiru chi kꞌek chi cutan saꞌ lix templo. Ut li cꞌojcꞌo saꞌ lix lokꞌlaj cꞌojariba̱l, aꞌan ta̱ilok reheb xban nak aꞌan cua̱nk riqꞌuineb.

Apocalipsis 21:5

Li cꞌojcꞌo saꞌ li cꞌojariba̱l quixye: —La̱in tinacꞌobresi chixjunil li cꞌaꞌak re ru.— Ut quixye ajcuiꞌ: —Tzꞌi̱ba retalil aꞌin xban nak li a̱tin aꞌin tzꞌakal ya̱l ut us xpa̱banquil.—